-
目的地德島 | 高知
-
行程日數5日
五天短線海陸空四圍遊。體驗購物通通有!日本就常去但四國係我第一次.感覺同東京及大阪那些主線城市好唔同.景致也絶不遜色於北海道的大自然.大家都來四國感受一下吧!
我還有好幾個主要地區未去但一定值得去!
(本人十分喜歡去旅行,尤其係日本!!!)
第一日 德島,高知
去徳島
5點15分左右到達關西國際機場,然後過關攞行李.本來計劃了坐船,但係坐完飛機有啲攰(坐船要先搭火車)又見到有直達巴士所以就選擇了巴士(單程¥4,100).都要大約三個鐘先到徳島JR站前. zzzZZ
阿波尾鶏とりとり
閒嘢係起雜志上見到.主打燒物及當地名物-阿波尾鶏.雖然起日本既openrice(Tabelog)上面嘅食評得3分度,我覺得佢起碼有4分!如果冇蕩失路嘅話5分鐘內從徳島站步行就到.
啲職員好nice,但係唔識日文既朋友仔就最好安番個日語字典先.唔係就亂叫啦!XD 除咗串燒,個茶漬飯都好好味嫁!鱷魚肉串就平平無奇...我強力推薦阿波尾鶏肉串,鶏味濃又多汁! (可狂點!)
日名:焼き鳥居酒屋とりとり
地址: 2 Chome-16 Ichibancho
Tokushima, Tokushima Prefecture 770-0833
定休日:星期日
第二日 德島,高知
自駕去睇妖怪
早上步行到Toyota徳島店租已在網上預定了的車(如果無預約便要碰碰運氣有沒有空車,太冒險了...)從市區到自動車道(收費道路¥2,050/ ETC¥1,050)都十分好駕,但從井川池田IC出了後至大歩危那段路有啲甘(會暈車浪嘅朋友可能要準備膠袋...).左轉右轉好似頭文字D啲路線(幻想中).
途經小便小僧和他V1V(拍照)便可.有驚無險就到了今日第一個景點-妖怪屋敷.
妖怪屋敷・石の博物館
幾低玩。有介紹日本不同嘅妖怪背景(不過係全日文)。入口附近有隻鬼,大家留意!唔明唔緊要,有啲鬼鬼幾得以。
你和鬼鬼有個約會後,就到另外一個有(少少)教育意義的石頭博物館。裏面除咗石頭之外還有紅綠黃藍紫寶石等可供觀賞。
入場費:¥500
時間:9~17時(妖怪屋敷・石の博物館嘅最終入館時間為下午四點半)
Link: http://wx07.wadax.ne.jp/~yamashiro-info-jp/cp-bin/wordpress/
大歩危峡観光遊船
個日陽光燦爛,景色一流[衣.支.班.]!上船前(或後...唔記得)會派救生衣。見到其他人一家大細好開心。我特別有婆婆緣,好自然會主動同我傾計...沿途船長會介紹舊石似乜乜乜等等。
註意呢度係冇開船時間表。人齊就開船。我去度已經有好多人所以唔洗等。船航來回約三十分鐘。
運航時間:早上九點~下午五點
定休日:無
船票價:¥1,080 (成人)/ ¥540 (小童)
地址:徳島県三好市山城町西宇1520
Link: http://www.mannaka.co.jp/restaurant/excursionship/excursionship.html
午餐: レストラン 大歩危峡まんなか
個拉面冇甚麼特別,只不過好肚餓同埋就腳。
地址:徳島県三好市 山城町西宇1643-7 (買船飛旁)
去整蕎麥麵
整蕎麥麵哩個活動要予約。我出發前兩星期就打咗電話去予約。
去個條路唔算難行。那一區叫東祖谷山村。那一天有段小插曲。去到果條路其實好窄,路旁有少許建築物。成個地方都靜英英一個人都冇⋯⋯其實質疑緊自己係唔係行錯路。諗住已經約咗所以就繼續等。行嚟行去等左十幾分鐘都係冇人。之後上車繼續等,跟住有個中年男士行咗去我度車門旁問我搵邊個(我當時係泊咗喺嗰間屋仔附近畫左四個停車位之一)。我同佢講約咗整蕎麥麵但係等左好耐都無人⋯⋯佢就閃左。其實佢係幫我搵個女主人。日本人其實好有禮貌見到面同我係咁講ごめんなさい「個咩那晒依」sorry。
佢先帶我去佢屋企,然後坐左一陣問我係邊邊度尼(例牌菜我來自香港)跟住就帶我去佢個工場。一邊好寬敞同埋乾淨。首先我哋要洗手同埋帶頭巾,然後佢就開始講解乜乜乜。當然是由原材料蕎麥b開始,一直磨磨磨⋯當你隻手開始攰到郁唔到嘅時候你就應該成功磨成粉。然後佢就會幫你移動嗰啲粉到一個木盆。加水然後用支野搞搞搞。搞到變成一團麵粉之後就碌碌碌。碌到變左一塊好似pizza餅就摺大約四五下,開始(自己)表演刀削麵(請小心手指!)。切到靚仔咁就可以拎去歌不鏽鋼盆到過冷河,然後馺下馺下就食得架啦然後我就咁捧住盤麵同埋蔥花同埋點蕎麥麵嘅汁過返去佢屋企開餐。
佢話比我知做咗麵好耐供應比其他地方,啲仔女大晒等等。我都傾得好開心~當時個肚真係凸咗出嚟啦。其實佢原本想俾我帶返去自己煮熟嚟食,但係我有點帶返香港呢?最後全部煮晒佢,好似座山咁高。我唔好意思留番啲嘢食喺度,所以點都要食埋佢。雖然啲麵好香,但係淨係食蕎麥麵有啲齋。
結論係我覺得呢個體驗好好玩同埋佢好用心教我,好有親切感!
體験活動名稱:古式そば手打ち[koshiki soba teuchi](要予約)
電話:0883-88-5625
地扯:〒778-0204 徳島県三好市東祖谷京上14番地3 (GPS內用0883-88-2170或者上面個電話號碼找路線圖)
費用:¥3,000/人 (可得6食份, 其中一份即食)
活動時間:約兩小時
定休日:無特定
Check-in 酒店 - 新祖谷温泉 ホテルかずら橋
間酒店好正,不過唔係新但係幹淨。最有特色就係去浸溫泉時坐個部纜車!按一徤就上按一徤就落。男湯叫『雲海の湯』而女湯叫『樹海の湯』。還有一個混浴叫『筍の湯』(筍到連個命都叫做筍之湯?!嘻嘻)小第巡視過係發現一個人都冇的...
開放時間為6:00-23:00
值得一提那酒店在八點後有免費俊巴到蔓橋(かずら橋)看被打上了森林色系燈光的蔓橋和小瀑布。有不同時間可在接待處查詢。
Link: http://www.kazurabashi.co.jp/
地址: 徳島県三好市西祖谷山村善徳33-1
電話: 0883-87-2171
第三日 德島,高知
早餐後踩去龍河洞爬洞,遊覽龍河洞博物館及珍鳥中心
特登早啲起身嘆多次個溫泉~~如果想訓耐啲就遲啲起身,但係唔好唔記得食個早餐!
原本諗好嘅時間係咁樣,我記得真正行駛時間好似少啲。玩完冇寫下真實時間所以唔記得係唔係早個預定時間抵達龍河洞了。
之前上佢個官網睇個,有個叫做「冒険コース」(¥1,000參加費 + ¥1,000 租借衫同埋鞋)係有專人帶你入去洞裏面比較難行嘅地方。非參加者係唔可以行呢條路線嘅。另外還有「一般観光コース」可供選擇。
唔怕有少少濕同埋有啲辛苦嘅人應該試吓冒險路線。難道還可以,我沒有爬個山但係都OK!一邊係好暗,要靠你頭頂果盞燈。佢仲會話比你聽有蝙蝠,巧開心!
玩完一番後出嚟佢會比張野你證明你已經冒險成功!之後去到旁邊會見到一個博物館。講解冰河時期恐龍時代等等的資訊(可以走馬看花)。行落少少,就會見到一個睇禽獸嘅地方。都係唔使錢,呢個地方好好玩易抵玩。入面有火雞、長尾烏等好多唔同品種嘅雀鳥,都幾特別。
註:基於佢要作人手安排,冒險路線係要事先預約。請先打電話預約你的時間和日期。
Link: http://www.ryugadou.or.jp/
電話: 0887-53-2144
地址: 高知県香美市土佐山田町逆川1424
営業時間:
3月1日~11月末日 8時30分~17時(最終入洞時間)
12月1日~2月末日 8時30分~16時30分(最終入洞時間)
高知ひろめ市場
小弟真失策本想去龍馬歷史館不知道為什麼它沒開。只好去剛才路過的一個電子遊樂城去夾公仔⋯
我先放低行李係酒店(ホテル高砂)然後就洗去Toyota還車。還車地點跟我的酒店不太遠所以還好。
已經很肚餓,行咗去ひらめ市場搵食。食物同選擇我覺得就一般。感覺好似北海道小樽個三角市場比較好食。也不能和東京築地比。這個城市不算大,基本上來高知到會去一去市場逛一逛。
酒店方面也唔錯價錢又唔貴。
ひろめ市場 Link: http://www.hirome.co.jp/page/pc/
地址: 高知県高知市帯屋町2丁目3-1
ホテル高砂 Link: http://www.h-takasago.co.jp/
地址: 〒780-0053 高知県高知市駅前町2-1
電話: 088-822-1288
第四日 德島,高知
早餐
早餐剛剛好。唔會話食得好飽。仲有三條魚乾用網燒嘅方式煮嚟食,真係好好味!
飯後上房拎返啲行李落嚟辦退房手續。(在日本基本上你退房嗰日都可以叫酒店職員幫你寄存行李)。
龍馬紀念館/ 桂浜之花火
今日係巴士遊。步行至高知站旁邊一個旅客資訊所買一張巴士券「MY遊バス」(讀:My You BaSu) (¥1,000) 其實就真係唔係好方便,因為班次很疏基本上一個鐘頭只得一班最後嗰班係五點鐘就會從桂浜開出。
基於11點鐘嗰班車係假日先會開,唯有等到十一點四十分先可以上車。第一站去咗龍馬紀念館先,可能嗰陣時睇電視有睇過龍馬傳,所以對佢有印象。去九州霧島嗰陣時都有去佢去過嘅地方。可惜佢好後生就俾人暗殺⋯
附近有一個海灣叫桂濱,個紀念館嘅最上層有個展望台景致一覽無遺。嗰日有一陣雨,成日都要搵地方避雨。原本係諗住睇嗰個狗狗表演,但又係落雨所以我都係冇去。嗰朝早去咗100 Yen店度買咗啲煙花諗住搵個地方玩,到最後係個廁所隔離玩⋯不過個廁所其實係個歇息亭所以都OK。
嗰區附近有好幾間商店可以考慮喺嗰度買啲手信。原本諗住去多一個地方都係要坐巴士,但因為落雨唔想上上落落整到濕晒(其實之前已經濕晒,不過乾咗)所以到最後都冇去到。係橫山隆一漫畫館。
出示巴士券去龍馬紀念館有折扣優惠。
其實我又點可以喺嗰度玩左咁多個鐘。因為落雨好多地方都飛咗,反去市內行下。
My遊バス(時間表,價格,路線,折扣優惠等) Link: https://www.attaka.or.jp/kanko/kotsu_mybus.php
龍馬紀念館 Link: http://www.ryoma-kinenkan.jp/
地址: 高知県高知市浦戸城山830番地
電話: 088-841-0001
返徳島
之後就搭火車(¥5,860)返徳島check in at Four Season酒店。當然唔係大家都知道嗰間四季酒店(¥11,800 Twin)!佢非常近徳島站而且樓下有咖啡店啲房又乾淨。讚!
個一晚再一次返去第一晚吃過嘅阿波尾鶏とりとり!!!真係好食!
Four Season Link: http://www.fshotel.jp/
地址: 〒770-0831 徳島県徳島市寺島本町西1-54-1
電話: 088-622-2203
第五日 德島,高知
去吧!購物兵團!
原本諗住去德島城但因為落緊微雨,所以最後冇去到有啲可惜。其實都唔想趕頭趕命咁去,因為坐咗朝早11:00班船。去碼頭大概20分鐘起6號巴士站坐德島市営巴士4號線至「南海フェリー(Ferry)前站」落車 (¥210)。
隻船好大隻都幾搵穩陣。有好多唔同嘅倉,我買咗「好きっぷ」 (¥2,000)包一張船飛同一張電車飛。其實坐地下(地氈區域要除鞋)或者坐座位都OK。船上仲有Wifi好貼心。
時間無多直接落船行去坐火車到井原里站(要在和歌山市站和泉佐野站轉車)。嗰度有個大型mall,最主要我都係想去ドン.キホーテ(激安の殿堂) 買啲垃雜野。次次去日本都實去呢個地方,依家好多佢嘅店都有退稅服務,購物樂趣大增!
Link: http://www.nankai-ferry.co.jp/index.html
去outlet繼續掃貨
之後那住啲行李同埋啱啱買嘅嘢跑返去個站到坐電車去リンクタウン(Rinku Premium outlet) 。相信去過大阪嘅朋友都應該去過呢個outlet。地方好大仲有摩天輪玩。講真呢個地方賣啲衫真係好抵!
其實得兩個靚鐘頭行,不過都夠啦~
Link: http://www.premiumoutlets.co.jp/cht/rinku/
返香港
坐飛穖返香港。
發表回應