-
目的地新加坡
-
行程日數4日
我老早就期待有一個新加坡之旅,聽說呢度的教育+房屋制度很好,建設完善,係一個快超越香港的城市等,呢D都成為吸引我要親眼見識見識。走一圈返黎,新加坡人真係好叻,在語言方面,當地人懂得馬拉/印度/廣東/國語/English,隨街可見,不怕溝通上的問題。人口沒有香港的密集,街道較好行,而且綠化做得很足,係一個頗舒適生活、卻又不停進步的城市。呢一次旅程,假如在2012年前來到,可能會發覺和香港差不多,沒什麼好玩好逛的,但今時唔同往日,新加坡的好玩之處正是現時才發光發熱呢!
第一日 新加坡
甘榜格南+回教特色清真寺
新加坡其中一個活躍宗教就係回教,呢度隨處可見一D很具特色的建築,好似武吉士站的甘榜格南,有蘇丹建築風格,還有我酒店附近的呢間清真寺,有好多星星月亮的圖案,非常獨特和漂亮。但要注意,入呢類型寺廟的遊客要遵守除鞋喔,而且想室內影相最好都係問準當地人先。
克拉克碼頭
晚上到克拉克碼頭,呢度人頭湧湧,有豐富的新肆同酒吧,中意食蟹的人可以到珍寶,果度的辣椒蟹非常出名。呢度適合愛夜蒲的朋友,可以同朋友傾下計飲下野,認識來自5湖4海的朋友;而且岩晒貪玩的朋友,可以試下玩香港無既野,極限運動,睇圖就知,過程非常之驚險。我就中意食飽飯,靜靜地坐下觀光船出Marina Bay,欣賞新加坡獨有的美麗夜景,夾岩時間還可以觀看金沙酒店的激光show呢。
第二日 新加坡
Legoland
早上到Singapore Flyer等坐往樂高樂園的直通車,大家可以到地面的熟食市場搵食,有人氣阿坤同元氣肉骨茶你選擇,而且非常美味。食飽就可以上車訓陣,大概1個鐘的車程就到Legoland,算係超快的了。樂園有夠寬敞,而且無強國人,排隊非常輕鬆,玩足一日,非常暢快!
Singapore flyer
晚上坐返掉頭車到Singapore flyer,時間剛剛好係夜晚,大家可以排隊登上魔天輪,飽覽整個新加坡迷人夜景,旋轉一周約半小時,唔駛心急影相,可以放鬆心情去欣賞。建議晚上可到附近的無招牌餐廳品嚐馳名胡椒蟹。
第三日 新加坡
Gardens By the Bay(早上)
其中之一個來新加坡必逛的地標,白天來到,可能感覺平平無其,但其實一D都唔簡單,花園有兩個溫室,入到去舒服非常,而且含氧量超高,不忘呼吸幾口新鮮空氣,換一換肺。
天天海南雞飯
出外旅遊特別容易肚餓,行完花園建議到chinatown的Maxwell food centre度搵食,特別點名的係熟食市場的奇績-天天海南雞飯,大排長龍,本人都排左一個鐘至捧到一隻海南雞,可見叫座力非常。但食落,我都係中意尖東的好時沙嗲比較岩我口味。
Garden By the Bay (晚上)
晚上的花園和日頭真係截然不同的美麗,很有電影感,大家更可以到空中走廊走走,夾岩時間花園會有燈光show,整個花園好像比白天更有生命力,更令人感動,非常精彩和美麗,一生人點要親身看一趟。
金沙酒店
表演完左,不妨到附近的金沙酒店走走,我想大家都知道他的威水史-無邊際泳池,一晚$3XXX-$4XXX房價并不誇張。論酒店外型好有時尚感、科技感,非常匠心獨特,也很豪華型格。大家更可以到Casino玩兩手,試下運氣,分分鐘住一晚酒店不是夢。題外話,新加坡人入賭場是要先消費後入場,所需入場費為$100坡紙,而遊客只需出示護照就可免費入場。
第四日 新加坡
海事博物館
大家到聖陶沙一定要逛下海事博物館,今次有幸觀看鄭和下西洋的故事劇場,其館內有個4D的戲院,觀眾可以一邊投入航海故事,另一邊廂室內有不少機關俾你感受驟雨和颱風,而且船的搖擺、轉向、下沉都一樣感受得到,係一趟超逼真的海洋歷險。
海洋館
感覺比行海洋公園的水族館更舒服更完善更美觀,也是一次好玩的海底世界冒險。
環球影城
聖陶沙必經之地,非常好玩滿足,稍為比Legoland的人流多,遊戲排隊要花點時間,當天區內有幾個大型機關有問題,所以miss左一D設施呢,但仍然係秒殺菲林的好地方。
Merlion Park
來到新加坡,最後點可以唔近距離望一眼神獸-魚尾獅,唔講大家未必知,夜晚的魚尾獅係會變色架,好像穿起潮流衣服一樣,令新加坡trend起來,好玩起來。係公園可以眺望Marina Bay兩岸景色,一邊似中環,一邊似尖沙咀,夜景醉人,為這趟新加坡之旅劃上完美句號。
發表回應