-
目的地東京
-
行程日期5月 21日 - 5月 26日
-
行程日數5日
今次係小弟第一次去日本,好多地方想去,又好多野想食想買。但係時間有限,所以排行程都係去D熱門地方,新宿,池袋,築地,台場,上野,淺草,迪迪尼呀。其實有D地方就本來安排左去,但最後都冇時間去,希望下次可以再去喇。
我係東京就係用依個網 (http://www.jorudan.co.jp)黎睇點樣搭車,只要輸入出發地同目的地幾多點搭,佢就幫你搵唔同搭法。開車時間,車費,邊個站轉車,轉幾多次車,幾號月台上車,上邊卡車較方便落車都會顯示。真係十分好用,省卻左好多搵點樣搭車既時間,加上東京D地鐵班次好準時,只要跟住個網址行就好順利到達目的地。後來發覺佢都有APP既,仲更加好用添。
第一日 東京
池袋 Centurion Hotel Ikebukuro
5點就到達羽田機場,過關攞埋行李都好快,之後坐京急線到品川轉JR到池袋,到池袋都差唔多7點鐘。酒店近池袋站東口,行幾分鐘就到,近地鐵真係好重要。甘早就當然未有得CHECK IN 喇,甘就放低行李,飲杯茶坐左一陣就出發。
築地魚市場
景點資料到左築地其實都冇咩特別想行,淨係想食野但係壽司大,壽司大和真係超多人,都唔知要排幾耐先到,所以一早就放棄左。甘就係場內市場行左一陣,又到場外市場去左一陣,買左些少手信都十點幾,場外果D壽司舖終於開。甘之前係tabelog搵左幾間既,最後去左神樂壽司,叫左兩個SET都係4660YEN,好飽。
銀座
食完野都係11點,仲未有得CHECK IN ,見近近地去銀座打個圈先。小弟女朋友想去GU買野,甘佢就係舖入面買野,我就坐係GU休息下先(實在已經眼訓到頂唔順了)。講起GU,D野真係幾平,比UNIQLO平小小,但感覺D款都差唔多,如果個喼有位可以掃下D底衫褲,襪呀
池袋 Centurion Hotel Ikebukuro
我實在太眼訓了,我竟然黎到日本日頭係酒店訓覺(後悔中)。間房其實都唔錯,同想像中差唔多大,仲有個大電視,不過如果要同時打開兩個喼就要諗下方法。本來BOOK左STANDARD TWIN既,間房會大4平方米,但換左間STANDARD DOUBLE慳左$600,迫小小都無所謂喇。
新宿
訓醒覺就去左新宿行街食野,誤打誤撞去左西口(思い出横丁)既地方,裡面有好多好LOCAL既食店,全部都係小店好有特式,D日本人放工就係果度搵食,飲番杯。甘行左個圈就入左間叫(かっぺ亭),食串燒,間舖入面D位其實都幾迫,但D食物真係好好食,當然要叫杯啤酒嘆下喇。埋單兩個人都係4000YEN,真係好抵。
http://tabelog.com/tokyo/A1304/A130401/13034013/
食完野就到購物時間,其實都係亂行,見到西武新宿PEPE有無印,就行左上去。如果係無印FANS,係日本買無印野真係好平,仲有得退稅添,宜家女朋友後悔點解唔買多D。
麵創房無敵家
景點資料
本身番左酒店休息就唔想再走出黎,但係果日先知道甘岩有朋友夜機會到東京,甘岩又住池袋,甘岩又住埋同一間酒店,甘岩個朋友為左食無敵家先走黎池袋住一晚,甘岩我又需要一個食宵夜既藉口,係甘多甘岩既情況下,無理由唔約埋一齊食既。
我同女朋友行左陣池袋先,之後就去排隊等,等左8個字就有位。但我朋友都仲未黎到,甘就食住等喇,叫左兩款麵,等左一陣食緊麵既時候朋友就到左,佢好彩等左10分鐘就有位了。
講番個麵,個人比較喜歡食本丸麵,加左骨膠原果D,個湯真係好好飲,好濃但一D都唔油,個叉燒好林,至於げんこつ麺就比較清淡D,但都一樣好好食,喜歡淡味D既朋友就最岩。如果真係住池袋十分建議黎食下,好似話過左12點小D人排隊。
第二日 東京
池袋
因為之前一晚成4點先有得訓,今日成12點先起身,所以行程要縮短。
係池袋西武行左陣就要去搵野食,上到8樓有好多間餐廳,見有間食綠茶甜品既門口有人排隊,女朋友又鐘意食綠茶果D野,就排隊試下喇。都排左7個字先有位,我地叫左兩個SET,包埋綠茶甜品加埋都係3000 YEN 抵到爛,唔怪得有人排隊。(另外有兩間多人排隊既係梅丘美利登,同埋一間食中菜既)
京はやしや
https://www.sogo-seibu.jp/ikebukuro/diningpark/others_food/kyohayashiya/index.html
http://tabelog.com/tokyo/A1305/A130501/13116151/
台場
本身係日頭去台場架,不過其實夜晚去都唔錯。
我其實最想都係去DIVERCITY TOKYO PLAZA影高達,影完其實都冇乜野想行。不過見商場有D手信買下,又行入去買喇,又行左一陣就搭車番池袋食野。
牛兵衛 草庵 池袋西口店
原本係TABELOG搵左幾間食燒肉既,但行黎行去都搵唔到。但係又誤打誤撞搵到依間,覺得唔錯就即刻入去坐。
甘晏先食野其實都有好處,個職員比左間房我地兩個人坐,SEND 相比D FRIEND睇仲問我係唔係PRIVATE ROOM。
睇個MENU見到有個和牛SET都唔錯即叫,又叫左D小食同啤酒,好彩有叫碗白飯,用白飯送和牛真係好正雖然碗飯成400YEN。TOTAL 食左10500 YEN,我覺得真係物超所值,D牛真係好鬼正,入口即溶,飲埋啤酒真係爽到爆。
番到香港都唔知點算,想食番甘既質素唔知要比幾錢了。
http://tabelog.com/tokyo/A1305/A130501/13027654/
三友超級市場
池袋有間24小時超級市場,係太陽城對面。可以感受下日本人local超級市場,睇睇下你就會覺得香港買野其實都幾貴,行李有位的話可以買下d日用品,種類好多又平。
維新
本身諗住去目黑食依間米芝蓮一星拉麵,不過因為冇時間所以冇去到。
本身鐘意食雞湯拉麵,依間舖就係出名食醬油雞湯拉麵,拉麵有雞胸,雞肉雲吞,叉燒,講起都好想食。
所以都想介紹一下比大家,下次一定要去食。
http://tabelog.com/tokyo/A1316/A131601/13161626/
第三日 東京
池袋 Centurion Hotel Ikebukuro 早餐
終於食到酒店送果個早餐,其實個早餐就係酒店2/F 果個DANNY'S。選擇其實不多,炒蛋,多士,沙律,熱香餅,飯,青魚呀,不過都幾好味。但係晨早就比杯凍水你飲就有D唔慣,要問佢攞先有熱水。
淺草寺
景點資料
去淺草寺雷門,影個相打個卡又行下仲見世通,果度真係好多人,真係唔想行,因為其實D舖頭都大同小異冇咩特別,都唔係好想行就搵地方食野。
行行下見有人排隊買好似薯餅既物體,又排下隊喇。最傷心就係排到你果刻,間舖話要重新炸過一批要等6分鐘先有,攞到手食先知原來唔係薯餅係炸豬肉餅。雖然好脆口,但味道都只係OK,冇咩特別。
之後行過見到大黑家,係唔知邊本書見過係食天婦羅既。又唔洗點等位就算喇,反正我想去食果間鰻魚飯(色川)午市都完左應該冇得食。
我地兩個人叫左一個天婦羅蝦飯同一碗湯(見到好大碗飯,叫一碗都驚食唔晒),D蝦食得出係新鮮既,不過個天婦羅就索左D汁搞到淋左小小,本身認為天婦羅係脆架嘛,但其實都好食既。不過如果一個人食一碗就真係要辛苦小小,因為真係好Q大碗架,留肚食其他野好過喇。
上野
上網爬左文話上野D藥妝店平D所以先走去上野,正當係JR站搵緊路點樣行去阿美橫町,原來上野都有0101。突然收到消息話要去買ALBION,甘岩0101又有得賣,又甘岩間0101又有PORTER賣,甘岩銀聯卡有95折,所以係0101搞左一陣先可以去阿美橫町。
去到阿美橫町,見到有樣幾有趣既小食,就係100YEN 串串生果,我食左一串蜜瓜一串菠蘿,好新鮮又甜又抵食,唔洗買成個生果都可以有機會試下。
食完生果就去睇D藥妝,真係比池袋果D平小小,建議買得多野最好叫佢搞退稅果陣分開袋,因為驚太大舊就算入到GIP都阻左好多位,如果PACK細袋就可以靈活D。
六本木 MIDTOWN
其實都係行過圈,好靚既一個商場,又賣D貴野食貴野。本身想上去TOKYO CITY VIEW度,但行下行下又係唔夠時間上去。下次有機會再行過喇
麻布十番商店街
景點資料
本來諗住去食蛋包飯既,但好似都就關門所以都係是但行下睇下有咩食喇。見到有間食雞湯拉麵,裡面都差唔多坐滿人,面門又ok既,未入去試下喇。
叫左個雞湯拉麵餃子同炒麵,個炒麵真係麻麻地,但個拉麵同餃子都幾好食,所以去日本拉麵店穩陣D都係叫番拉麵。依間野有世界各地啤酒飲,見D日本妹飲白酒添,我身為港燦飲左甘多日日本啤,見到有Hoegaarden就叫左支自對喇,不過其實唔平成750 YEN,碗拉麵都係900 YEN。
睇下tabelog原來都幾高分
http://tabelog.com/tokyo/A1307/A130702/13168206/
第四日 東京
東京迪士尼海洋
景點資料
係香港東X遊個網買左飛,甘就唔洗去到現場先買唔洗再排隊。
甘之前果晚爬左文關於FASTPASS既用處,所以一入到去就去攞TOWER OF TERROR既FAST PASS(女朋友玩過話唔驚)。頂!!成7點先可以玩,心諗其他FAST PASS實派晒喇。
之後就近近地去BROADWAY MUSIC THEATRE 排隊,排左大約半個鐘度就有得入去。睇完之後,感覺係日本MICKEY係細隻D,跳舞跳得輕鬆D勁D,應該裡面果個係女仔黎既。
之後就沿住行又影下相,搞下搞下又夠鐘可以攞FASTPASS。迪士尼樂園愛好者朋友,極力推介我去玩INDIANA JONES,所以去果度攞個 FAST PASS先,頂!!排到6點半先有得玩,甘就慘喇,差唔多同時間要趕兩場。
甘宜家大把時間去排隊玩其他野,女朋友想玩地心探險,一入去見到要排90分鐘個牌。心諗應該唔洗甘耐既,點知真係要排左足足90分鐘,好彩帶左水入黎,D日本人都好排得,我企到腳軟。不過都真係要讚下日本人,真係好有秩序,如果換左係香港DDL 排隊,實會有D強國人係後面頂住你,頂到你冇位企,好似頂得前條隊就會快D甘,好彩係日本冇乜強國人姐。依果GAME 話要除眼鏡玩,甘我就除左眼鏡玩喇,頂!!蝕呀,睇唔到前面D野,都唔知發生咩事,淨係知道有一下衝得好急。甘就要排90分鐘了。
玩完依個GAME就去醫肚,之前行過見到有間DUFFY餐廳食快餐既,正常食快餐穩陣,都係1000 YEN一個SET,仲要好食過HK DDL,感覺十分良好。
食完就去玩INDIANA JONES,依個RIDE係美國都有,我朋友玩完之後就鐘意左DISNEY,因為覺得個故事同埋D裝潢都好DETAIL好MAGICAL,搞到我都真係望多兩眼D裝飾。用FP唔洗點排隊,依個RIDE一D都唔會覺得驚嚇,但有D小朋友喊都HIHI。
之後就行番去玩我最想玩果個TOWER OF TERROR, 其實個GAME就係室內跳樓機,只不過落完一次你以為停左原來仲有得落。老實我都有D驚驚,但係我女朋友係十個驚(原來佢自己記錯,根本以前冇玩過),D 日本妹就唔驚,仲舉高晒雙手添。
之後出到去都差唔多8點要霸個靚位睇FANTASMIC,睇完之後我煙花都唔睇去買野,你知買野要好多時間架喇。買左D手信比朋友D小朋友,依家番到香港覺得自己買得小,對比係香港DDL買日本真係抵好多。
磯丸水產
都夜夜地,又唔知食咩,行行下見到磯丸水產就入去食喇。叫左個海鮮SET加左D串燒,加多個魚生壽司卷。其實都係亂叫,因為甘岩冇中文MENU,所以都係指手畫腳喇。其實自己燒係好過隱既,雖然自己都係亂燒,但都好鬼好味。個人感覺去果度食野淨係叫海鮮會抵D,個魚生壽司卷麻麻地好食又貴,叫多D海鮮燒下仲好玩。
第五日 東京
池袋BIG CAMERA
食完早餐就要係池袋附近鳩嗚,睇下有咩可以再買。
其實原來我地甘多日都冇機會行既BIG CAMERA 我以為淨係買電器,原來好多野都有得賣,下次如果趕時間又唔想周圍搵,可以去果度行下。
NEX去成田機場
唔知頭唔知路,我淨係知道NEX可以直接去到成田唔洗攞住滿晒既行李轉黎轉去,所以就揀左回程搭,不過就貴小小要3190 YEN同埋車程比skyliner長。
記得NEX係一早MARK左位架要跟番位坐,我同車有某幾個香港人唔Q知道自己坐錯卡坐左人地個位,之後話左佢地知仲懶死唔走,要D日本人叫 職員黎趕果幾個香港人走。真係丟晒香港人既架。
成田機場
去到行程最尾既時候,係機場HKE COUNTER CHECK IN D STAFF真係好認真同你磅重,好彩買多左45KG,唔係就真係超重了。職員仲叮囑我地HAND CARRY 每人只限兩袋(跟身BAG同購物袋),入到禁區就唔好再SHOPPING。
不過都冇理佢,反正有D手信要買,都夠位放入去個大紙袋度。
之後就去左醫肚,因為原來未食LUNCH,宜家要食飽D,見到有間食日式野,見到白米飯、糙米飯好似幾好食,就入去食,埋單都係2500YEN好抵食呀
http://www.narita-airport.jp/en/shops/rest_shop/rest/floor_list/detail/t2mn04_t000bf.html
發表回應