-
目的地東京
-
行程日數1日
其實一直都聽聞過膠囊酒店,覺得幾搞笑,咁今次去日本就膽粗粗去左住一晚,體驗一下膠囊酒店的生活。入住完我就覺得一生人係可以去試玩一次!不過應該無下次!
第一日 東京
新宿站
由於第二日要由新宿出發,搭車去近郊地方,所以找膠囊酒店都找在新宿附近。我入住的呢一間從JR西武新宿站走大約5分鐘就走到,算是交通方便。
綠色廣場膠囊旅館
Check in與一般酒店很不同,我覺得比較多程序。第一,你要先除鞋&放入櫃。第二,拎鞋櫃鑰匙去櫃台換衣櫃鑰匙。第三,換上它提供的睡衣。(我心諗:一大班人都咁著,其實都幾似坐監。) 換完衫,終於可以入「房」啦。(其實明明只是得一張床,都稱不唔上係房) 酒店會比一個「感應器」你,出入或者在酒店內買野都可以靠它。到走個陣,先會一次過收返你用過的錢。
房間體驗
唔係講笑,第一眼覺得場面幾壯觀架,一排有好多間個膠囊。而膠囊空間比我想像中大,在裡面都可以坐到,不過仍然有一種壓迫感。小小的空間,算是五臟俱全,有電視、收音機、鐘和鏡子。但竟然是沒有插頭!!!好彩我有尿袋!如果唔係要走出去充電,好麻煩!(原來要upgrade才可有插頭及wifi) 另外膠囊無門,只可以落簾。
公共空間
如果呢個價錢,公共設施算是不錯的,有大浴湯、桑拿,另外提供多款洗濯用品,基本上可以什麼都不帶。地方都算乾淨企理,而廁所洗手盆都是一排有好多個,夠用,唔洗排隊。另外,我最中意就是有個免費飲水機。
(由於無影到相,圖片來自官方圖)
一蘭
如果知道check in要咁麻煩,一定會食完野、行完街先check in。現在就要重複4步曲先可以出門口。到日本第一樣要吃就是拉麵,吃了下一蘭,水準依然。
歌舞伎町
景點資料住得新宿,夜晚唔怕趕唔到車,去左附近歌舞伎町!呢一帶算是日本比較出名身的紅燈區,一路上都見到不少「無料案內所」,雖然這些都是「詢問處」,不過不是讓遊客詢問資料的地方,而是會介紹你一些「女女」的地方!其實路上都見到有不少男男女女會「拉客」,不過唔會打遊客主意,所以無人埋我身。
住後感
雖然在膠囊時大家的動作音量已經收細,但成個膠囊最差的依然是隔音,訓個陣可以很清楚聽到附近的聲音,一個人嘅鼻鼾聲就話算姐,但試諗下如果十個人都有鼻鼾,仲可以點訓?
雖然整體黎講都算係一次幾特別的經驗,但真的太唔方便啦,不太適合遊客去。對於個啲飲完酒又趕唔到車返屋企的日本人黎講,訓完一教就走,膠囊係唔錯。但對於遊客,又有行李,又有機會要行出行入,真係唔多方便。另外,我覺得價錢亦唔算特別平,有啲酒店仲平。所以呢,住一晚試下就夠啦,住多幾晚真係唔掂!
發表回應