是次跟EGL去大阪玩，所以唔使煩交通問題，食又食得好，住又住得好！
Day1 酒店：和歌山南部Royal Hotel & Resorts
Day2 酒店：南紀白濱梅樽溫泉Seamore
Day3 酒店：神戶ANA Crown Plaza
Day4 酒店：神戶ANA Crown Plaza
第一日
關西機場
今次搭CX566零晨機去KIX，不過遇著Delay接近2個鐘，全機Y Class Full Load，大概朝早7點左右Land關西機場。
零晨機連CX都無野好食，今次Delay係因為飛機臨時改動，由舊A330換做新A330。
黑潮市場
行完公園之後，就直接出發去和歌山黑潮市場，車程大概1小時45分鐘，黑潮市場的Toro很新鮮而且也比黑門市場平，每日都有Tuna魚解體表演，也有海鮮可買來bbq，有丼飯店、紀念品店，很多遊客，就是一個做遊客生意的地方。
貴志站
小玉 (たま) 站長的名氣一路紅到至今，一年內就為當地帶來11億日元的觀光收入！
第一代貓站長已經升格為貴志站的小玉大明神，而二代玉站長原本任職於伊太祈曽站，同其他職員一樣，二代玉都要輪更㗎，仲有見習站長四玉，都會出現於貴志站或伊太祈曾站，
今次EGL包埋搭左ICHIGO草莓電車由貴志站坐到去伊太祈曾站。
和歌山城
園內有個「紅葉溪庭園」，當去到秋天紅葉時期就非常多紅葉睇架，由於和歌山算係近郊吧，遊客相對少好多，公園都幾大，有兩個方法行上和歌山城，一個就行斜路，一個就行大級樓梯，上到去可以見到和歌山市的景色，空氣又唔錯，周圍都係綠色植物同大樹，太棒啦！
第二日
橋杭岩、串本海中公園
串本町已屬「那智勝浦」地區，是本州最南端的點，可以先去串本海中公園，然後再落埋去橋杭岩睇石頭。
串本海中公園面積不算大，不過這裡可以和海洋生物更親近，可以近距離看到這些罕有的海洋生物，這裡還有一個海龜館，裡面養了不同大細的綠海龜，又可以用￥100扭蛋機買海龜專用食糧去餵佢地，非常適合親子活動！
三段壁、千疊敷
乘電梯直達洞底，很特別的景觀，洞內規劃得很好還算平坦，對老人黎講都算容易行，聽海浪聲看著被長年沖刷出的百變岩，相當之值得一黎，日落時間黎到仲可以睇影埋太陽落山！
行返上斜路有一間小賣店，食物、飲品、雪糕......價格非常便宜，燒帶子、魷魚、粟米.....都只不過係￥100，點都要食返夠本先走啦！
秋/冬天到千疊敷會十分大風，要注意防風，基本就是一些岩石及海，旁邊有CAFE&紀念品店。
第三日
紀州備長炭紀念公園
景點資料備長炭使用現成為和歌山縣官方樹木橡樹用高溫燒制而成，具備密度高、硬度高，長時間燃燒也不易出明火，幾乎沒有煙霧和臭味這樣的特徵，再加上作為一個品牌木炭，所以被稱作為世界上價格最貴的木炭！
日清杯麵博物館
我們去這参觀時，杯麵博物館都算幾多人，排隊去自製杯麵都用左個鐘，E個點只可以話黎過就OK！
神戶港、MOSAIC & UMIE廣場
遠遠就可看到紅色管狀的神戶港地標「神戶港燈塔」，港口寧靜平和，氛圍非常與眾不同，非常悠閑。
趁著夜晚黎到，要好好體驗神戶港的夜景和逛逛Mosaic廣場和umie廣場，如果喜歡逛街購物的人千萬不要錯過這裡，因為這邊算是一個結合夜景和時尚的購物地帶，也有不少的美食可以挑選。
第四日
第五日
大阪城公園
第一次到大阪的遊客必到之地，這是大阪的地標，淨係從森之宮站行到去天守閣就要行一段時間，少d腳骨力都唔得，公園有小火車和遊船去遊覽公園和公園內的護城河。
大阪週遊卡包埋上大阪城天守閣，仲包埋大家水上巴士去天滿橋， 轉乘其他交通/地鐵去大阪各地都方便。
梅田藍天大廈
藍天大廈距離梅田各車站都比較遠，行路都係15分鐘之內，相信係每個遊人都會安排在行程之中，雖然不及Harukas 300咁高，但使用大阪週遊卡就包埋入場，上到去都係城市風景啦！
大阪海遊館
景點資料黎到最後一日，我地有全日自由行時間去玩！
第一次黎海遊館，覺得很值得去，相比海洋公園大得多，海洋生物種類又很多，8層高的水族館有超多野睇，喜歡海洋生物的朋友真係唔黎唔得囉！仲有世界最大的鯨鯊！
難波、道頓堀、心齋橋
黎到最後的行程就係行難波、道頓堀、心齋橋...一帶啦，亦都唔少得要去激安掃貨啦！
關西機場
行下食下又夠鐘要集合上旅遊巴去關西機場Lu！
最唔想離開日本的時候又到啦，今晚搭CX507返香港，pack好哂d戰利品之後就去counter寄行李。
不過過左關之後，禁區裡面一樣咁好買的，好幾間賣土產/紀念品的免稅店，又要繼續買唔停手啦，一定要將身上所有的yen都買盡佢！
Royce Chocalate比香港平一半有多，一田賣$115，免稅店只係$50蚊左右！
今晚的CX507飛B773，Y Class又係打到爆哂，舊B773的Hard Shell椅我又唔覺得好難坐。
發表回應