|
在東京,最方便大家買手信嘅地方,我首推「東京站」!首先東京站本身就係一個旅遊點,車站內外都有好逛好買點,足可玩足大半日。而單單在東京站內,就有大量精品店、手信店,買走手信話咁易,但要買走「好」手信,就必跟我哋為你打包的以下 6 大人氣美味推介,保證送畀邊個都唔失禮!
溫馨提示:東京站內非常大,如果迷路、搵唔到手信店所在位置,即去詢問處出示相關手信照片或店名,職員能以英語指引方向。
日本芝士撻名店 Bake 集團新店,唔賣撻,而係賣牛油忌廉焦糖夾心曲奇!唔好睇少曲奇細細件,店家用咗北海道產小麥粉及鮮牛油做曲奇皮,又用北海道牛油忌廉及焦糖醬做餡,買走呢份手信一定夠潮!
由前白宮糕餅師 Bill Yosses、日本首位芝士專業鑑評家村瀨美幸、獲法國政府頒最優秀芝士職人 Rodolphe Le Meunier 等芝士達人監修,並合力創作了 3 款芝士手信,其中以「Newyork Perfect Cheese」最具視覺震撼!
創業 10 年的「ねんりん家」係年輪蛋糕專家,不時推出限定新口味,不論係大丸東京分店,還是東京站內銘品館分店,都係有人龍!熱賣 No.1 係「マウントバーム しっかり芽」Mount Baum Kuchen 款色年輪蛋糕!
多次成為東京站人氣手信 No.1 的「The Maple Mania」,多款小食都由加拿大魁北克產嘅百分百楓糖漿、高級牛油製成!最受歡迎的是「Maple Butter Cookie」,牛油餅乾香口又有微甜糖漿味,包裝又走可愛風,讚!
裝潢走紅白日本風,旗下手信以日本傳統雷神為概念,把雷神的角當成餅乾!鬆脆的餅乾筒內,有忌廉、花生、芝麻糖等作餡,多重口感好特別。加上手信包裝走現代和風,完全代表東京喇!