-
目的地深圳
-
行程日數1日
周末難得放假,不如就上深圳一日遊啦!今次帶大家嚟到購物公園站嘅深圳福田星河COCO Park商場美食遊,食盡深圳多間網紅店!如果大家飲厭喜茶/奈雪之茶,可以去Gaga鮮語飲招牌水果茶,然後到文青風餐廳農畉,邊嘆西餐邊打卡。想食啲甜味小食,可以試Aunitie Anne’s嘅蝴蝶餅,最後挑戰麻辣風味嘅四川菜:撒椒!不過除咗美食遊之外,上到深圳又點可以唔唱K?COCO Park附近嘅樂宴KTV就可以開大房任唱,而且價錢好平!一齊睇下COCO Park深圳一日遊嘅行程推介啦!
第一日
Gaga鮮語
Gaga鮮語主打三文治等輕食同水果茶,也有主食提供。Cafe環境寬敞,座位亦十分舒適。不過相比美食,更多網民推介水果茶。Gaga鮮語水果茶鮮甜還可以加海鹽芝士,增添滋味。
Gaga鮮語的招牌水果茶,有西瓜、草莓、青檸等雜果。水果茶賣相搶眼,味道清甜,生果新鮮爽口。無花黑提果肉夠多,十分清新。加添海鹽芝士後味道更濃郁。
地址:深圳福華三路COCO Park B1-046號舖
營業時間:10:00~21:00
農畉
這間位於COCO Park酒吧街的農畉是人氣網紅店,甫進入餐廳就感受到文青氛圍,座位上的吊燈及瓷枱亦甚具文青風格。此外餐廳採自然光,環境舒適。閣樓位置是影相位,不過座位較少,想霸靚位就要盡早前往,否則很快就會滿座。餐廳每周都會有精選套餐,免費加配泰式奶茶或伯爵茶,而且份量夠多,share食叫1~2款食物都夠飽。
地址:深圳民田路COCO Park外場酒吧街一樓L1C-079a鋪
營業時間:10:00~22:00
樂宴KTV
食飽飯係時候搵啲嘢做下!深圳唱K咁平,咁就當然要去唱返夠本啦!位於會展中心站的樂宴KTV只需要由購物公園站乘搭一個站,再步行1分鐘就到達。樂宴唱K十分便宜,只要做會員平日唱K有5折,假日唱K有9折。小編於下午2時左右入座,120元可以任唱至下午6時(時段由12時開始),愈多人唱K就愈平!
K房十分寬敞,容納10人以上也不是問題。歌庫齊全,港台歌手的作品也有得唱。
地址:深圳福華一路1號CBD大中華國際交易廣場西座4樓(會展中心站)
營業時間:12:00~02:00
Auntie’s Anne 安緹安蝴蝶餅
聲竭力歇唱完K,燃燒完一輪熱量之後肚子又餓。此時就可以到樂宴KTV旁的Auntie’s Anne安緹安蝴蝶餅品嚐下午茶。安緹安蝴蝶餅店面旁邊的藍黃霓紅燈牌十分適合打卡,店裡設計採用開放式廚房。蝴蝶餅及安緹棒是店內招牌小食。
地址:深圳福華一路1號怡景中心城G層FG011A鋪(會展中心B站出口)
營業時間:10:00~23:00
撒椒
回到COCO Park逛一輪之後,很快又到吃晚餐的時候。今次就試試人氣四川江湖菜撒椒。餐廳內部設計色彩繽紛,非常夢幻,就像置身於花花世界一樣。食物價錢合理而且份量豐富,麻辣菜式十分惹味,難怪會引來那麼多客人前往用餐!
地址:深圳福華三路COCOPARK3樓L3C-020號舖
營業時間:10:00-22:00
奈雪之茶或喜茶、樂凱撒比薩
COCO Park怎會只得以上餐廳?如果夠時間還可以順道喝奈雪之茶或喜茶。另外COCO Park有一間吃榴槤pizza十分出名的「樂凱撒比薩」,6吋金枕頭榴槤Pizza(RMB 49)榴槤味濃郁,餅皮鬆脆,喜愛吃榴槤的朋友不要錯過呀!
發表回應