約旦4天自駕精華遊

馬達巴(Madaba)離機場只有20分鐘車程,係一個以馬賽克藝術聞名的小鎮。
當中最著名的就係聖喬治東正教堂(St George’s Church),教堂內保存左現存最古老的中東地圖。地圖以馬賽克鑲嵌,制作非常細緻。

據講呢度係摩西長眠之地,而佇立係山上的巨型銅蛇杖就係根據聖經記載摩西的事蹟所打造的。
話說以色列人埋怨神,於是神就以毒蛇咬傷佢地作為懲罰。
摩西為受傷的以色列人禱告求神寬恕,神就吩咐摩西打造一條銅蛇,凡望到銅蛇的人都會得到醫治。
唔係教徒既都唔緊要,係度可以遠眺死海及約旦南部景色,又或者去附近的教堂欣賞拜占庭時期的馬賽克。

死海的含鹽量比普通海水高出8.6倍,生物無法生存於其中,因而得名。
因為鹽水密度高,令人可以輕易地係水面漂浮,所以成為打卡熱點。
留意返千祈唔好浸過頸,因為面皮比較薄,容易受傷。
同埋有傷在身的人切忌係自己的傷口上灑鹽,否則會痛不欲生。
另外死海泥含有豐富的礦物質,係最佳的天然護膚品。
一邊漂浮一邊做個泥漿面膜,簡直係一絕。
為左好好享受一下死海的樂趣,特登揀選入住擁有私家死海的沿岸酒店。
酒店設施齊備,環境優美,沙堡式的建築風格頗有特色,謀殺左唔少菲林。

被譽為世界新七大奇景的佩特拉古城(Petra)係約旦最知名的景點。《奪寶奇兵》同《變形金剛》都曾經係度取景拍攝。
最基本的參觀路線係由入口經蛇道（Al Siq）到卡茲尼神殿（The Treasury）。
卡茲尼神殿係古人沿著岩石峭壁雕鑿而成,其鬼斧神工,實在令人驚嘆。傳說其頂部藏有寶藏，所以神殿又稱為「寶庫」。
佩特拉古城佔地甚廣,除左神殿,仲有好多鑿山而建的墓穴﹑修道院﹑露天劇場等值得參觀。
自問有氣有力的可以用雙腳走均全程,唔係的都可以僱用「佩特拉的士」—馬、駱駝和驢仔代步。

阿卡巴(Aqaba)面向紅海,係約旦最出名的渡假勝地,呢度的海水非常清澈,適合浮潛欣賞美麗的珊瑚礁。
經過半日的體力勞動,今晚決定入住InterContinental Aqaba Resort享受下陽光與海灘,Relax下。

瓦地倫(Wadi Rum)係一個保護區,唔可以自駕,要係呢個廣闊嘅沙漠奔馳只可以坐區內的吉普車。
呢度亦都係熱門的電影拍攝場地, 包抱《變形金剛》﹑《火星任務》同宜家上緊畫的《阿拉丁》等。
唔好以為沙漠就一片荒蕪冇野好玩。呢度除左有廟宇同壁畫遺跡睇,仲可以騎下駱駝滑下沙。
遊客中心有各式各樣的Tour可揀,梗有一款啱心水!

估唔到瓦地倫(Wadi Rum)連最潮的Glaming設施都有,帳篷備有獨立衛浴同冷氣,簡直同住係酒店冇分別。係度住返晚品嚐一下貝都因人特製的晚餐同享受寧靜浩瀚的星空,真係爽歪歪!

傑拉什(Jerash)保存左大量羅馬建築遺蹟,有完整的羅馬劇場,被認為係保存最完整的羅馬時期統治城市之一。
更重要的係呢度比義大利羅馬古城區更大同更少遊客,影相都唔怕比人攝鏡。