-
目的地布魯塞爾
-
行程日數2日
繼續平機票歐遊之旅,如果平平安安去到呢到,應該已經遊完英法。 比起路過巴黎,更加短暫地快閃比利時,兩日一夜應該足夠我和尿尿小孩來個幽會,再加邂逅Waffle和古力。
唔~~ 我好似聞到牛油既香味喇~
沉醉還沉醉,行程都係要繼續Plan既。。。
比利事Must Go Checklist 懶人包: 大廣場,尿尿小孩,古力,青口,塗鴉。。。 兩日一夜。。。會不會有點太忙呢?
第一日 布魯塞爾
Bruxelles MIDI 布魯塞爾南站
坐"大力士"火車,由巴黎到呢到~
布魯塞爾大廣場
有人話去到呢個廣場就可以Fulfil哂布魯塞Checklist,因為景點都在附近。 其實,呢個廣場本身都係一個景點。
第一個景點就要黎呢到。未去布拉格廣場轉圈之前,就讓我喺呢到自轉720度啦!
Hôtel de Ville 市政廳
景點資料就咁睇個名,還以為呢到係酒店,但原來係市政廳,介紹話呢到喺大廣場既正中間,咁就順道到此一遊啦~ 但好似話日景夜景唔一樣喎。。。 咁奸既,要人地到此二遊先睇得哂。。。
Galeries Saint Hubert 聖赫伯特購物拱廊
景點資料個中文名呢,我喺網上揾返黎既,都唔知係咪咁譯。Anyway,咁寫我應該會記得呢到係咩地方,有野買喎(嘿嘿)! 我準備左兩個胃黎呢到,呵呵~幸褔的古力味啊~~~
Manneken尿尿小童
我有做功課架,尿尿小童其實係救世英雄嘛。大家都想黎睇佢唔著衫尿尿,但其實佢既Fashion show先係Checkpoint嘛。 一個小朋友,有成七百套衫喎。。。 我唔會妒忌架,哼~
Anyway,我會返黎話俾大家知本季潮流係咩架~
Bouchers海鮮街
好似話呢條街全都是賣海鮮的,唔知入到去會做左海鮮定食到海鮮。
Anyway,我已相中左上百年歷史既Chez Leon,Mussels Mussels我來了~
第二日 布魯塞爾
聖米歇爾大教堂
景點資料
聖米歇爾大教堂(Cathedrale des Saints Michel et Gudule)是 13 至 15 世紀興建的哥德式大教堂。正面有兩座高約 70 米的塔樓,是布魯塞爾罕見的火燄式哥德建築。
大教堂與比利時王室有著不可劃分的關係,不但於祭壇內展示了文藝復興時期歷代君王的畫像,這裡亦曾舉辦過國王的國葬,以及王室的婚禮。教堂內的大天使及聖女雕像,都是 1912 年的作品,木造講台則是於 17 世紀末期製作的。遊客到訪此地,可欣賞教堂的建築藝術,又能了解更多比利時王室在近幾個世紀以來的歷史。...
尿尿小童 Manneken
Hi Man,nice To Meet You Again。 是的,日日都要黎探佢。話明Fashion show嘛,每次見都要換個款,唔係點做潮流教主呀~
(咪咁啦,我一邊睇電視,一邊Plan行程架。。。。)
Murs BD 漫畫牆區
Must Do Checklist其中一項,不過其實佢唔係一個景點,應該係一籃子景點。好似話行每條街,轉過彎就到喎。不過人到異地,一帶又好,一路又好。。。 緊係知道去邊到最好啦。。。
資料顯示呢個區最最多漫畫塗鴉喎,咁就去呢到啦~
Bruxelles MIDI布魯塞爾南站
再見比利時,下一站IAmsterdam。
發表回應