-
目的地塔斯曼尼亞 | 悉尼
-
行程日期3月 17日 - 3月 28日
-
行程日數10日
第一次踏足澳洲。塔斯的大自然景色十分美，跟悉尼的繁忙截然不同，澳洲人很友善，在塔斯的時候很驚訝我問十個澳洲人有九個都來過香港, 在別的國家, 看到香港的渺小, 又不明白香港有什麼吸引, 或者真的是隔離飯香.
今次旅程非常舒服, 希望好快可以有下一次.
第一日 塔斯曼尼亞,悉尼
Sydney Airport
由於第一次到澳洲，都有好多烏龍事件發生，紀錄一下做出發前小備忘......
出發前要先網上辦妥簽證,AUD$20
www.eta.immi.gov.au
在香港機場進入禁區後，一如既往再將水壺注滿水，但原來上機前要再檢查，水又被檢查人員倒番出來，所以為免浪費，上機前要記得唔好再斟水或買野飲了。
入境澳洲帶水果是要申報的。本來我是無帶的，但飛機上派左個蘋果，無食到於是沒有為意下放了入袋，咁就出事！過海關時搜索狗狗當然一嗅就嗅到，要等要搜要被教訓用了一段時間，加上過海關前要等行李時間，而我又要在Sydney 機場買電話咭，跟住真係跑去Domestic airport check-in, 個地勤即刻打去boarding gate 果邊同即刻叫人送我地嘅行李，上到shuttle bus其實已經係原定起飛時間，要成機人等我地真係唔好意思，最後架機遲左15分鐘起飛！
之前上網睇過如果去Tasmania,用Telstra都比較好。所以一過完關立即找，一出到黎如果望向右邊已經見到有Optus同Vodafone,但Telstra是反方向，向左邊行到尾左手邊有間好似便利店咁嘅就啱，有Telstra既promotor企喺度。3G可用28日，而原本價值AUD$30,因為機場價只係AUD$10,我們兩人便一人買一張，佢幫我地activate埋，用足十日都無問題。不過一提我用iPhone 6好順暢，老公用Huawei好多時收唔到。但我share wifi俾佢都ok.
去到Hobart拎車，網上有好多討論要唔要國際車牌，以下官方網站寫左遊客係唔駛，http://www.transport.tas.gov.au/licensing/newtotas/overseas
不過我明白有些遊客經驗係租車公司依然要求出示國際車牌。所以提供我嘅經驗，拎唔拎自行決定。是次選用Europcar在Hobart機場取車，無用國際車牌過程十分順暢。
去到Sydney應第一時間買Opal咭，所有交通工具都係用佢。我未買Opal咭就上左巴士，問個司機點比錢，佢好好人見我無咭唔駛我俾，之後星期日，又全日搭巴士都唔駛錢。最後一程鐵路去機場如果Opal咭仲有少少錢就啱晒，因為我搭完之後負左十幾蚊都無問題，將咭又唔駛按金嘅，好抵！
Barilla Bay Oysters
景點資料
搭左接近10小時飛機，一到步當然係去Hobart機場附近專食生蠔嘅餐廳食番個生蠔午餐。離機場只6分鐘車程。餐廳下層專為食生蠔或趕飛機帶走而設，上層則為慢慢享受用餐的客人而設。
餐廳開揚，能遠望窗外風景，非常舒服的環境。
Richmond Bakery
食完生蠔，去左不遠嘅小鎮Richmond。Richmond Bakery 收6pm，所以我們先過去飲杯咖啡再到附近逛逛。
Curry Scallop Pie 麻麻地，可能我唔太鍾意葡汁味嘅淡咖哩。之後見到有人食Chicken,個咖哩係深啡色果隻，感覺應該會好味d。
Richmond Gaol
入場費AUD $9
如果會去Port Arthur, 依個可以不去。
不過我鍾意咩都行一餐，所以又無話失望嘅。
Richmond Bridge and surroundings
景點資料
在Richmond周圍閒逛一下,當然來到Richmond Bridge 欣賞一下靚景！
The Sensory 嘅藍莓味雪糕好好味!天氣太冷，我差點就錯過了!
Richmond是我來到塔斯第一個遊訪的小鎮，特別覺得這裡寧靜又舒服，不過再走幾個小鎮之後發覺都是差不多的。但我也喜歡在這些小商舖寫意的閒逛然後坐低飲杯咖啡，無需刻意的跑景點已夠滿足了！
St. John's Catholic Church
Hope and Anchor Tavern
離開Richmond,就去左連住3晚嘅BnB check-in 先，跟住出番Hobart晚飯，不過已經8pm選擇唔多。我喺餐廳留低左條頸巾，第三日先發現再返去拎番都仲喺度，餐廳幫我保管住，好好人！
第二日 塔斯曼尼亞,悉尼
Salamanca Market
景點資料Hobart這個Salamanca market週六市集是必到，我都收穫豐富。最喜歡她們的木製品，精美又實用。還有行下又見到一個，行下又見到一個街頭賣唱的，個個都好好聽，我都忍唔住停低欣賞！
MONA
有時怕去Museum會悶，今次去MONA就覺得好值得一去。本身個環境好舒服，又有好多影相位。咁啱今期gallery d畫又好colorful好好睇，唔識art嘅我都好鍾意呢度。
Franklin Wharf
Mures Upper Deck
第三日 塔斯曼尼亞,悉尼
Mount Nelson
去完Mt.Wellington時間尚早，想起昨天民宿主人介紹的地方，便上來逛逛！
半小時車程，果然環境很舒服，如果在Hobart市中心過去只需15分鐘。如果有小小時間可以去歎番個早餐，可能我去當天是星期天，餐廳已差不多full booking, 所以如果想坐窗邊，最好還是先訂位！
以下餐廳網址還有menu提供：
http://www.signalstation.com.au/
Port Arthur Historic Site
景點資料
Join了下午的3 Hour Tasman Island Cruise
AUD $125
www.tasmancruises.com.au
比原訂時間早了到達，我們先到對面的餐廳吃些東西，但千奇唔好食咁飽，因為隻船chok得好厲害!!!
我上船時隨意找個位置坐，第五排右邊(右邊指的是坐底望住船頭方向，如果唔想水兜口兜面潑過來要坐後d，之後又發覺好多影相位我影唔到，先記起做資料搜集爬文時就有人提如想影相坐左邊比較好，是真的!
完了boat trip 5時多，我們才進Historic Site，這個時間有點晏，但好處是購票時職員說差不多關門，所以票價只是AUD$20 (原價AUD$35), 但其實還是可以行到7點半，所以時間是足夠的。不過回程時就要小心，因為出番Hobart道路是非常黑的。
第四日 塔斯曼尼亞,悉尼
Selbourne Place
這裡並不是什麼景點，只是頭3晚租住的BnB外出面的景色，真係靚到不得了。而且$380就有一晚雙人房，真係抵到爛。
Mount Field National Park
有陽光又不太冷，這種天氣最適合行山不過。選了2.5小時的路徑，Russell Falls / Horseshoe Falls / Tall Trees Walk / Lady Barron Falls. 不喜歡跑景點，想慢慢欣賞，2.5小時都嫌不夠，下次再來會再行遠一點。
第五日 塔斯曼尼亞,悉尼
Curringa Farm - Hamilton Sheep Centre
景點資料
今晚farm stay 是整個旅程一大highlight。
因為不想住太貴，整個旅程都book airbnb, 價格都在HKD$600以下,隨左今晚豪一豪佢，因為這裡真的太美了。
AUD$225一晚，如需預備自煮材料AUD$45 per person，farm tour則是AUD$75 per person。
下午4 5點來到，慢慢影相再準備晚餐。第二朝一早煮早餐然後join farm tour, 還有breakfast tea 個scone真係超好味！
因為一心諗住join farm tour,所以book房前先詢問當天會不會有farm tour才決定book邊晚,因為唔一定有，我行程上都作出了小調整來遷就。
Bonorong Wildlife Sanctuary
離開農場，52分鐘車程來到動物園。因為第一次來澳洲，koala, wombat, wallaby, Tasmanian devil全部都係第一次見。好可愛。好多袋鼠俾你餵，佢地會好肉緊捉實你隻手，但都好友善。真係見到隻袋鼠袋住BB,d腳凸晒出黎，應該都幾大隻下，登媽媽辛苦。
第六日 塔斯曼尼亞,悉尼
Callington Mill
由南面上北面會經過Oatland,可以到Callington Mill看一看。
會在家做麵包嘅我，當然對這個用風力磨麵粉的地方感到有趣，也在這裡買了一包麵粉給自己。
車程很長，在這裡停頓一下剛好。
Ross Bakery
Oatland之後繼續往北走來到Ross,有因為魔女宅急變出名的Ross Bakery, 要數這趟旅程去過的所有cafe，飲過食過之後還記得味道的，非Ross Bakery的Vanilla slice莫屬 ,喜歡吉士的絕對不能錯過!
Ross Bridge
Ross Uniting Church
很美的教堂！
Ocean Drive BnB
非常impressive 的一間BnB, 環境很美，屋主將屋企、花園報置得很有心思。旱餐係set好晒枱等你出去食，仲有新鮮製、用自己花園種嘅布冧果醬。屋主嘅熱情款待令我覺得好似去去朋友屋企咁。傾傾下佢地仲車我地去免費睇企鵝嘅地方，不過唔係季節，漆黑當中只見到1隻，但已經很滿足。車程中見到一些很古老的火車，一問之下原來是蒸氣火車博物館，於是第二天我們便去參觀一下。
走嘅時候屋主仲送左張心意卡俾我地，真是一個非常難得的BnB體驗！
第七日 塔斯曼尼亞,悉尼
Don River Railway
本來想到cradle mountain,但之前個schedule delay左，又唔想咁趕走馬看花，於是決定下次再去。所以就來這個很近的蒸氣博物館。博物館唔算很大，有興趣的話還可以坐一轉火車。
Tasmazia and the Village of Lower Crackpot
迷宮真人版，當我行到唔知自己行左去邊嘅時候，打開Google locate自己，很讚嘆整個迷宮形狀呈現在地圖上。
太陽太猛烈，所以行左一陣已經無咩心機行，又唔係想像中咁好玩，但好欣賞將這裡設計成童話世界的心思，真的用了很多心機建造出來！
Ferrall St. BnB
第八日 塔斯曼尼亞,悉尼
Cataract Gorge Reserve
景點資料是日Good Friday，好多地方都唔開，Cataract Gorge就全天候開放。鄰近市中心有一個環境優美的公園。坐吊車丶行吊橋、食個早餐，剛好下午離開塔斯前一個好去處。
第九日 塔斯曼尼亞,悉尼
The Rock Market
今次旅程重點不在Sydney,所以只逗留兩天。而且是第一次來，就去幾個必去的旅遊景點。周末來The Rocks Market非常熱鬧，我都有一些小收穫！
Sydney Opera House
Opera House的日與夜！
可惜復活節假期真的太多人了。
Sydney Harbour Bridge
Sydney大橋的日與夜!
非常宏偉，很美！
Queen Victoria Building
QVB的建築設計室內室外都很華麗，是必到的購物商場，雖然我無收穫，不過友人分咐要的UGG款式就大大話話行左4、5間，只有QVB這間有。
第十日 塔斯曼尼亞,悉尼
Sydney Fish Market
是日天氣很差，滂沱大雨，我們被困fish market室內避雨，於是周圍搵食。不過遇上不愉快經歷。最後一張相片中的Fish Market Cafe賣壽司有一個年輕貌美的鬼妹，我好肯定佢係想呃我AUD$7,但就扮無知，最後我同佢理論先肯俾番錢我，好唔老實!!!!!!
Australian National Maritime Museum
來到Darling Harbour的海事博物館，我們只在室外觀看軍艦和潛水艇，並没有上船和室內參觀，所以不用收費。
Sydney 市中心
在唐人街和市中心一帶周圍逛。
Manly Beach
黃昏時分想遊悉尼海港，隨意選了Manly Beach做目的地，每小時都有兩班船，非常方便。
發表回應