-
目的地東京
-
行程日數4日
第一次自由行去東京,仲擔心言語路不熟既問題,好在東京地鐵有曬漢字,加上當地人既熱心幫忙,呢次旅程可以話係得心應手!
四日旅程唔算多,同朋友決定HEA遊東京,漫步呢個美麗城市!
後記:短短四日行程就難忘既係去左小江戶,每處街道、橫街窄巷、小店都充滿著日本古舊風情,喜歡日本這種恬靜一定要去看看這個穿越時代的小區!
第一日 東京
池袋櫻花酒店
搭完一晚既凌晨機,個人已經接近虛脫,但為左平無計啦!
由羽田機場坐地鐵去到池袋,途中需要係品川站轉車,大約 50 分鐘就到達池袋,都算幾方便,只係朝早繁忙時間比較多上班族。
到左池袋櫻花酒店,職員話大約 12 點先有可以 check in,所以先放低行李再出發。
築地魚市場
景點資料
黎到日本,點可以唔去築地食魚生!原本想同朋友去大和/壽司大到食,但實在太多遊客係度排隊,所以就去左隔離既不知名鋪頭食左個吞拿魚魚生飯,盛惠 1800YEN,好大碗,好抵食。
其實係築地,大部份食壽司既鋪頭都差唔多,一樣係咁新鮮,只係旅遊書既效應下,遊客先一窩蜂擁入個別餐廳。
竹下通
景點資料東京出名多野買,第一次自由行去東京,第一站行街既地方就一定係原宿竹下通啦!有賣日系女孩 style 既衫,又有賣近年大熱既韓系 style,仲有我最鐘意行既古著店。認真,呢度要行大半日先得!
Angels Heart Crepes
在竹下通的街尾有間專賣可麗餅嘅Angels Heart,行到有啲餓就去試下!一個大約三十幾港幣,但份量好足,食完都唔洗食晚餐!
第二日 東京
淺草寺
景點資料初次遊東京,點少得去到淺草寺參觀。果次假日去,勁多人,想係雷門前面影返張相都有難度。不過入到去,估唔到都幾多野行,有好多野食、手信買,最抵買既手信一定係人形燒,盛惠500 YEN兩盒!
池袋風風亭
是日晚上試左酒店附近既風風亭燒肉放題,見上網介紹好似幾抵食,所以去左試!仲加左 1000YEN 任飲放題,正!
第三日 東京
Sunday Brunch
黎到下北沢呢個寧靜小區,可以有機會放慢步伐,享受下人生,所以就同朋友o係 cafe 食番個 brunch,brunch set:有一碟意粉,一個蛋糕,一杯飲品,都只係港幣一百多元,都唔算太貴。
串鳥 (吉祥寺店)
行左大半日下北沢,就搭地鐵去埋附近既吉祥寺。夜晚既吉祥寺好熱鬧,成條街都係食肆,真係唔知點揀好!咁啱朋友想食串燒,就入左去呢間食店喇,講到店內最抵食既一定係三文魚子飯,只售200 YEN!!!
第四日 東京
川越氷川神社
最後一日來到距離東京只有半個鐘車程既埼玉縣川越市,第一站先去神社參觀。
氷川神社出名求姻緣和求子,黎到可以買番個御守俾巫女祈福,過程好特別!
小江戶川越
離開神社,步行去至小江戶,大約 15 分鐘到達。值得一提既係沿途既風景都充滿住日本小區特色,周邊都是和式建築,很自然就放慢腳步不停影相!
發表回應