-
目的地峴港
-
行程日數5日
Day 1:香港飛峴港(下午機, HKEXPRESS, 2個鐘就到啦)
峴港機場-> 酒店(的士大概10-15分鐘)
酒店-QUAN BA CUONG食海鮮
Day 2:上午:峴港市區(Da Nang Cathedrale, Con Market, Han Market)
下午:Son Tra Island
Day 3: Bana Hills
Day 4: 會安古城
Day 5:上午:The Marble Mountain
下午:峴港-香港
第一日 峴港
海鮮晚餐
本來打算晚餐去BE MAN食海鮮,後來有個去完峴港既FRIEND介紹呢間-QUAN BA CUONG。上左的士,司機叔叔竟然憑呢張相都知道系邊間野,仲話呢間系峴港NO.1好味既海鮮檔,於是更加有信心!
呢間系成條海鮮街最尾一檔,環境比較差,唔似其他遊記提及既海鮮檔咁乾淨舒服。顧客似乎系越南人居多,無餐牌,全程靠手指指加計數機,見到其他臺食乜就點一樣既野。不過食物真系好唔錯!!!點左蟹,瀨尿蝦,燒帶子同燒象拔蚌,都好好味!!尤其是燒象拔蚌。
第二日 峴港
峴港大教堂-HAN MARKET-CON MARKET
一早起身搭的士去市區,教堂同兩個MARKET都系附近,可以步行前往。HAN MARKET樓下賣乾貨同手信,樓上賣布同鞋。CON MARKET比較多野睇,似批發市場,不過對住遊客都會開價好高。我地系CON MARKET既熟食檔唔見牛肉河等熱食既蹤跡,最後幫襯左果汁檔,坐低左系砵仔糕檔(如圖)隔離個檔果汁。老闆娘同佢個女都笑容可恭,旁邊食客推薦我地飲牛油果SMOOTHIE, VND30000.幾好味,好“傑”身,飲完好飽。後來再幫襯既時候老闆娘推介芒果牛油果SMOOTHIE,同樣好味~
午餐嘆法國菜-Le Rendez-vous
聽聞越南D法國菜唔錯之餘相對無甘貴,系TRIPADVISOR搵到呢間LE RENDEZ-VOUS. 午餐時分過去,有大量吉位,唔需要預約。擔心食得太HEAVY,所以無點鵝肝,主菜點左兩個-羊肉配薯蓉,另一個系法式蜜糖汁鴨胸配普羅旺斯燉菜(Ratatouille)。老闆同持應都會講英文,服務周到。食物總體OK,兩個主菜我覺得鴨胸比較好味。值得一贊既系甜品,我地點左焦糖燉蛋同朱古力MOUSSE,雖然賣相普通,不過味道都好唔錯~~唔會太甜但系味道好RICH!
SON TRA ISLAND(觀音像)
午餐後直接系市區搭的士去SON TRA ISLAND。地處市區既邊緣,搭的士一來一回超過HKD 100,不過峴港交通唔系好方便,除非自己識揸電單車,可以租一架到處去,否則只能搭的士或者經酒店或旅行社包車。SON TRA ISLAND上面可以影到好靚既海景,可惜天公不做美,我地玩左四日幾乎都系陰天同雨天:(。所以,大家出發前記得CHECK下天氣,夏天去比較好,保證有陽光。
回程既時候先發現前一晚食既海鮮檔就系附近~
第三日 峴港
BANA HILLS
越南曾經系法國殖民地,Bana Hills系峴港市郊既山,最高有海拔1400米以上,所以其實系MOUNTAIN啦。當年法國既軍官系山頂建造左城堡同教堂做避暑山莊,而家被發展成遊樂場同RESORT. Bana Hills離市區有45分鐘車程,建議系酒店包車去。到左之後要左20分鐘既纜車先到山上,再轉上山頂French Village既纜車或轉FUCULAIR小火車到花園同酒窖。因為海拔比較高,再加上系冬天同雨天,山上溫度比山下低十度以上,記得帶定羽絨或防寒既衣物。因為天公不造美,山頂極度大霧,臨見度超低,2米以外既野幾乎見唔到。不過如果系SUNNY DAY影相會好靚~~!山上山下風景其實唔錯架。呢幾張相PO出來之後無人古到會系呢度會系越南,哈哈..真系好有HARRY PORTER FEEL。最後由於太凍同埋大霧我地行左一陣就落山LU。
驅寒晚餐-Family Indian Restaurant
系BANA HILLS凍到流曬鼻涕,所以去食咖喱驅下寒氣。去左TRIPADVISOR上面評價頗高既呢間Family Indian Restaurant,果然名不虛傳!CHAI TEA都幾夠味,飲完個人暖翻曬~店員會講英文,而且好熱心,我地點左雞肉MASALA同芒果蝦咖喱~~~都好好味!有中辣同辣,我地揀左-走辣:D
第四日 峴港
會安
之前以為會安系一個好似江南水鄉既地方(系咁不如翻大陸睇啦),所以興致唔高,好彩最後有去~~比峴港市區靚好多!離峴港20-30分鐘車程,搵酒店包車去比較抵。網上所講既BIG C免費SHUTTLE BUS我地覺得太麻煩,同埋唔系日日有。有D酒店可能自己就有SHUTTLE BUS去會安。會安都唔細架,可以行足一日。到處都系COFFEE SHOP同BAR,偶然會發現裝飾幾別緻鋪頭。我地午餐系會安市場食左當地特產-白玫瑰。街上有好多小販賣炸香蕉餅同炸海鮮餅,賣相同味道都唔錯~
有D人話入會安古城要門票,路上遇到兩個識講越南文既華人話其實系唔洗架,除非你要入去某幾個會館參觀。我地系TOURISM INFORMATION CENTRE落車,裏面既職員問我地洗唔洗參觀XXX會館,我地話無需要,佢地就無再要求啦。到左入口旁邊有個無招牌CABIN,有個人見到我地就大嗌TICKET,我地扮聽唔明繼續行,佢就無再出聲。
個人比較中意日頭既會安,比較寧靜同休閒。下午5點以後就會越來越多遊客,到左夜晚就會好多人好熱鬧。
晚餐試fushion越南菜-NU EATERY
又系TRIPADVISOR上面搵到既,佢唔系NO.1個間,但系我地唔想行咁遠,所以揀佢。有D難搵,系日本橋旁邊既巷弄中,有個招牌伸出來,清楚見到"NU"字樣。餐廳系舊屋改建,佈置好特別~I LIKE IT!食物種類好少,主菜加小食加埋唔夠10款。DRINKS同DESSERT都系普通WESTERN野。圖中好似饅頭咁個兩個包就系REVIEW上面人人都贊既STEAM BUN,雖然叫豬肉包,結構其實系漢堡包。真系幾好味!其他兩個主菜同春捲都唔錯,唔系傳統越南菜。
價錢都唔貴,最後埋單大約HKD一舊水。
第五日 峴港
THE MARBLE MOUNTAIN
THE MARBLE MOUNTAIN系峴港市區,10分鐘車程就到。門票VND 15,000一次,之所以用次來計,系因為佢有三個地方進入:岩洞,電梯同上山既樓梯。我地買左飛之後由岩洞入去,睇完之後覺得系入面爬上山太危險,地面好濕好滑而且好難行,行翻出去想再入就要重新買飛。
美溪海灘
雖然就住喺美溪海灘旁邊,但系陰天去海灘真系好無FEEL,唯有夜晚食完飯去吹下海風。最後一日,終於出太陽啦~~~系時候去海灘曬下太陽,飲椰青~~去峴港就系為左要咁。美溪海灘真系幾靚架,D沙好幼,踩上去好舒服,好大浪!
大家去的話可以BOOK好D既酒店,今次BOOK左海灘附近既三星級酒店,好平,SERVICE同清潔都OK,但系無POOL。其實美溪海灘唔適合游水,酒店個POOL先可以游...
峴港真系一個不大既城市,加埋會安四日三夜已經足夠。
發表回應