-
目的地曼谷
-
行程日數1日
唔去過都唔知泰國原來有咁多野啱買!好野就緊係要開心share~ 我真心覺得大家要好好save低呢個「必買LIST」 !! 咁下次就唔洗好似我咁,出發前要左問右問先知買乜。
買返黎當然唔只咁少野啦,不過我覺得呢10樣野就男女老少都啱買啱用啱食,而且送禮自用一流!最重要:超平!一百蚊已經買到一大堆手信!(可以周圍派街坊XD)
第一日 曼谷
皇家牌系列(蜂蜜&牛奶片)
蜂蜜個包裝好似Lotion或者洗臉膏,但其實是沖水飲。兩樣都超級平,我買的時候分別一枝$10和一包$3。由於兩樣都算是當地搶手貨,未必周圍可以買到。
MAMA即食麵
次次去旅行都總會買返幾包公仔麵返香港,今次去泰國都唔例外。媽媽麵在泰國的人氣應該就等於出前一丁咁,而我最推介就是酸辣蝦味和綠咖哩味。除了麵,都可以買米粉試下,我都覺得都唔錯。唔洗$2一包!
Pocky + Pretz
泰國的Pocky和Pretz有好多不同口味,就好似人人都必掃的香蕉味 Pocky、冬陰公味Pretz,而我自己就好中意荔枝味 Pocky啦。口味多之餘,價錢算平,港幣$4就有一包。
蛇仔爽身粉
用完涼浸浸,夏天好啱用!有好多種香味,最中意薰衣草味。唔洗港幣$10一罐。(個罐完全唔似咁平!)
Oriental Princess
Oriental Princess主要賣的都是天然製品,我覺得是泰版body shop,產品種類同body shop都近似。無話特別推介邊一款,主要都是根據個人需要而買。如果真係無idea,咁就可以買防曬或者body loction,送禮自用都用得著。
雀巢泰式奶茶
唔想自己買茶葉沖咁麻煩,就可以買現成的雀巢,味道都唔錯。
通鼻棒/鼻涼棒
泰國周街都有得賣,有好多唔同牌子,我係隨便買一款。呢枝野細細枝,但好有用,頭暈鼻塞眼訓個陣可以「索一索」。
調味料
我認為買調味料送給長輩是一個不錯的選擇。如果自己煮都很方便,一倒就即刻可以食到泰國口味。我買過Knorr 和 ichef,覺得差不多,又係幾蚊就有一包。
Koh-Kae 花生豆
口味多,又有特色,十幾蚊一大罐,買返去一人派幾罐都絕對唔肉赤。
Kiss Me Doll
景點資料如果嫌之前介紹的太過平,呢度有一個貴啲的選擇,大約$200一條。Kiss Me Doll是一個絲巾品牌,絲巾的風格比較童話風,第一個感覺會太colorful,好難襯衫。不過一放上身就愛不惜手,質地舒服,原來都幾百搭。而且個包裝盒都超靚,好似一本書咁。買的時候你一定要花心思揀款,所以朋友收到一定feel到你份心意。
發表回應