-
目的地首爾
-
行程日數2日
G-Dragon之前送左間渡假屋給父母打理,聽講GD間唔中都會入住!!作為fans,今次就拉大隊一齊去撞下GD!其實明知見唔到GD架啦,不過都想去住下Dolce Vita。XDDD 我覺得就算唔係fans,呢個地方非常值得一去!原因請睇文!
第一日 首爾
出發到Dolce Vita
一早由首爾去發,大約2個鐘車程就到。我去的方法是坐地鐵到江邊站,然後再轉車到一洞(ildong)站,再在Lotteria等Dolce Vita的人來接送。(聽講如果好彩會是GD爸爸接,竟然咁快就見家長!!) 發下夢好啦!當日接我的是一個女仔。
Dolce Vita
景點資料我覺得與其他渡假屋相比,Dolce Vita外觀都算幾型,而且附近環境舒服,有山有水!一共有11間房,其中一間是4人房,每間房的設計都不一樣,但望出去都有開揚的景觀。
Butterfly Room
入住的是Butterfly房,屬最平的一款房,大約千幾蚊一晚,我覺得價錢算合理,沒有因為GD而特別貴。入住時已經打算晚上在露台BBQ!如果怕煩唔BBQ,都可以自己煮食,大部分房間都有一個小型廚房。
清溪湖
Check in完就去附近行下,可以玩遊艇、獨木舟和水上摩托車。行左陣,就去超市買食物準備晚上BBQ!
BBQ
晚上在露台BBQ,第一次在外地露天BBQ!好好feel!由於地方比較遠,之後都不宜出夜街,所以BBQ完都是留在房間用下按摩浴缸!我以為是普通浴缸,點之會一直變色!超級靚!
第二日 首爾
Butterfly Room
今日一起床,打開窗,真的感受到空氣很清新,感覺自已很接近大自然。真的有一種好「歎」的感覺!!如果有機會,下次會想要住多幾日,扮下隱世! (btw,掛住歎唔記得影相)
The Cafe
早餐去Dolce Vita內的the cafe吃,自助形式,只有簡單款,要自己煎蛋。之後再周圍參觀一下,話說是次入住就是為了去參觀GD住的Crayon房!離開之前,去埋探下GD隻狗。
抱川藝術村
check out後我們就到抱川市其他地方玩,去了抱川藝術村,入場費大約HK$15,超抵。裡面環境不錯,特別是湖水非常碧綠。當然藝術村的主角,雕刻作品及裝置藝術也很值得欣賞。另外,可坐單軌電車作園內交通,大約HK$35。
發表回應