歌手兼健身教練鄧穎芝(Vangie)日前在港乘搭從香港飛往布吉的航班,怎料遇上航班延誤,飛機在曼谷蘇凡納布機場(BKK)降落,兼等候了8小時。一眾旅客滯留當地,有乘客更自己買了合共100份漢堡及50份薯條派給其他乘客,Vangie大讚是好人好事!
Vangie在IG限時動態表示自己是第一次遇上被迫降落另一個機場:「我要去HKT(布吉國際機場)唔係 BKK(曼谷蘇凡納布機場)呀…被迫降落另一個機場我都係第一次,已經DELAY咗4個鐘。好似話本身個機場跑道有問題所以閂咗….」
她詳細分享航班延誤的經歷:「話說頭先我去布吉嗰班機LAND唔到係因為原來前一班機降落有問題,啲行李跌到成個跑道都係,所以要清理。於是我哋全機人就被迫飛去曼谷,機上嘅乘客 CHECK 到我哋後邊啲機全部都降落到,係得我哋呢班機咁黑仔。」
最後一眾旅客要等到晚上7點,Vangie說:「然後又因為航空公司政策,原本班crew 唔可以再同我哋一齊由曼谷返布吉,我哋要原地等一班新嘅crew 嚟先可以再上機。而呢班crew 香港過嚟班機係delay 嘅,所以啱啱同地勤人員溝通,佢哋話最少要等到今晚7點,先可以上機去布吉。」
Vangie指今次她遇到航班延誤異常冷靜:「我哋全部人困喺候機室唔可以出去,佢哋淨係派咗三文治,乜都做唔到,啲人輪流去搵嗰啲地勤問問題。依家呢個情景好搞笑,好似拍戲咁觀察每一個人對呢件事嘅反應都好好睇。平時嘅我應該都會好嬲,但係自己一個人又異常冷靜,心情冇乜大變化。」
之後一眾旅客獲安排上機,突然有位女乘客與女兒自費買了食物在機上派給客人。Vangie大讚好人好事:「呢位媽媽好正,佢同囡囡買咗50個芝士漢堡、50 個雞肉漢堡同50份薯條,為了其他乘客不求回報。與此同時航班已經延誤了 8 個小時了還沒到。」
圖片:鄧穎芝IG
▶️立即下載U Lifestyle App:https://bit.ly/47MZ5J2
同場加映:【大灣區快閃遊】最新影片
↓ 全球最薄!免費成為全港首批用家 ↓
↓ 大灣區一小時生活圈!最新打卡熱點/熱門美食等!↓