近年越來越多港人趁假期北上深圳覓食,勝在價錢平香港一截,TVB趁這股熱潮推出深圳大灣區旅遊節目《吃貨橫掃深圳》,介紹多個吃喝玩樂好去處,不過近日有網民跟住節目介紹幫襯一間主打蟹黃餐廳,點了199元二人套餐,事後在FB群組發文大呻中伏!
節目中曾經介紹深圳海岸城一間主打蟹黃餐廳,以「極邪惡」蟹膏拌飯或麵,主持人試食人氣爆燈的「蟹黃瀑布」,激讚好味之餘,試食時表情相當誇張。
點擊圖片放大
圖:《吃貨橫掃深圳》擷圖
有網友在FB群組表示睇完TVB介紹後特地去朝聖,點了199元(約215港元)二人套餐,不過直言:「所有嘅期待不如不期待,中伏。」照片所見,該套餐包2碗蟹黃,1碗白飯、1碗淨麵、4碟小菜、1碟春卷和2支飲品,蟹黃用來撈飯或麵進食。
點擊圖片放大
看圖雖然貌似正常,但網友補充指:「羔冇香味!蟹冇蟹味!反正就係食之無味!棄之可惜唔知食咗乜嘢落肚!兩舊水食完落肚唔知食咗乜嘢!如果冇配料酸瓜根本食唔落啲飯!」
點擊圖片放大
帖文引起網民熱議,有其他人同樣試過中伏「我都去過 唔知點解 好多料 但係毫無味道」、「尋日食完!伏到震!隔離蟹興記開張ok,而家都差」,亦有人認為節目收錢賣廣告,著不要盡信。
點擊圖片放大
不過都有網民留言平反,指現時並非當造期,質素受影響無可厚非,也有人表示以前幫襯過該餐廳,覺得整體味道不錯,只是個別食物表現失色。
點擊圖片放大
來源:FB@深圳大陸吃喝玩樂交流、HKET
【延伸閱讀】
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓