近日孫慧雪與一家四口及工人姐姐飛到日本京都旅行,更在當地著上和服打卡。孫慧雪直言去京都影全家福是一直以來的心願,「夢想實現了!」她在社交網分享全家福,亦曬出工人姐姐著和服與櫻花的合照,不少網友大讚她靚女。
孫慧雪曬出多張靚靚全家福,見6歲的大仔水哥(Riley)著和服亦非常帥氣,而9個月大的細仔「肉肉哥」亦有著上和服,非常可愛。
有網民更留意到孫慧雪的外傭,身高158cm的她穿上和服,網友留言:「工人姐姐又幾靚女」、「影得好靚,你嗰套都好靚吖!我最鍾意嘅紫色,工人姐姐好幸福,可以同你哋一齊著和服影相」。
點擊圖片放大
孫慧雪亦有拍片記錄租借和服攝影的過程:「其實京都和服唔係第一次影,之前我試過去到Walk in租借和服,不過Walk in未必一定有位,要逐間搵,有啲和服租借店嘅和服仲好有特色添。記得上網做晒research!不過walkin嘅話攝影師未必得閒,加上而家我有兩個小朋友,有啲和服嘅租借館,係唔包小朋友嘅,所以今次我就上網搵咗一間,比較招待旅客同包埋男士及小朋友和服嘅租借館。」
孫慧雪亦建議book較早時間去,「會有多啲選擇,兼且會多啲行街時間,但因為我帶住兩個小朋友嘅關係,實在早唔到,為咗大家舒服啲,我自己就揀咗晏晝時段,但真係唔夠時間行㗎。櫻花嘅時節真係好多人影相,所以啲相片難免會有其他人喺度,其他嘅時間可能會好啲,睇你想要點樣嘅相啦!」
點擊圖片放大
圖片:孫慧雪IG
▶️立即下載U Lifestyle App:https://bit.ly/47MZ5J2
同場加映:【快閃旅行團】最新影片
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓