-
目的地大阪 | 奈良 | 京都 | 神戶
-
行程日數6日
廉航的出現,令人更加容易有去旅行的衝動,原來平平地都可以去到一轉日本!飛得平、住得平,唔代表我個旅程無質素架!雖然好似好趕咁,不過行程中其實有快有慢,都係睇下自己有幾中意個個地方啦!中意嘅真係可以靜靜花段時間欣賞日落,唔中意嘅就到此一遊,最緊要都係自己開心!
第一日 大阪,奈良,京都,神戶
香港去大阪
廉航的缺點就係無得選擇航班,不過呢個都係佢的優點,凌晨機去可以請少一日假,一落機就有得玩。(當然有冇精神就係另一會事啦) 一落機第一件事就買左張KANSAI THRU PASS(關西3日PASS),之後幾日都靠佢架啦!由於太早到,搭車個陣都無乜人。
大阪去奈良
直接用張PASS搭去酒店,放低行李就出發奈良,由於時間尚早,絕對有足夠時間去奈良睇鹿。雖然係搭夜機,但唔知點解仲幾精神。
志津香釜飯
志津香算係奈良幾出名的餐廳,聽聞每次都要排隊。好彩!我個日只係等左十幾分鐘。本身仲擔心好難搵,原本係公園附近,好方便。吃和聞都很香口,值得一試!
第二日 大阪,奈良,京都,神戶
八重勝
景點資料通天閣附近有好多出名的炸串店,最多人排隊的就係八重勝!出發之前,我都bookmark左呢一間!由於有兩間鋪,排左一陣就可以入去。串燒脆口但唔乾身,亦不會太過油膩,好味到食唔停口。一串大約200 yen。
地魚屋台
上網見到地魚屋台個別名係'「海鮮冬菇亭」,點解大阪都會有冬菇亭?原來地魚屋台唔係真係冬菇亭的外貌,只係比較似一個日式版大排檔。地魚屋台主要食海鮮,真係非常新鮮!眼見個個日本人都點左一大盤天婦羅,於是自己都試下啦,原來天婦羅都好正,非常脆口!最重要的係有中文餐牌和講普通話的服務員!絕對唔驚叫錯野!
Hep Five / Hep Navio
景點資料由於大阪周遊卡可以免費搭,回程的時候經過梅田就去試下啦!一出梅田站就可以見到HEP FIVE 摩天輪,而Hep Five 呢個商場都有比較多日本品牌可以行下。係摩天輪上欣賞大阪夜景,真係幾嘆!
第三日 大阪,奈良,京都,神戶
大阪城天守閣
景點資料由於大阪周遊卡要連續使用,所以呢一日都係大阪市內游。大阪城是日本歷史上的三大名城之一,由護城河、城牆到天守閣,每一個部分都可以見到歷史的腳印。雖然不是在開花的季節到訪,但大阪城公園四周環境都很優美。
森之宮去門真南
由於大阪城(森之宮站)去門真南只需要約15分鐘,於是就去行下outlet。
鶴見三井 outlet
呢一個大阪市內的outlet不算太大,亦沒有很多大牌子,不過有無印良品和其他日牌。千祈唔可以睇少佢,呢個outlet我都行左幾個鐘。
燒肉
本身bookmark左一間燒肉店,食燒肉放題,但已經滿座且唔比你等位。唯有係道頓堀搵一搵其他燒肉店,雖然唔記得呢一間燒肉個名,但低過香港的價錢,得到高過香港的享受。強烈建議去日本要食一次燒肉放題!
第四日 大阪,奈良,京都,神戶
祇園四条駅
由大阪到祇園四条駅 大約1小時
祇園
一出站就係四条通,沿路都有不少特色點店鋪及美食。
京都小巷
沿著指示可以走到清水寺,沿中經過很多小巷,建築古色古香。每走幾步,就會見到一些買特別手工藝品的店,亦有不少日式食店。
五条坂
走到五条坂,一個比較熱鬧的街道,五条坂兩旁都係賣手信和小食。
第五日 大阪,奈良,京都,神戶
生田神社
三宮一出就係生田神社,生田神社同其他日本的寺廟差唔多,路過就可以睇下,無必要特別去。
北野異人館
一路向北行(或者向山上行),大約十幾分鐘,就會去到北野異人館。呢一帶有好多西式建築,就連Starbucks都係一個景點,其實唔少建築物係舊的領事館。不過大部份都要收費先可以參觀,免費參觀的只有萊茵館。中間有個廣場,應該會不定期有表演,我個日就睇到猩猩表演。
第六日 大阪,奈良,京都,神戶
大阪去京都
最後一日亦都係去京都,因為有3日PASS的關係,一張PASS可以去京都同埋機場,比較化算。
宇治
抹茶fans真係絕對唔可以唔去宇治,抹茶的故鄉。唔知係咪成年禮後,大部分店舖都休息,呢一日周圍都無乜人,好清靜!比起去清水寺,宇治的確無咁熱鬧,甚至可以話係冷清,不過好舒服!真係好似走入日本的社區咁。
伏見稻荷大社
景點資料行程的最後一站就係伏見稻荷大社。相信大家對呢個地方都唔陌生,經常見到有人黎呢度打卡。本身睇相唔覺得特別靚,但當自己去到,發覺原來實物係靚好多。一路行上去,就覺得愈來愈神秘。而落山的時候,又咁岩撞上日落,完美的日落為我呢一次日本之旅畫上一個完美的句號。
發表回應