-
目的地廣州
-
行程日數1日
經常被人問我到底你件衫係邊度買?係咪made in korea架?好靚呀!(其實每一次自己都暗爽緊=p)
好啦,做人就唔可以太自私,所以我就決定公開呢一個秘密地點!!其實我無咁富貴可以成日去韓國,只不過係走左返廣州一轉姐!就係去左廣州的「東大門」!!
廣州一直是批貨客的天堂,有大大小小的批發市場,今次等我帶大家去其中幾個批發服裝市場,一齊買平野之餘仲可以著靚靚!
第一日 廣州
香港->廣州
多數我都是一大早就出門,搭火車到深圳,再轉火車到廣州。車程唔洗個半鐘,而深圳至廣州車費大約rmb 75-95。有一次試過趕回香港,直接搭廣州到香港,車費大約$190。
廣州匯美服裝城
一出火車就可以去到「匯美服裝城」,交通十分方便。就算買完東西都無需拿著大包小包走太多路。我自己多數都係行呢一間,主力攻 F-2樓,賣的款式都很新。由於一層已經接近有200間店,所以絕對可以行一日。雖然賣的正韓貨不是太多,但款式、質量都可以媲美韓貨。價格不算特別特別平,但一定比香港買的低。(強力推呢一間!!)
廣州白馬服裝市場
在匯美隔離,白馬算是一個比較有名氣的批發市場,走「中高檔」路線,款式算是比較大路的簡單款。我就認為呢一邊亦有不少「娘」款。
站西服裝批發市場
這一邊買的是年輕人款,多數日雜上的款式都可以在這裡找到。衣服質量算是中等,價格就比白馬便宜,走中低檔,而且容易殺價。當中亦有不少買飾物、帽等店舖。
十三行服裝批發市場
多數人認為這邊是賣「低檔貨」為主,因為價格真的是創新低,分分鐘人仔$10就可以買到一件衫。當然一分錢一分貨,不要對質量抱太大期望。我認為有興趣的話也是可以去朝聖一下,或者你可能尋到寶。如果不介意質量,應該都可以入到貨嘅。
最強的攻略(不可錯過)
1. 如果可以盡早去到,因為下午開始會比較多人
2. 其實大部分都設有零售,但最好都係扮入貨
3. 帶行李箱,咁就唔洗拎得太辛苦
4. 買多幾件(始終車費都唔少,買多幾件先夠抵)
5. 大部分都未必可以試身,真的擔心可以買完馬上去洗手間試。
6. 大部分關門時間約晚上6點(當然每一間都會有少少不同)
7. 人多的地方,請好好保管自己財物
發表回應