-
目的地首爾
-
行程日數4日
去韓國都去過幾次,就好似第二個家鄉咁,但每次黎到首爾多數都係行街買野,真正觀光既時間真係唔多。
今次去 4 日首爾,唔想又齋 shopping,想集中係觀光部份,得出結論係,除左購物景點,原來首爾都有好多地方係值得一去!
第一日 首爾
Seoul Guest House
景點資料
坐完幾個鐘既凌晨機,首先黎到位於地鐵 3 號線安國站既民宿。
平時黎韓國都住開民宿,貪佢夠平,而今次就初嘗傳統韓屋 style 既民宿,扮番幾日地道泡菜人!
大林美術館
位於孝子洞的大林美術館(Daelim Museum),可乘地鐵3號線,然後在景福宮站下車,再出 2 號出口。
這個小區充滿住藝術氣息,亦有唔少 coffee shop,坐完凌晨機累累地就先去飲返杯咖啡,然後再出發去藝術館。
見到 Daelim Museum 已經俾佢外觀吸引,無論建築外型同入面既展覽都好前衛新穎。
臨津閣和平公園
距離 38 線最接近的臨津閣和平公園,公園最大特色一定是佈滿七彩繽紛的小風車和幾個巨人人像,有維護著南北兩國和平統一的意思。
交通: 在首爾站乘坐 9710 號紅色巴士,在汶山巴士客運站下車,再轉乘 58 號巴士,在臨津閣下車,全程需時約 2.5 小時。
第二日 首爾
弘濟洞螞蟻村莊
景點資料
因為睇完電影七號房的禮物而冒名而黎,同梨花壁畫村相比,呢度無咁多遊客,沿路行上去都見到七彩繽紛既壁畫,影左好多相留念!
交通: 地鐵 3 號線弘濟站 2 號出口,再轉乘 07 號公車 (搭到總站落車)。
首爾林
首爾林係一個家庭公園,整個公園佔地面積十分大,休閒慢步hea下又得,同家人朋友喺草地上野餐又得,仲可以餵埋鹿仔!
地址: 地鐵盆唐線首爾林站 3 號出口步行約 3 分鐘就到達
建國大學
景點資料
成日行弘大,今次就轉戰建大。成日都聽人講,建大果邊都幾多野買,好多野食,好熱鬧,所以今次就黎見識下。
除左行下街食下野外,仲參觀左建大,環境超美,充滿著校園氣氛! 參觀完建大就係附近行下,食埋晚餐!
第三日 首爾
首爾奧林匹克公園
景點資料
奧林匹克公園真係好大,初頭以為為左影棵大樹搭咁耐地鐵好似好浪費時間,估唔到地方咁大,有排行,所以最後就租左單車邊踩邊睇風景!
交通: 地鐵 8 號線夢村土城站 1 號出口
可樂市場
景點資料
之前因為可樂市場太遠無黎到,但今次難得經過就梗係唔會錯過!
可樂市場同鷺梁津都係首爾兩大水產市場,呢度無鷺梁津咁多人,同埋價錢都幾合理,上次食大約 2 萬幾WON一個人。
交通: 地鐵 8 號線可樂市場站 8 號出口
第四日 首爾
仁川十井洞壁畫村
位於仁川富平市既十井洞壁畫村,由金秀賢主演既電影「三個特攻美少年」拍攝場景。雖然唔係金秀賢既 fans,但因為鐘意行壁畫村既關係就專程坐車到仁川。
交通: 地鐵 1 號線銅岩站 2 號出口直走會見到公車站,搭 593 / 592 綠色公車,在車站名 입정고개 下車。(需時大約 1 小時)
發表回應