-
目的地沖繩
-
行程日數4日
咁大個女第一次生日喺外地過,超開心,多謝香港航空出平機票
第一日 沖繩
OTS租車沖繩 (豐見)
由於第一次去同埋遲咗大約10-15分鐘起飛,所以遲咗到步,時間上預得唔準確,我太睇少那霸機場入境海關,我過關接近用咗1.5小時,拎好車去到outlet已經係3個鐘後
我諗OTS租車公司接客戶果個人都應該等咗好耐,XDXDXD
去到OTS豐見店,一入到去,會叫你聽一聽小型講座,當然你可以唔聽,因為聽佢講嘢接近45分鐘,企都企到傻,所以我地冇咁傻豬豬,聽左15分鐘發覺唔對路,就去咗排隊拎車
D Staff 好好人,有識講國語嘅Staff,唔怕溝通唔到
Ashibinaa
景點資料
去沖繩之前都知道得一個OUTLET MALL,但係,去到之後,一D都唔失望,功開心,因為我係OUTLET竟然買到Tory Bruch同埋好平嘅Agnes'b袋
當然,去shopping前梗係去咗醫肚先喇,因為我地上機前排隊CHECK IN已經冇時間食早餐,上到機,唔知點解空姐又冇派餐俾我地兩個,所以超級肚餓,但係可能因為餓得太耐,嘢食一到就食得太快,搞到食完飯胃痛
我地食嘅係沖繩麵,不過個人唔太鍾意粗到好似上海粗麵咁嘅麵
道の駅 許田
因為時間上問題,本來係PLAN咗去海中塔,點知,原來佢5點半已經唔再俾人入,所以我地就去左道の駅 許田行吓、食吓、買吓
Hotel Yugaf Inn Okinawa
呢間酒店係之前3月朋友去嗰時住過,我見幾近水族館,所以揀嘅,我地太遲去CHECK IN,所以原本BOOK嗰種房冇晒,佢UPGRADE咗間大少少、有露台嘅房俾我地,開心屎~~
燒肉乃我那霸
呢間係我喺“正文社”旅遊書搵嘅,本身好多人都話,去旅行千祈唔好信旅遊書,但係……我覺得呢間唔錯喎,又唔貴,2千幾YEN一個人,食放題,任叫,不過飲品就要錢嘅,裡面亦都有識講國語嘅STAFF,不過唔係真係識好多,英文都唔識幾多,可以既都係BODY LANGUAGE穩陣D
第二日 沖繩
沖繩美ら海水族館
遲咗出門口,好彩去到水族館都唔係太晏,10點咁上下喇,不過9月去沖繩,唔游水,都真係會幾熱、幾曬~~
呢個水族館其實同事叫我唔需要嘥太多時間,因為好細冇嘢好睇,1個鐘咩都走得,不過其實大家想睇、想行嘅嘢都唔同,我就覺得唔錯喎,幾好睇呀~~
當然唔夠海洋公園大嘅,不過,至少我覺得好睇過海洋公園
OKINAWAフルーツらんど
去左熱帶果園、鳳梨園、苦瓜樂園
雖然同事話可以唔去,但係一場嚟到,無可能唔去喇XDXDXD
ブセナ海中公園
因為Day 1時間遲晒,喺OTS拎車嗰時已經買定入場劵,所以DAY 1去唔到就改Day 2去,雖然都係到此一遊,但係吹下海風,好舒服,不過,原來可以唔需要咁KAI由停車場行入去,行成10分鐘,可以喺停車場搭架古老巴士去海中塔~
元祖海ぶどう
景點資料本身都預左係食下午茶形式嘅,點知我地朝早喺酒店食完個早餐之後,到LUNCH都未肚餓,MISS咗朋友推介嘅烏冬店,咁去完苦瓜樂園,有少少肚餓就去食海葡萄,其實海葡萄本身都幾好食,幾特別,但係,佢白色果堆唔知咩嚟,好黏口、咸咸地,古古怪怪,但係佢個燉豬手真係好得,本身我就唔食苦瓜,但係男友好想食,喺苦瓜樂園又只係得苦瓜雪糕食,咁去到呢度就叫個苦瓜炒蛋俾佢食喇~~
EM Wellness Resort Costavista Okinawa Hotel & Spa
呢間酒店比我想像遠,亦都幾偏僻,不過就係因為佢偏僻,所以風景唔錯,亦都住得好舒服,Day 2同Day 3我地都會住呢間,佢本身入住係有包個SPA Coupon,不過我地實在無時間做SPA,只好俾返Reception,同埋一D都唔貴~
第三日 沖繩
Gola青い海
為左鹽味雪糕、天然海鹽做手信,就點都要去一去Gola青い海 ,XDXDXD
体驗王国むら咲むら
去到發覺唔係太大,咁的確都有唔錯嘅嘢睇嘅,其中最得意係有間整萬花筒,個老闆好得意,佢識少少國語,英文會比國語好,佢主動叫我地去個大萬花筒度,放個頭入去,對面嘅人就影,影左,真係好得意
另外我地重買左個手製細萬花筒,佢重教我地點玩,可以放係個電話鏡頭度,咁就會影到萬花筒嘅相,好靚
最後佢重幫我地影相添~~
番所亭
一場嚟到沖繩,梗係要試吓紫芋冷麵喇
冇味,但係唔錯嘅,有個汁嘅話,同埋佢個肥豬肉飯,好冧~~
Miche-Miche
咁大個人都未試過HIGH TEA,因為都真係幾鬼貴,不過見旅遊書介紹沖繩呢間唔係好貴,就去試下喇,1千YEN,不過款式就唔多喇,鋪仔細細,你會唔好意思TEA咁耐,同埋好特別,佢喺民居入面,行過都唔會發覺嗰啲,但係用嘅茶具同食物質素都唔錯~~
值得一試
美浜美國村
景點資料
其實想去嘅原因好簡單,就係因為有藥房,不過去咗之後好失望,唔係大都算,啲嘢平唔過我係名護買
同埋因為美國村有間SEGA,經過上年去東京,我發現自己愛上夾公仔機,一心想去夾公仔,點知……公仔唔靚都算,只係想玩下,點知同香港Namco一樣,個夾較到鬆一鬆,完全冇力
最後就去左AEON食晚餐
第四日 沖繩
おきなわワールド文化王国
今日一早起身天氣唔係太好,但係都OK嘅,本身對呢個地方期望又唔係太大,同埋今日行程比較要準時,所以就大約行左就算
花得最多時間,就係喺個玉泉洞,同黑洞一樣,行極都好似行唔完,XDXD
上返地面,成個文化王國就好似搵笨咁 X.X",入場前買入場劵有好多價錢你揀,你去邊度參觀就買邊D入場,好彩我地只係買左入場同玉泉洞,唔係嘅話,一定呻笨
Cafe やぶさち
睇旅遊書話呢間野喺附近,點知原來我地香港人同日本人、台灣人嘅附近定義係爭咁遠,因為都成10分鐘車程,XDXDXD
環境好靚,而且佢有個沙律BAR免費,飲品都係任飲
食品質素都唔錯,有我最想試嘅蛋包飯~~
琉球ガラス村
一個月前上網BOOK咗2點整玻璃杯,男友就整玻璃碟,因為係最後一日喺沖繩關係,所以整完我地係要佢用EMS送返嚟香港,Total大約8千YEN,連埋材料費,都幾貴,不過一場去沖繩,冇理由唔整沖繩最出名嘅玻璃
入面重有一間CAFE,我地早咗到,登記完之後,就去HEA吓,食個甜品
國際通
景點資料整完玻璃之後,我地都係決定返酒店放低啲嘢同CHECK IN先再去國際通行街,最後去左“驚安の殿堂”,買咗啲洗面、洗頭水,但係都行咗成個幾鐘,超開心,重要去埋卡樂B,食好好味嘅嘢
第一牧志公設市場
景點資料
超正~~
食咗龍蝦、夜光貝、帶子、榮螺、三文魚、燒大蝦,叫咗一支細清酒、龍蝦頭用嚟煲味噌湯,好好味,夜光貝裙邊蒜蓉炒
不過,龍蝦就麻麻地,新鮮就好新鮮,不過就唔係好有龍蝦味,夜光貝好爽口,好得意,燒兩隻大蝦,好彈牙,三文魚、帶子同榮螺都真係超好味
Hotel Jal City Naha
景點資料
呢間酒店真係無得頂,我BOOK完之後,幫朋友喺日本樂天網頁買架BB IIMO三輪車,成9KG,E-MAIL去酒店問,佢可唔可以幫我收,佢地話無問題(因為唔係間間酒店可以收件),雖然房就細咗啲,但係都住得好舒服
整體嚟講,成個TRIP 3間酒店我都好滿意,冇諗過自己可以BOOK得幾好,依家好期待下年2015年去大阪~~
發表回應