-
目的地澳門
-
行程日數1日
好耐無去過澳門, 對上一次記憶係人山人海+人山人海+人山人海... 今次即慶一日遊, 全因為見到旅行社既網上船票買一送一優惠~
優惠既野,就預左有D制肘既。早船去,晚船返,窮住都要去旅行,咪就係咁。返工都無咁早起身 XD
第一日 澳門
港澳碼頭
優惠船票基本上只供0800前既航班 (或者我揀果幾日都係得0800前啦 - -)。船票好早,我又預到好早, 結果我係早左半個鐘入閘既,早左去,嘗試睇下再早一班船有無位,又有喎~! 結果就好早好早咁過左澳門喇!
* 船公司唔係逢旨俾位早到既人,俾係人情,唔俾係道理,您懂的~
* 其實早有早好, 第一係船無咁多...(拖住喼的)人. 第二係去到澳門過關又無咁多人 (等都唔洗等仲順便整埋澳門e道添~)
龍華茶樓 (2010米芝蓮精選食肆)
景點資料
喺港澳碼頭出面巴士站坐3號巴士,(車費約MOP3.2), 去到紅街市站落車。
落左車抬頭四圍望下就見到大大座紅色既街市,紅色街市再抬頭望就見到大大隻字寫住龍華。
晨咁早去到 (坐低都未夠0900),條街無乜人,茶樓入面又無乜人。揀左窗口位坐低,伙記(定係老闆?)水滾茶靚咁招呼,跟住就可以自己隨便去攞野食~
一路食一路坐, 人開始多, 隨近仲有一疑似記者既人係到影影拍拍,又捉左伙記(定係老闆)傾計~ 其實個感覺都幾悠閒。 好似4D體驗緊電影場境咁。
悠閒地坐左一個朝早, 跟住落樓去左對面街既Daiso行個圈,都幾多野睇~!
世紀外賣店
呢間店喺大三巴入面一條巷既盡頭, 唔專登揾的話好大機會會錯過。 我係冒名黎揾炭燒咖啡的... 嗯...味道係好飲既, 好似特濃雀巢多奶咁囉... 試下, 都好既。
反而隔離間小食店 (好似有賣牛雜)令我印像深刻D. 事緣顧客問左條問題,類似"邊款雜好味D", 阿店長就話佢地樣樣都靚既,好唔好味就視乎岩唔岩口味架啫~
Issac 三文治
剛剛龍華後既路程就係掙扎食呢個定係禮記, 最後都係敵不過心癮想要食Issac。
由首爾愛上呢間三文治店,個醬汁好獨特。佢分店開近左 (由飛機既距離變成船既距離)我就心思思要去。 結果三十幾度既下午, 喺條冷氣機滴住水既街度等左十幾分鐘,終於俾我食到!!!! 今次食比上次喺到食更好味,醬料慷慨左!仲見到poster話新分店coming soon添~
* 呢間店喺議事廳隨近周大褔既斜路上面 要揾都要D時間
* 圖入面既係Ham Special MOP34; 同場好多人都叫安格斯牛MOP49, 少辣,味濃,都唔錯
官也街
下午轉戰氹仔。
喺議事廳附近坐33號巴士,官也街有站落車(MOP4.2)。訂枱食山度士。
跟住途步行過去Galaxy, 其實好近,過條馬路就到。
澳門威尼斯人度假村酒店
景點資料
由Galaxy果邊walk過黎。一入到去既感覺係想返返出去。 人山人海既情形好似維園年宵咁。完全唔想喺個大堂逗留。 左閃右閃上一層去左運河大街... um... 其實我個人唔係咁鐘意個燈光, 有種今人昏睡既感覺(又或者係我真係想昏睡 XD)
購物部份最令人興奮係Bath & Body Works (http://www.bathandbodyworks.com/) 未行入去已經覺得甜到膩~~! 真係好香! 而家仲做緊特價!
晃記餅家
景點資料由威尼斯人行返去官也街,都係一街之隔。 手信時間,下午五點幾,見晃記人龍唔長,我又走去排埋一份,買杏仁餅,肉切酥 etc etc 終於唔洗排餐矇先買到! 老闆仲好nice nice 咁幫我將D戰利品入哂盒添~
峰大咖啡
Everytime, everytime, 每一次! 去澳門必到之處~ 非常喜愛果杯苦苦的冰滴咖啡~ 多年水準如一。 (MOP24)
山度士葡式餐廳
景點資料
急不及待,人地明明六點半開始夜場,我六點三已經去到門口等。為的是要坐樓上窗口位。
坐低二話不說要左蜆同埋海鮮飯~ 總覺得澳門因為地理關係,呢到食到既蜆係特別肥美的~~~
海鮮飯係第一次食,總的說,似用龍蝦湯煮飯~口感略綿, 味道是好的~
會有下次的~
港澳碼頭
這個晚上的航班很滿~候補的人龍長長的。
一個多小時船程,回到香港。
發表回應