-
目的地新加坡
-
行程日數1日
來新加坡做實習已經兩個多月,認識到一啲本地朋友,帶我去周圍食。香港人(已括我自己)以前只知道來來去去嗰幾間食店,但其實新加坡仲有好多好多值得一試嘅美食,希望大家下次去新加坡多個選擇。
第一日 新加坡
第一站
雪糕麵包
新加坡其實周圍都有呢類雪糕車,而熱門景點Orchard Road都會搵到。麵包夾雪糕,故名思義就係用片包夾住雪糕。佢吔用嘅係walls雪糕,同斑蘭味麵包,麵包香到不得了,雪糕都好好味,喺新加坡咁熱嘅天時下,真係人間美食,亦係我至愛。
第二站
黎記燒雞
唔好再盲中中淨係去天天,新加坡仲有好多好味嘅雞飯等緊你!! 雞飯除咗白切雞,燒雞其實都好出名! 黎記嘅招牌燒雞絕對唔會失望,燒得好好,香到不得了。另外都有比較清淡嘅白切雞,入口即化。
第三站
歐南國亞華肉骨茶
又係嗰句,喺黃亞細之外仲有好多好嘢架~~呢間係本地人至愛嘅其中一間肉骨茶,胡椒味較重,會辣啲啲,啲肉好嫩~
第四站
家嫂瑞記魚頭米粉之家
新加坡啲朋友好鍾意食呢間魚頭米粉,啲湯鮮甜味美,好有魚味! 另外魚片米粉同海鮮豆腐亦係必推。
第五站
無招牌海鮮
景點資料係係係,呢間係已經好出名,我知你哋都唔會錯過,不過好嘢都係要繼續推~ 前幾日公司farewell同事都係呢間,證明係地道人都鍾意食嘅好餐廳~~辣椒螃蟹啲肉夠哂肥美,啲醬加左蟹黃與蛋花,非常香非常好食!
發表回應