-
目的地首爾
-
行程日數1日
聽過有唔少朋友埋怨最憎就是去韓國,因為次次都只有女仔買,自己剩係幫手拎。仲話首爾簡直就是地獄!但係我就唔多認同啦!可能因為有韓國朋友教路,我次次去首爾都可以滿載而歸!!
為左令一眾男士們下次去首爾可以有街行有收穫,今次等我Share韓國friend教路的一些買男裝地方!(如果女仔想去搵oppa,都可以考慮下呢個行程XD)
第一日 首爾
去江南新沙洞林蔭大道
新沙站8號出口,直行到一條比較大的路口轉左。
江南新沙洞林蔭大道
第一個shopping聖地就是新沙洞林蔭大道,成條街都有唔少賣男裝的店舖,雖然都有一些牌子店舖,不過呢一帶主要有不少特色的小店為主。比起大牌子,小店價錢、款式會比較多變化,可以慢慢行搵心水。(必去必去!)
每一次去呢度,我都會去KM PLAY。有兩層是賣男裝,走的風格有D似Aland,不過比Aland更加容易配搭,亦很容易可以carry到上身。我最中意的原因是著上身即刻有變成OPPA的感覺XDD (明洞都有分店,但款式較少。)
8 seconds
林蔭大道上另一間受歡迎的店就是8 seconds。它是Samsung族下的其中一個時裝品牌,價錢比另一個Samsung品牌Bean Pole便宜。走fast fashion路線,好似h&m、ZARA咁。我覺得簡單得黎又帶有少少韓風,價錢亦很合理。(明洞有分店,但人流較多)
明洞
景點資料女士們多數去明洞都是逛化妝品店,呢個時候就可以甩身去行下街啦。有人覺得明洞的女裝比較貴,不過男裝我都覺得還可接受,可能因為我主要都是去一些大店買,公價貨品,去邊一間分店都無分別。就好似MAYPOLE、WhoAU,是走美式style的連鎖時裝店,中意美式休閒風的朋友就可以多一個選擇啦!唔洗只限於A&F或者Hollister。
SPAO
另外十分推介SPAO,又是一間賣fast fashion的店舖,價錢比較便宜,是韓國的平價時裝之一。提起平價時裝,另外仲有LAP、MIXXO,不過以女裝為主。
SPAO整體風格有D似UNIQLO,主要以TEE、恤衫為主,不過我覺得設計比UNIQLO好,所以入手左唔少平TEE!(明洞之外,其他地區亦有分店,不過明洞最方便)
另外可以去TopTen10,亦是一間走簡約風而大受韓國人歡迎的品牌。(官方圖片)
東大門
最後就是人人都知的東大門,由於東大門太大,我建議主攻apm、Nuzzon就可以,裡面有幾層的買男裝。韓國朋友話東大門同南大門有機會可以殺價。
弘大、梨大
呢兩個地方比較少男裝,可能行好耐先有一間,但又未必啱心水,所以可以唔洗去。不過由於呢兩區比較多女裝,有不少韓妹出沒。
發表回應