|
教堂呢個地方,應該係不少女生們夢想中一生人要行一次嘅地方。通常教堂都會有好大空間,而裝修、風格,甚至顏色都非常適合影女神照。唔搵都唔知,原來台灣都有幾多特色教堂,有啲教堂平日都會開放畀公眾參觀㗎,我為各位女神們精選呢 4 間台灣教堂,一於齊齊衝去 chok 到夠!
位於台南嘅白色小教堂,坐落喺一個小小度假村之中。整座教堂都係 pure white,而且又有多塊落地大玻璃窗,感覺好清涼好 cozy。度假村另外亦有同樣靚景嘅別墅及其他影相位,仲有一間專門品嘗懷石料理嘅餐廳㖭!
呢間距離台灣桃園機場只有 10 分鐘車程嘅桃禧航空城酒店,入面居然有一間全透明嘅水晶教堂!由頂到底都係玻璃造成,滲透天然光綫,影相出到嚟肌膚都好睇啲,齋睇相都充滿 fantasy。