福岡不像東京的繁華,給人一種慢活,純樸的感覺
但是應有盡有,想睇景又得,想SHOPPING又得,想食好西都得到
第一日
第一站
糸島
福岡後花園的糸島,是非常人氣的旅遊景點
自駕去糸島是比較方便,因為這裡有很多的景點,如自駕人士就可以在各景點附近的停車場泊車
但是也有巴士從福岡過來的,時間約一小時
今次去這個沙灘最出名就係由兩棵椰子樹組成既千秋,係必去打卡熱點
但係唔好諗住好多人排隊影相,我去到成個沙灘都係得10個人唔夠,有排影都得
一個海邊既鳥居,出面仲有個岩石,日落既時候太陽就會係岩石中間日落,黃昏去既時候一定要睇呀
另外食方面,燒蠔係糸島好出名,不過要睇月份,我就4月份去都有得食,係超級新鮮,但價錢唔貴
第二日
第一站
九重夢
一早起身又要趕行程,第一站睇神社,由於個神社係半山地方,由高而下望晒成個市鎮,個景好靚
之後就再自駕去町田牧場食和牛,位於深山地方,係九重夢大橋附近
下午就去九重夢大橋,如要入大橋係要俾錢,但入到去其實影唔晒個景
如果自駕人士我提意去另一邊入口附近其實有個觀景台係可以影晒成條橋的
最後一站我地就去左由布院,大致上都係一條直街行下食下野買手信
可以行到最尾金鱗湖打個卡,因為湖水好似一塊鏡倒影一間小屋
仲有一隻好大隻既鴨長期係湖邊唔郁,見到佢記得打個卡喇
另外,由布院有一條村莊,有哈利波特FEEL,仲有個貓頭鷹展覽,可以近距離摸下佢地
發表回應