HK
Travel
Food
Beauty
Blog
Sky Post
e-zone
  • 會員登入/ 登記
  • 主頁
  • 遊玩情報
  • 全球目的地
  • 旅遊日曆
  • 行程
  • 景點
  • 主題特集
  • 影片專區
  • 旅遊快搜
  • 會員專區
    • 行程管理
    • 我的資料
    • 會員活動
    • 專享優惠
    • 會員通訊
  • 關於我們
關注我們
立即下載U Lifestyle手機應用程式
App Store Play Store
香港經濟日報版權所有©2021
HK
Travel
Food
Beauty
Blog
Sky Post
e-zone
立即下載 U Lifestyle App
-或-
熱門城市:
  • 大阪
  • 台北
  • 東京
  • 曼谷
  • 福岡
  • 首爾
  • 深圳
  • 京都
  • 澳門
  • 沖繩
港人移民
全球疫情
香港酒店優惠
日本
澳門
韓國
台灣
泰國
其他目的地
旅遊日曆
行程
主題特集
影片專區
會員專享
UL APP Banner
正在閱讀
九州6日5夜行程 福岡市內購物嚐美食、長崎賞日本三大夜景
https://travel.ulifestyle.com.hk/trip/detail/7538/九州6日5夜行程-福岡市內購物嚐美食-長崎賞日本三大夜景

九州6日5夜行程 福岡市內購物嚐美食、長崎賞日本三大夜景

九州自由行 福岡 熊本 長崎
發佈時間: 2019.06.19
U Travel 編輯部
108 篇行程
查看更多行程
  • 目的地
    福岡,熊本,長崎
  • 行程日數
    5日

九州名勝熊本城雖然仍在修復,遊客暫時未能一覽全貌。不過熊本地區,甚至九州其他地區如福岡博多也是港人熱門旅遊點。行程到訪門司港的唐戶市場、博多一番街購物/品嚐美食更到了長崎的稻佐山看日本三大夜景,十分豐富!接著會到九州自由行的人士不妨參考!

第一日   

福岡機場   →  
博多站   →  
博多站隔離 Airbnb   →  
博多站附近餐廳
第一站

福岡機場

由於想好好的休息兼享受假期,所以選擇了中午的時間坐飛機,13:05機,不過選擇得HKExpress就必須預「一分錢一分貨」,上機之後delay了兩個小時... 最後日本時間7點多才到達福岡機場。

福岡機場唔算大,入境都唔算等太耐,大概半個鐘就完成哂。出左黎之後,要搭10分鐘的免費接駁巴士由國際線既terminal轉去日本內陸線既terminal,之後轉搭地鐵。地鐵搭兩個站就到博多站喇,承惠¥260。好方便!


第二站

博多站

博多站超級大,出閘後上一層就會見到辦理JR PASS既地方。因為已經係旁晚,完全唔洗排隊。我地係喺飛機上買5日的北九州JR PASS,即日要係呢到換返做正式個張。因為今日已經唔會再去邊到喇,所以我地選擇左聽日先開始用張JR PASS。博多站其實好多商場地下街可以行,不過我地太餓喇,係對面既牛角包店買返個牛角包食先!呢間好出名架,好多人都會特登黎排隊買。

有三隻味,我地每樣買一隻試下,¥170,好香,唔算好甜,咬落去個牛角包面係脆的,入面好鬆軟。不過我唔係好知係邊三隻味,原味、朱古力味、焦糖味(?)。


第三站

博多站隔離 Airbnb

我地book既airbnb就係博多站隔離5分鐘既路程。保安唔錯啊,用鎖鑰先會開既自動門。(我地企係到研究左好耐點開) 入到屋都好寬敞,兩個人既gip都可以打得開,仲有sofa同茶几。廁所同浴室係分開的,咁就唔洗爭喇!


第四站

博多站附近餐廳

放底行李,立即落返樓揾野食!行返近博多站有一條夜市街(我自己命名的),有別於其他舖頭,呢到啲食店都開到12:00am-1:00am既!第一餐,求其行入一間試下先!坐低已經係10點幾,無中英文餐牌,我地唯有靠翻譯功能得3成既google translate幫下我地,再加上看圖識字既天生本領去叫野食,結果,係好好味既!

炸温泉蛋 - 温泉蛋食得多,第一次食炸既,又幾好食喎!

明太子冷烏冬 - 福岡出名明太子,當然要試下喇!

站員推介的牛肉粒(?) - 朋友形容為入口即溶既牛腩,我就覺得有啲肥,要夾埋啲蒽食先得。

明太子蛋捲 - 好滑,加埋明太子少少辣,好味!不過有啲膩。


第二日   

博多一番街 蕎麥麵   →  
門司港   →  
唐户市場   →  
小倉、博多串燒
第一站

博多一番街 蕎麥麵

話明九州係以休閒式為主,當然要瞓到自然醒!11:45am先出門口是常識吧,放鬆一點不必跑景點。博多地下有條博多一番街,壽司拉麵等等都有得食,我地揀左最後個間,食蕎麥麵。一早唔想食肉又唔想食太多,叫左個温泉蛋冷蕎麥麵。不過我見隔離啲叔叔全部都係叫一個set,又蕎麥麵又飯咁,好似好好食但真係見到都覺飽。


第二站

門司港

第一個景點就去門司港!show一show張JR PASS俾車站職員睇,輕鬆入閘。無直車去到,所以要係小倉轉車去門司港。但係JR PASS唔包博多去小倉既快車,唯有坐慢啲既,兩個鐘就到門司港喇。

呢到係一個小漁港,沿著海邊行有風好舒服,不過真係萬里無雲,曬到喊....好似去左第二個城市咁,係條街到見到既人唔多過10個。有好靚既歐陸風建築物,有舊大阪商船大樓、舊門司海關大樓等。因為以前係對外的關口,好多建築物都有歐洲典型的建築風格,木材為主要建築物料。

嗯...就係可以中間打開、升降俾船隻經過的索道橋,我就覺得佢既作用係為左襯托個海。門司港唯一的商場,有色彩繽紛的外牆,加上放於岸邊的椅桌,好有歐洲度假既感覺。商場有少量食店同賣手信既地方。然後,我發現我根本唔係想黎呢到,我係想去對面岸的唐户市場到食魚生。拿拿林問下日本叔叔點樣去,原來係返火車站隔離既碼頭到搭船去。我地行左成個圈先發現....於是快啲趕過去碼頭,係售票機到買兩張來回船票,等左一陣就有船喇!


第三站

唐户市場

搭5分鐘就去到對面岸喇,望一望右手邊,就係我地既真正目的地 -- 唐户市場!

沿路見到馬騮表演,但係.... 無做足功課既我地,又再一次發現自己好垃圾.... 因為... 已經過左3點... 人地已經收!哂!檔!喇!

望住空空如也既市場,見到新鮮既魚係個養魚排到跳下跳下,卻無辦法食到即劏即食既魚生實在係好痛苦.... 唯有,係市場一樓既迴轉壽司舖食返餐壽司補償我地心靈上既損失。

結論係,都好好食。吞拿魚好正啊媽咪!


第四站

小倉、博多串燒

食飽飽就搭返船去門司港再轉火車去到小倉。小倉同門司港其實好近,15-20分鐘,但係感覺係由小鄉村一下跳到大城市。甫行出火車站,四面都是四通八達的行人天橋,連接不同的大型商場。由於係放工時間,滿街都係人,我地就隨意走入商場逛逛,好多都做緊優惠,立即買下心頭好!

大概夜晚9點半,商場都關門,我地就搭火車博多,返到去都已經夜晚11點,又係時候食野係咪覺得我地既食飯時間好怪。又去返博多站隔離既夜市街,今次試試串燒!再一次唔知餐牌寫咩,淨係見到眼前一串串串好既串燒好吸引,於是就叫左一個雜錦併盤。

未有串燒之前,佢會送上每人一盤菜。落左少少酸味味的汁,好開胃,應該係俾你中和下,等你食串燒無咁熱氣。10分鐘後有野食嚕!一大盤有好多種肉同菜,我最鍾意食燒茄子同燒雞肉丸!一流!我估呢到應該係宵夜聖地,去到零晨都仲不段有人入黎食野,叫杯酒食幾串串燒傾個痛快,好熱鬧好地道!唯一唔好處就係,日本的餐廳係可以食煙既,雖然唔係好臭,但有時都會有啲怕怕。


第三日   

熊本   →  
熊本城、城彩苑、加藤神社   →  
上下通町
第一站

熊本

雖然熊本在2016年經過6.4與7.3級地震,造成嚴重破壞,熊本著名古蹟熊本城亦嚴重倒塌,但既然一場來到,當然要到熊本城一探究竟,順便打個卡。由博多去熊本可以使用JR PASS 乘搭新幹線,只需一小時左右就到達熊本啦!

早上,我們先去博多站預訂指定席。五日券的JR PASS指定席上限為16次,不過其實也可以乘搭非指定席的,非指定席不限次數,但遇上人多的時候就可能沒有位置坐。至於我們預訂指定席,是為了確保有該班列車,雖然日本我列車服務很準確,不像歐洲的隨意改動。預訂好指定席,我們去買早餐,博多站有很多賣便當的店,看著很吸引,太多選擇了,有選擇困難症啊!

到達熊本!一出車站碰巧遇見一個免費的活動,大概類似是夏祭吧!朋友說要挑戰!一大塊冰,有各種方法把冰溶掉拿出熊本著名點心。反正是悠閒的旅程,入鄉隨俗一下,與當地的學生一同努力溶掉冰塊!


第二站

熊本城、城彩苑、加藤神社

YEAH~ 拿到了!手都變紅... 不過大太陽下又不怕了,有冰涼的手~ 玩完了,就要出發去看熊本城了!在熊本車站外就有熊本市電,若會在當天乘搭3次或以上的,可買熊本市電一日劵,我們不知道接下來的行程,就只買單程的。乘熊本市電A系統,在花畑町下車,下車前投幣就可以了,亦有找換機,不用擔心沒有散紙。下車後,跟著指示走,好快就見到熊本城了!可惜只能遠眺。

不能進熊本城,但旁邊的城彩苑仍然開放,有讓您親身感受熊本歷史的「熊本今昔物語」,亦有一些小商店,打卡好地方。

城彩苑不大,所以我們在附近走走,見到有神社的指示方向牌,就決定去看看。沿路見到有Minions的活動,好可愛!

天氣很熱又正值正午,好曬。不過其實一直都在熊本城的外圍走,所以都可以見到部分熊本城,不過好多都倒塌了。走了大約20分鐘,到了加藤神社!雖然加藤神社不算大,但來這裡就可以了解多一點武將加藤清正 / 清正公和熊本城的歷史了!


第三站

上下通町

歷史探索完畢,是時候行街食飯了!在熊本城附近,走大約10分鐘就可以到達最多人去的上下通町!我們沒有特定的目標,所以就隨意走走,發現有好多特價貨品啊~ 女孩的品味每個人都不一樣我就不詳細介紹啦~

午餐隨意走到一間平價點的面食店。晚餐吃的生魚片,每天必吃吞拿魚!


第四日   

九十九島   →  
海賊船﹣海王號   →  
長崎、綜合觀光案纜車   →  
稻佐山山頂展望台
第一站

九十九島

本來打算去九州最有名的啊蘇火山,可惜地震後有部份鐵路關閉了,交通太不方便,我們便改為到九十九島去,來一個小郊遊!由博多出發至佐世保大約需要兩小時,又是JR Pass大派用場的時候!要長途跋涉,當然要買日本的飯團上車作我的中午餐啦!

佐世保不是熱門的旅遊區,甫走出車站有一種寧靜小社區的感覺。要到九十九島,在佐世保站要轉巴士,很容易找到的,一走出車站就可以看見有一條隊伍。

上車拿整理券,我拿的是11號,巴士螢幕會顯示下車時該付多少錢。


第二站

海賊船﹣海王號

大概10分鐘就到了海邊,立即去買遊覽九十九島的船票!遊覽九十九島可乘珍珠皇后號或海王號,路線和時間會不一樣。我們選的是紅色的海賊船﹣海王號!

登船時會借海賊的服飾道具讓我們站在佈景板前拍照,我們當然要自拍一下啦(買他們照的相很貴)海王號上有很多打卡位,未開船時我們當然把握時間拍照!見到大部份都是家庭的組合,也有很多日本人,反而外地遊客只有大概十個。

開船了!好多人都會問,九十九島就是有九十九個島嗎,其實並不是!九十九島只是形容有很多個小島,至2001年有義工做統計,這區域應該有208個島。數字我沒太大興趣哈哈,我只在意它的莊麗景色。

海王號上有賣飲品和紀念品的小商店,亦有室內有冷氣的位置可以休息。海王號十分適合小朋友來玩,在開船的時候扮演海盜的工作人員會給小朋友派活動工作紙,快回程的時候會再集合對答案。雖然聽不懂他們的內容,但見小朋友們都很勇躍,會齊齊大聲讀出答案,很可愛呢!

海王號依路線走一圈,途中會向其中一個島靠近,可以近距離欣賞島上的奇石。

大概50分鐘就完結了。我們轉而在山上欣賞九十九島!九十九島有3個展望台,但都有點距離,需要的士才去到。我們這次選擇到石岳展望台,的士大概坐10分鐘,由於很難在展望台再找的士,的士停在那裡等我們,我們便快快地拍個照,深呼吸一下大自然的氣味,就坐的士回到碼頭了。


第三站

長崎、綜合觀光案纜車

吃過飯,我們坐巴士回到佐世保車站,準備坐鐵路到長崎!我們的行程很隨意,應該沒什麼人會像我們般趕到長崎只為看一下長崎的夜景lol到長崎又需要2個小時的車程,正好讓我們休息一下,上午太曬了。長崎有著三面環山、臨望港灣的絕佳地理位置與獨特山海景致,所以其稻佐山夜景更有「日本三大夜景」與「世界三大夜景」雙頭銜!(不過其實香港也是「世界三大夜景」之一)

到達長崎的JR車站,可以先到綜合觀光案內所買纜車的票,因為會比較便宜。其實有免費的接駁車到由JR車站開至纜車站的,也可以在綜合觀光案內所劃位。可是我們時間太晚了,沒有位置,唯有坐巴士去。到長崎的JR車站外面就是巴士站,3號或4號的巴士都可以去到,在「ロープウェイ前」站下車即可抵達,大約10分鐘車程。

下車後會覺得很奇怪,因為下車的地方就像隨便都見到的小社區,若不是見到往纜車站的指示牌,還以為我們下錯車。大約走3分鐘,就會到達一個神社,原來纜車站是在静謐的淵神社內。

遊客不多,等一下就可以上纜車了。纜車的空間不太大,大概可載20人。搭乘纜車上山,沿途就可以清楚看見長崎港灣以及環山地形。纜車上其實有一個日本女仔在作簡介的,但⋯⋯聽不明的,日本的自我本土意識真的很強。


第四站

稻佐山山頂展望台

下纜車後,便可以順著指示牌到「稻佐山山頂展望台」。展望台是一棟圓形玻璃建築,二樓是觀景餐廳,我們可沿著螺旋階梯,或在沿著圓形玻璃建築內而建的斜路,慢慢走上頂部展望台,沿途欣賞不同視野的美景!頂部展望台一早已經有很多人在等候,有很多人放定了專業的相機,為要拍下太陽落山的一刻。由淺粉紅轉至紫藍、深藍的漸層天空。入夜後變為萬家燈火。與香港的夜景是不一樣的,後太平山頂望下去的是高樓大廈,是繁榮的感覺。而稻佐山望下去的是碼頭,是平房,是安穩生活的感覺。

因為我們要趕回博多的JR,所以在入夜後欣賞了半小時後,就要坐纜車回去了。幸好沒有人潮,若果再晚一點才離開,應該會有長長的排隊隊伍了!我們的月份正是日本的夏祭,每日都有不同的地方會放煙花,我們踫巧遇到當天在長崎的夏祭,在纜車上可以欣賞到煙花呢!


第五日   

天神地下街   →  
Airbnb 附近拉面店、Mister Donut
第一站

天神地下街

最後兩天的行程當然要留來血拼!博多前往天神地下街只需要3個站,交通十分便利,買了太多戰利品的話,可以先回民宿休息一下,再乘15分鐘的地鐵來個round 2!天神是九州最大的商圈,天神地下街全長約600公尺貫穿南北。1~12號街中有流行服飾店、美食店、書店等150多家店面。

地下街模仿19世紀歐洲風格,地板以石磚舖製,天花板設計成藤蔓纏繞的圖形等等。無論天氣是大太陽或是狂風暴雨,都無損行街的心情!

每個人都有不同的購物心得,這裡的店舖我就不多作介紹了,因為我比較喜歡的都是小商店,只能說我們兩個90後女孩由上午12時一直逛街到傍晚,差點都忘記了要吃飯。在天神地下街,逛到累了必吃這個BAKE CHEESE TART半熟芝士撻作下午茶!

BAKE CHEESE TART由北海道起家,已經有30年的歷史,遠遠就能被芝士撻的香味吸引,走近一點,就會發現灰色x黃色的舖面十分搶眼!灰色的牆身加上以金黃色的外賣盒拼湊的特色牆,再加上透明玻璃櫃裡佈滿黃金色帶點微焦的半熟芝士撻,只是看著都已經流口水了!雖然店舖外長期都有一人龍,但不用太擔心,大概15分鐘就可以排到了!可以買一件作下午茶,亦可以買一盒6隻會便宜一點,每人最多可買12隻啊。


第二站

Airbnb 附近拉面店、Mister Donut

逛完一整日,回到AirBnB休息一下,在附近吃個拉面(隨便到任何一間拉面都很好吃的),之後再到博多站買手信。雖然可能價錢不是最便宜的,但博多站的手信種類廣,各式各樣的禮盒任君選擇。

最後自私介紹最喜歡的Mister Donut。從 1971 年 Mister Donut 在日本登陸開始,讓顧客品嚐多樣化而且豐富的甜甜圈種類。

而我個人最喜歡的就是QQ 口感的甜甜圈 -- 波堤系列!是像麻糬般的 QQ 口感!每天吃一個不夠,還要買一堆回家去,若果香港也有分店就好了....

授權轉載:原文連結


發表回應

立即登入發表意見
0個回應
U Travel 編輯部
108 篇行程
查看更多行程

行程目錄

  • 簡介
  • 第一日
  • 第二日
  • 第三日
  • 第四日
  • 第五日

旅遊快搜

更多>
  • 【稅項全包】不丹 5天深度遊【直航往返】
    旅行團 | 永安旅遊

您也可能有興趣...

by U Travel 編輯部
1日
詳細行程
Card image cap
福岡
七大地獄溫泉逐個浸 九州別...
by U Travel 編輯部
3日
詳細行程
Card image cap
福岡
九州購物觀光美食遊 福岡3日...
by U Travel 編輯部
7日
詳細行程
Card image cap
福岡 熊本
浸溫泉/童話小村/地道美食 九...
by adelynfish
7日
詳細行程
Card image cap
福岡
福岡大分食﹑食﹑食﹑自駕遊
更多福岡行程
分享

行程目錄

1.
第一日
2.
第二日
3.
第三日
4.
第四日
5.
第五日
一站式旅遊及消閒資訊網站
Apple Store Google Play
港人移民 全球疫情 香港酒店優惠 日本 澳門 韓國 台灣 泰國 其他目的地 旅遊日曆 行程 主題特集 影片專區 會員專享
熱門城市
香港 台北 首爾 曼谷 東京 京都 大阪 深圳 澳門 新加坡
熱門標籤
#旅遊團長UU熊 #ULifestyle應用程式 #UJetso禮物放送 #UFLIP健康自煮懶人運動手冊 #Signal #環球熱話 #預言 #跳舞群組確診名單 #檢疫酒店 #開著餐車交朋友 #Whatsapp #日本 #旅遊熱話 #台灣熱話 #澳門好去處
香港經濟日報版權所有©2021