呢次係我地4個第一次去日本,而且我地4個都算係路痴xd所以我地做左好多準備,揾左好多資料,預求有個好嘅第一次!同埋我地都係學生,所以我地都搵左好多優惠呀,一日券個啲去省錢!
今次會去大阪同京都行街,行神社同埋食好多好西!當然都會去日本環球影城啦!
第一日
關西機場
我地大約會係16.30左右到關西機場,連埋入境換飛各樣,就預1個半鐘左右可以出發去市區。我地會搭南海電鐵特急列車去難波,之後再行過去我地住嘅民宿。
心齋橋,道頓堀,難波
放低野之後,我地就會去行心齋橋,道頓堀同難波。由我地民宿行過去都係15分鐘左右。
力丸燒肉
大約7 8點左右,就食晚飯。我地打算食力丸燒肉,因為聽人講又平又抵食,所以諗住去試一試。
第二日
ぼっこ志拉麵
呢間係睇周遊關西個時見到,一睇就俾佢個湯吸引左,所以決定跟Jarvis去搵食,晚餐就去食下呢間拉麵!
第三日
梅田
梅田係大阪嘅必去之地,有好多間百貨公司,去買手信就最啱!
らーめん弥七拉麵
呢間係日本食べログ入面攞左好高分,而且睇啲相都好吸引,食過嘅人都話老闆好nice。不過想食嘅人要記得早啲去拎整理券。
大阪天滿宮
大阪天滿宮所供奉嘅神係學問之神菅原道真。行完都可以去附近行天神橋筋商店街,好多野行架!
蟹炒飯 かにチャーハンの店 EKI MARCHÉ大阪店
去完天滿宮就去返梅田行街,之後就去食蟹炒飯做晚餐。呢間鋪頭係食べログ都幾高分架!
第四日
河原町
我地會搭阪急電車去京都。去到京都第一站就梗係去河原町行下啲百貨公司,睇下啲靚衫,化妝品。
錦市場
錦市場係京都嘅一個傳統市場,去體驗下日本市場特色。
嵐山
去到嵐山就要行下竹林之道,天龍寺同野宮神社,悠閒寫意。
河原町,祇園
去完嵐山就會去返河原町行街。
河童壽司
河童壽司都係好出名嘅平價壽司。
高木批發市場
高木批發市場聽講係全京都最平嘅超市,梗係要去掃下貨啦!
淡路站
返大阪同樣都係搭阪急電車,係淡路站轉車。
第五日
大阪城
大阪城可以話係大阪嘅象徵,第一次去嘅我地梗係要去啦!
心齋橋
去行街啦~
大阪難波 自由軒 難波本店
自由軒係好出名食咖哩飯嘅餐廳,好有大阪特色。
天保山摩天輪
佢係全球最大級的摩天輪,可以睇晒大阪嘅美景!
第六日
電電城
臨返香港要買多啲,電電城好多有關動漫嘅商品,鍾意動漫嘅人就要去行下啦。
心齋橋
最後衝刺~
關西機場
都係搭返南海電鐵特急列車,要返香港啦。
發表回應