-
目的地首爾
-
行程日數1日
跟朋友2個去了一趟首爾短Trip, 悠悠閒閒的食玩逛看買~ 適合係每日淨係返工放工既香港人, 係外地放鬆下啦香港人~
第一日 首爾
仁寺洞元祖一隻雞
今次搭凌晨機, 去到民宿早上7點幾, 今次民宿係鐘路區, 主要係返附近活動~ 補補眠後已經12點幾, 去了附近既仁寺洞搵食!
同朋友一樣都唔太鍾意遊客成日去既餐廳, 所以揀左呢間由韓國朋友介紹既一隻雞, 試下地道風味! 位置係正Alive Museum門口對面的小巷, 望入去就有。唔錯~ D湯特別好飲! 每人約9000won~
愛來魔相4D藝術館 Alive Museum - 仁寺洞本館
景點資料食完飯就去附近既4D Alive museum玩下, 去韓國之前係facebook見到有blogger介紹過, 所以預先download左coupon, 75折完後每人9000won~ 個館好大, 影左2個幾鐘, 好在平日去冇乜人, 瘋狂影左勁多相! 保持神秘感, 所以搵了官網ge相比大家睇下4D館係咩黎~
雪冰
為左配合傳統文化, 仁寺洞成條街既店舖招牌都係用韓文字寫既, 特別係見到starbucks個招牌勁可愛。玩完Alive museum去左雪冰休息一下, 食個甜品, 位置係正starbucks隔離 。特別推薦佢地ge麻糬雪冰, 超好味, 麻糬+雪冰簡直係完美配搭~ 除左麻糬雪冰, 仲可以試當季盛產既水果雪冰, 例如士多啤梨雪冰同芒果雪冰等等。
Ssamziegil
景點資料食完雪冰向前行就係Ssamzigil 人人廣場啦, 個到氣氛超好, 有好多手工藝品, 雖然好貴, 不過睇下行下都好, 話唔定會有意想不到ge收獲~ 內裡建築好得意, 只要一直行就會上到屋頂, 完全唔洗行樓梯。(雖然最後都係行返樓梯直接到地下)
仁寺洞觀光中心
今次想試穿韓服, 上網搵過係人人廣場附近有個仁寺洞觀光中心可以試, 位置同網上講ge唔同ge, 正確應該係人人廣場門口對面而唔係右邊, 見到個牌直行就係了。營業時間 10:00~17:30, 只需要3000won, 超抵, 不過要留意的是有限時, 每人只可穿20分鍾。
仁寺洞
景點資料仁寺洞街有好多店舖, 非常適合買手信和韓國傳統工藝品。想買明信片的都可以係到買到, 附近亦有郵局, 寫完postcard都可以馬上去寄埋。除左手信仲有各大化妝品店係到進駐, 一條街就可以買齊哂要買既化妝品~
廣藏市場
景點資料係仁寺洞玩左成個下午, 晚餐改為去廣藏市場食生牛肉! 其實係廣藏市場間間都差唔多, 一樣咁好食, 所以冇話特別要排隊等邊間, 就求其揀左間食~ 叫左1碟2個人食, 每人先6000won~ 超抵食~
發表回應