-
目的地釜山
-
行程日數5日
七月旅行完到依家終於有時間去update上年夏天嘅旅程。
今次旅遊宗旨：用最少的時間去最多景點，結果短短五日就去左超過十五個景點。
其中最深刻既係去大邱，第一次遊大邱嘅感覺好新鮮，得到既體會係：除左首爾，其他地方一樣咁多姿多采，只要做好準備，都唔洗識韓文先去到呢類地方城市！
期待下次再遊歷韓國，實現遊遍韓國大大小小的地方城市！
第一日 釜山
Mr.Egg Hostel
今次入住的是 Mr.Egg Hostel (南浦店)，價錢都算抵，兩個人入住有獨立浴室既二人房平均每人大約 $200，位置又方便，位於 1 號線中央站，沿住中央站地下街一直行，仲會行到去南浦站，車錢都節省埋!
Spa Land
景點資料搭完幾個鐘的凌晨機，個人已經不在狀態，到 Hostel 放低行李後，就搭乘地鐵 2 號線到 Centum City 站的 Spa Land 一嘗韓國地道汗蒸幕。平日 9000won 就可以係度玩足四個鐘，真係好抵!
Shinsegae Centum City
嘆完地道汗蒸幕，就行埋隔離既新世界百貨 (Shinsegae Centum City)。新世界百貨有啲似香港既又一城，同樣有大型溜冰場，溜冰場旁邊和商場地庫更設有大型 FOOD COURT，超多野食，上次假日去到係勁多人好熱鬧，建議平日去，食野都無咁多人，位都易搵啲!
南浦洞八色烤肉
八色烤肉愈開愈多，就連釜山都有幾間分店。今次去既係南浦洞分店，地點都算易搵 ( o係光復大街後一條美食街 )。八種味道加埋海鮮鍋真係食到好飽，原本想叫多個炒飯都食唔落!
第二日 釜山
龍頭山公園
景點資料
龍頭山公園就位於南浦洞，如果住中央洞既旅館，更可以徒步到達，大約行 15 分鐘就到，好方便。
個人認為龍頭山公園無咩特別，但基於地標之一，加上咁近，唔去又好似好蝕，建議有時間先去都OK!
國際市場
國際市場位於南浦光復路附近，賣的東西較為平民，近光復路市場的入口，整條街都是賣食的，阿豬媽都會好熱情招呼客人，必食拌麵 (비빔당면)。
海雲台海灘
景點資料黎到釜山，一定要去海雲台，可惜黎左兩次，都未真正見到海雲台之美。原因係兩次黎既天氣都唔太好，搞到成個地方一片灰朦。不過睇返人地既相，天氣好既海雲台真係好靚，韓國人咁鐘意大海，唔怪得之個個都推介呢個地方!
西面商圈
西面商圈位於市中心西面 (地鐵 2 號線 )，西面同南浦一樣咁熱鬧，隔離又有百貨公司，下面又有地下街，真係行都行唔切!
第三日 釜山
釜山 > 大邱
旅程最期待既一日就係去大邱，坐最平等級既無窮花號去大邱都只需兩小時，真係好方便。
介紹一下呢個城市，大邱位於慶尚北道，屬於內陸盆地地區，呢度一樣有地鐵，地鐵只有兩條線，仲易搭過釜山果個，交通方面可謂無難度!
東城路美食街
黎到大邱既第一站就先坐地鐵一號線到中央路站既東城路。黎到東城路，第一個感覺就係好似明洞，整個格局大致同首爾明洞大同小異，唯一唔同既就係無咁多人，最緊要係無咁多遊客!
東村壁畫村 (옹기 종기 행복마을)
上網一search，好似仲未有blogger介紹呢個地方，都算係一個不為人知既景點! 東村壁畫村前身為荒廢了既火車站，位於地鐵 1 號線東村站 1 號出口，由於俾阿豬媽點錯路關係，搞到要搭的士先去到，其實離地鐵站唔算遠，但基於地點有少許隱蔽，所以都建議寫低地址搭程的士去。
西門市場
西門市場位於地鐵 2 號線西門市場站，感覺有點似首爾既廣藏市場，好多小食攤檔，非常熱鬧。
大邱 > 釜山
短短一日，只是去了大邱一小撮景點，行程就此完結，真係有啲唔捨得。
坐夜晚 7 點既火車返釜山，返到去大約 9 點，仲有時間去多個地方!
第四日 釜山
SKY WALK 天空步道
SKY WALK 位於五六島，可以話係近兩年釜山最熱門景點，特色係設立海上的 U 型透明玻璃，不妨挑戰下個人膽量走返個圈! 由於果日天色陰沉，影唔到太多靚相，所以就係網上搵左幾幅圖俾大家睇下先。
中華街
搭觀光巴士前去左釜山站既中華街，經過釜山站時不妨過對面既中華街參觀下。
松島海水浴場
由於想用最少時間行最多景點的關係，今次就揀左坐釜山觀光巴士遊覽松島沙灘和海東龍宮。喺松島逗留左大約40分鐘，時間夠曬行足整個地方!
釜山大學時裝街及保稅街
景點資料
坐完觀光巴士大約 5 點，仲有時間去埋地鐵 1 號線既釜山大學。釜山大學周邊除左買野外，四圍都係食野既地方，燒烤、炸雞等應有盡有，今次就試左生牛肉刺身，兩人分量大約港幣二百幾，係香港點食到呀!
第五日 釜山
E-MART + HOME PLUS
上網CHECK過，沙上站有兩大超市 分別係E-MART 同 HOME PLUS，所以決定一次過行曬，順便可以格下價!
交通：地鐵 2 號線沙上站 5 號出口
發表回應