第一日
第一站
KING KONG BBQ海鮮餐
去到泰國最重要就係食,食,同埋食.因為海鮮夠新鮮之餘,價錢仲好親民,第一日下午機到泰國,再轉搭的士去曼谷市中心.我就選擇近近地去KING KONG 食返個BBQ海鮮.佢有好多間分店,不過要留意返真係好多人,建議大家早少少去攞位,咁就唔駛浪費旅行嘅寶貴時間啦.
KING KONG係一間有冷氣嘅餐廳,由於抽風系統強勁,食完完全唔駛擔心D衫吸晒味,而我最鍾意佢嘅大頭蝦,配上店家多種口味的醬汁,真係冇得彈.一家3口都唔駛HKD 500埋單,真係抵到爛.
第二日
第一站
摩天輪夜市
去旅行我絕對唔會趕行程,瞓到中午,食過LUNCH去LETS RELAX按摩是常識吧,草球+全身泰式按摩簡直係人間最大享受,晚上6點,我地就去到摩天輪夜市,我地由酒店住GRAB直接到達.呢個夜市真係好啱小朋友,因為有高卡市,摩天輪等等設施.玩左一陣我地就食返D地道野,老公最愛嘅生蝦同埋榴槤雪條,睇到都流口水.不過食物價錢方面就比市中心高少少啦.但一場黎到,比多少少都唔怕啦.
發表回應