-
目的地新加坡 | 新山
-
行程日數4日
新加坡有好多出名又好食既美食, 即使係香港呢個美食天堂都好難食到個種風味, 例如好似燒魔鬼魚, 麥片蝦同獅蚶喇沙, 真係令人回味無窮, 除左食, 仲可以去Legoland玩番日, 買D限量版手信~
第一日 新加坡,新山
Newton Food Centre
Newton Food Centre 係一個幾出名既Food Court, 有好多新鮮既海鮮, 好似炒蜆, 佢地用d甜甜酸酸辣辣既醬炒, 好惹味, 仲有好有特色既燒魔鬼魚, 上面舖個特色辣醬, 好刺激!
第二日 新加坡,新山
馬來西亞Legoland
馬來西亞Legoland有好多用Lego砌成既模型公仔, 令人大開眼界, 好似新加坡摩天輪, 馬來西亞雙子塔, 中國長城等等, 全部都係影相位, 閒日去人流較少, 可以影到多D靚相, 仲有好多小朋友啱玩既機動遊戲, 好似騎假既馬仔, 亦有好多好刺激既機動遊戲, 適合一家大細去玩番日, 仲有好多限量版Lego手信, 有時會有特價tim, 一定要去行下, 睇下有無收穫! 玩到肚餓, 除左樂園內既餐廳, 可以離開樂園, 去樂園對面既食肆搵食, 可能會有仲好食同仲抵食既美食, 記住出樂園前一定要同職員講, 蓋個印
No Sign Board
No Sign Board既海鮮非常出名, 好似白胡椒蟹同麥片蝦, 白胡椒蟹好新鮮, d肉好甜, 亦好肥大, 隻蟹拑好似我拳頭咁大, 少少辣, D胡椒更能帶出蟹既甜味, 麥片蝦D麥片好脆好甜, 一D都唔油膩, 真係一試難忘!
第三日 新加坡,新山
第四日 新加坡,新山
結霜橋叻沙
景點資料結霜橋叻沙好有名, 除左價錢平又好食之內, 佢係市內少有, 仲用炭爐煲湯底既舊色食店, 好有傳統風味, 個湯底落左好多獅蚶, 令到D湯好鮮甜, 加上濃郁椰香味, 令人心動, 一次最起碼食3大碗先停到! 不過位置較難找啊~
發表回應