-
目的地首爾
-
行程日期1月 頭日 - 1月 中日
-
行程日數5日
第4次去首爾,其實仲有好多好多未發掘嘅好地方:)今次去主要係悠悠閒閒咁做吃貨四圍食,同埋配合讀arts嘅細妹做偽文青去下d文藝景點^^
第一日 首爾
仁川機場
第一日搭hk express早機由香港出發去仁川,抵達時間係當地下午12點,之後係機場兌少少韓圜做交通費(兌少少好啦,明洞個rate好好好好好多!),再係便利店買埋t-money(韓版八達通)就搭地鐵出民宿啦~
新村旅館
今次住嘅民宿係位於梨大站嘅新村旅館,位置方便,由梨大站行過去都係5分鐘左右,官網有詳細教學~
我地3個人住3人房4晚都係hk$1200左右,人均hk$100/晚,我覺得cp值算高~
民宿staff識多國語言又nice又helpful,最好係有得租wifi蛋,只係hk$20/日,網速各樣都好ok,可以同時連接3部電話,非常滿意~
姜虎東烤肉店 (明洞店)
係旅館放低行李之後就出發去明洞,去醫肚同兌錢!兌錢唔洗問就係去大使館前度兌啦,我兌嘅時候個rate係1hkd:152won,但係機場係1hkd:145won咁上下,差好多!
兌完錢就去食飯啦,因為hk express係無飛機餐所以大家都好肚餓,決定去食餐韓式烤肉~
我地去左姜虎東烤肉店,叫左一份五花肉一份雪花牛肉一個泡菜鍋~由於太肚餓,秒清哂所有嘢食haha
ps明洞都幾大,建議搵唔到路就問著住紅色衫戴住帽嘅旅遊大使,可以省下好多時間:)
雪冰 (明洞店)
雪冰係韓國嘅連鎖冰品店,食完烤肉緊係要再食個甜品啦~我地叫左一個芝士冰同一個乳酪密瓜冰~
個芝士冰超級好食,完全係芝士迷會好鐘意嘅冰,d冰好滑奶味都好重,仲有好多一粒粒芝士磚,芝士味濃,正:)
至於個乳酪密瓜冰就係見到個樣幾得意所以叫,都有驚喜!雖然本身唔係特別鐘意食密瓜,不過外面個層鮮密瓜肉好清甜好好食,入面係微酸嘅乳酪,唔會好膩,最啱想食甜品又怕膩嘅朋友:)
明洞地下街
由於之前去首爾已經行過幾次明洞,今次決定唔係明洞行街,臨離開前去地下街買一買CD就向下一站出發啦~
明洞地下街除左時裝,仲有小食同明星週邊商品賣,鐘意kpop嘅不妨去行下~
kyochon炸雞
返到民宿請reception個staff幫手叫炸雞,放低錢係reception40分鐘後就有得食啦~我地點左半份原味半份辣味,隨外賣附送可樂一罐加酸白蘿蔔一份~
黎首爾第4次終於食到kyochon炸雞,完全無諗過炸雞可以好食到咁@@我只可以話個一刻我好感動lol雞肉好滑外面炸得好脆,咬落去仲有肉汁好juicy唔會乾,個味都好好,唔會太鹹~個酸白蘿蔔都好好味配炸雞一流~
第二日 首爾
麻浦農水產物市場
麻浦農水產物市場係世界盃體育場站1號出口,步行5分鐘左右就到,係一個規模較細,以本地人為對象嘅市場~
本身想去鷺梁津水產市場食海鮮,但聽講多左遊客去之後已經無咁抵食,於是決定去麻浦農水產物市場啦~
市場入面得一檔賣大蟹(如果私我無睇錯lol),我地4個人(有朋友join埋我地)買左一隻原價99000won,折左之後90000won(約hk$600)嘅大蟹,老闆即刻放入大蒸籠到蒸,蒸完送上餐廳俾我地~
之後再去其他海鮮檔買埋其他海鮮,其實檔檔賣嘅都差唔多,所以都係講眼緣,最後我地係一個伯伯度買左4隻大鮑魚(28000won),1隻小章魚(2000won),4隻大蝦(10000won)~伯伯幫我地切好鮑魚同章魚做sashimi,蝦就拎上2樓餐廳烤,餐廳會收返少少醬料費,垃圾處理費同烹調費~
係小樓梯上係得一間餐廳,由於係早餐,食完海鮮我地再叫多個海鮮泡菜煎餅食~依一餐人均hk$250左右,我覺得好抵食好滿足^^
Emart (世界盃體育場站店)
食完海鮮行返地鐵站嘅時候見到有間Emart,入左去睇下有無零食買,最後買左d雞泡魚乾同白飯魚仔做手信,掃左少少零食返民宿食:)
三星美術館 Leeum
景點資料
三星美術館係地鐵漢江鎮站1號出口,步行約10分鐘就到,係為左滿足文青細妹嘅行程:p
門票方面有3種:常設展,特設展,套票(包所有展覽),套票嘅價錢比較抵,而且一場去到我地就買左套票~之後就將所有隨身物品放入locker,只係拎張門票同個導覽器(?!)入去就得,導覽器有普通話/英文,唔識韓文都唔緊要,而且只要行到去展品前就會自動感應,介紹個樣展品,好正!
美術館有兩個常設展館,一個係睇古物古時嘅藝術品,另一個就係現代藝術品,兩個館都有幾層,仔細睇都要行差唔多兩個鐘~細妹表示好滿足~
Lady M
行左咁耐又開始肚餓,於是就搭一個地鐵站去梨泰院站食係香港排隊排到傻嘅Lady M千層蛋糕,一出4號出口就會見到白色幾層嘅Lady M~
到底佢有幾好食,令D人要排咁耐去食呢?反正首爾唔洗排隊就試下啦~我地點左抹茶千層蛋糕同朱古力千層蛋糕~食落去係層層分明做得好仔細,味道都唔錯,但係未至於會令我為左佢排隊囉lol太多人追捧,有d名過其實~
빤닭빤닭 (芝士辣炒雞排)
빤닭빤닭位於地鐵上水站附近,係韓國朋友推介去食嘅,由於行左半日美術館,大家無咩興趣再行街,於是就直接係度食晚餐~
芝士辣炒雞排係x人份咁樣叫嘅,我地3個女仔就叫左二人份,因為見佢份量都幾大~個人覺得依間好食過春川炒辣雞,辣度十足(我地好食得辣都覺得辣),份量都好足,我地咁大食都係啱啱好食得哂二人份量,食到個個飽到個肚爆咁濟lol值得推介~
第三日 首爾
新村站著吃韓牛
依日瞓到夠先出發,去地鐵新村站附近食韓牛!係韓國食韓牛貴就係人都知,所以我地就搵左依間站著吃韓牛,一人份都係百幾蚊港幣,份量十足,抵過係烤肉店叫2百幾港幣細細份好多!!!
由於依間店舖都幾出名,我地12點左右到都排左一陣先入到去(12點開舖),我地後面條人龍就愈來愈長,除左遊客都好多本地人去食~
入到去就企係到圍住個鐵桶烤,店舖只賣韓牛同飲品,所以好多人都自己帶白飯同泡菜去食lol本身我地雄心壯志話要食兩round,點知佢份量比想像中多,食完1round已經非常滿足~
弘大 Free Market
景點資料
弘大自由市場得每個星期六先有,於是我地食完韓牛就充滿力量向弘大出發~
自由市場係d年青人擺檔賣手作嘅地方,係一個好細嘅公園仔入面,應該大概半個鐘就睇哂(已經係慢慢認真睇)lol文青表示有好多好靚嘅手作品,有首飾,布鞋,布袋,皮革製品,畫作等等,我最後買左個好得意嘅長頸鹿絨布passport套,店主話係可以洗嘅:p鐘意手作嘅朋友不妨過黎尋下寶:)
aland after aland
景點資料
韓國時裝品牌aland嘅outlet都係弘大附近,行完自由市場就行過去掃貨,諗起都興奮lol
可惜趕住去睇演唱會,留得1個鐘,入手左d秋冬裝:)不過都好彩要趕住去睇演唱會,如果唔係真係會破產lol
kyochon炸雞 (弘大店)
自從第一晚食完kyochon之後就對佢念念不忘haha決定一定要離開韓國前再食一次,於是就去左自由市場附近嘅分店叫外賣,拎去演唱會場外食^^今次叫左蜜糖味,食落似原味加左蜜糖,一致認為原味好食d:)
專業醬螃蟹店
景點資料
睇完concert已經9點,我地去左新沙站食醬蟹,pro醬蟹係24小時營業,幾夜都唔怕無得食^^
之前都有係明洞食過醬蟹覺得麻麻地,今次就決定唔好貪平,試依間出名好食得黎比較貴嘅~
我地點左3隻大醬蟹,白飯(用黎拌蟹膏),一個海鮮鍋,醬蟹無之前食個間咁鹹,而且鮮味好多,蟹膏都好多好好味:p
不過價錢都好貴,依餐3個人食左過千港幣,亦係今個旅程最豪嘅一餐~
第四日 首爾
Cafe Serio
第4日我地一早出發去Heyri藝術村,早餐就入左地鐵合井站1號出口附近嘅cafe輕食,一開始係俾佢門口個牌吸引,事關我好鐘意食桃,見到有桃汁就入左去~個桃汁好好飲好清甜,不過個cafe食物選擇比較少,得幾款三文治~
마리왕 (合井站店)
마리왕係一間賣迷你紫菜包飯嘅店舖,係合井地鐵站入面有一間分店,除左傳統嘅口味,都有一d新穎嘅口味,好似芝士火腿咁~
我地買左兩種味黎試,細細條切開做三粒,志在過下口癮~
Heyri藝術村
係合井站1號出口搭2200號巴士去Heyri藝術村大概半個鐘就到,藝術村有好多展館,要買票進場,我地睇定左想去咩展館之後就買左套票A,包哂我地有興趣嘅展館,睇左玩具博物館,古物博物館,有趣體驗博物館,一個畫廊,其中玩具博物館比較遠,不過套票包埋任坐藝術村內嘅電動車,所以唔洗自己行上斜:)
d展館全部都唔大,而且感覺比較適合小朋友,大人可能會有d悶,不過去到郊區呼吸下新鮮空氣都唔錯,唔洗成日食同買lol
午餐: 藝術村內
藝術村裡面其實都幾多選擇,有cafe,有西餐,有刀削麵等等,我地就入左食刀削麵間餐廳食午餐,叫左一個泡菜炒飯一個刀削麵~
個刀削麵d湯好鮮味,應該係落左魚去煲,兩樣都好味,不過比較之下刀削麵出色d:)
愛來魔相藝術館 Alive Museum (坡州Heyri館)
愛來魔相藝術館 Alive Museum係韓國都有好幾個分館,其中一個係Heyri藝術村入面,Alive Museum係另外收費嘅,入到去緊係要玩返夠本啦~
入面有好多好得意嘅畫/場景俾人影相,利用角度製造好多特別嘅視角效果,每個位都影相嘅話都可以玩成個幾鐘~
小食: 藝術村內
去藝術村個日都幾好天幾熱,我地忍唔住係玩具博物館買左粒粒雪糕食:p
另外就係走嘅時候買左一盒人形燒食,其實由一去到藝術村就聞到好香嘅甜味,就係依個人形燒發出嘅香味,所以就買左打算回程係車食~
一盒15粒(如果無記錯)有兩種味:紅豆同奶油,個人鐘意奶油味多d,結果未上車已經食哂成盒lol
詹姆斯芝士排骨 (弘大店)
依間芝士排骨係細妹好想食嘅餐廳,當然身為芝士迷我都好有興趣~
今次我地都係叫左2人份3個人食,職員會幫手捲好d芝士落條排骨度,之後個d就自己捲啦~芝士份量好多排骨味道都好好,爐邊d配菜都好好食^^
另外,我地叫左青葡萄米酒,好易入口好好飲,不過係韓國飲酒一定要成年,我地叫嘅時候職員都有叫我地出示passport,細妹唔夠年齡本來唔叫得,因為佢話要成枱都成年先叫得酒,後來我好誠懇咁同佢講細妹唔飲,佢猶豫左一陣就俾左我地^^
1人食得2條排骨點夠飽呀,最後再追加左個炒飯,大滿足~
Aland (弘大店)
無錯又係Aland哈哈,其實係因為食完芝士排骨出黎見到對面有間5,6層高嘅Aland就忍唔住入左去~
咁大間就緊係款又多d賣嘅嘢又多d啦,最頂個層有vintage clothing賣,其他Aland應該無~
第五日 首爾
Issac (梨大店)
依間早餐店身邊好多朋友都推介,咁啱有間係民宿附近最後一日就去食~
試左個雞肉嘅toast,即叫即整,新鮮熱辣,雞肉帶微辛,配埋芝士同其他配料又真係出奇地好食:p食完一份差d想食多份lol
梨大購物街
景點資料
基本上梨大有哂韓國所有彩妝同護膚品牌,連laneige都有,所以最後一日就留係梨大買下嘢~
除左買彩妝,都去左art box行,art box有好多精品,文具,家品等等,但係價錢都唔平~
Baskin Robbins (梨大店)
買完shopping list嘅嘢之後,就係baskin robbins坐低食個冰,順便寫埋係art box買嘅postcards~
之前去首爾都有食BR,覺得佢個雪糕蜜糖麵包好正^^
寫完就行左大概5分鐘去郵局寄埋~
전골떡볶이
之前食過Nobu覺得唔好食,依間好味好多~
雖然部隊鍋d用料好簡單,但係唔知點解我同細妹都好鐘意食^^
雪冰 (梨大店)
食完部隊鍋已經好滿足,點知細妹經過雪冰話想試埋藍梅芝士味,反正有時間又唔想再行街,就入左去陪佢食冰lol
我已經飽到食唔落,基本上係佢一個人ko左成個冰lol
仁川機場
食埋冰就返民宿拎行李出機場啦,出到去都預早左行左陣duty free,就係機場食埋最後的晚餐(係!又食!),事關hk express係無飛機餐,返到香港又已經凌晨,所以最後就係機場食埋最後一餐韓食啦~
發表回應