-
目的地香港
-
行程日數1日
銅鑼灣除左大家都行到厭的Sogo, Times一帶,又或者新少少的希慎,仲有邊度可以去?我最近就發現了一個小社區在銅鑼灣默默掘起,就係嘉路連希雲一帶!呢度除左有好多間人氣食店,仲隱藏著一間又一間特色小店!搵食之餘,大家不坊可以係度尋下寶!
第一日 香港
第二站
Via Tokyo
景點資料相信無人唔識呢一間人氣抺茶店啦!係香港要搵到拍得住日本抺茶製品的店真係少之又少,不過via tokyo就做到啦。由於次次黎都好多人,所以只係買左外賣,只係試過雪糕,無機會飲green tea latte!不過雪糕抺茶味濃,而且又滑又軟,真係值得再試!(打打下,又想食啦)
第三站
文化屋雜貨店
之前係油麻地的文化屋雜貨店搬左黎呢一區,主要售賣來自日本的特色小飾物及雜貨,風格獨特。有好多得意搞笑小物,幾啱買黎送俾人做生日禮物。
第四站
HOLA Classic
男士留意啦,呢間係一間度身訂造西裝的專門店,走英式紳士風,唔再自己套西裝咁平凡,想型嘅,可以黎呢間睇睇。不過度身訂造,價格一定會比普通貴。
第五站
LUDDITE
賣古著,相信當中有唔少都係外國搜羅返黎,想尋寶,呢度啱晒啦!
第六站
Cafe R&C
係via tokyo 飲唔到green tea latte,行多幾步,就可以去到Cafe R&C !呢一間型格cafe,地方細細,但咖啡一流。八卦一問,原本老闆本身都係從事設計行業,唔怪得成間cafe咁有格調啦。
發表回應