-
目的地大阪
-
行程日數1日
每次去大阪都一定會去心齋橋行街!但係好多時都唔夠時間行晒,所以一定要取捨 :(
對我黎講,就算唔行其他店,我都一定一定會去呢9間!!大家都可以參考下~~
另外,本身最溫馨的提示就是心齋橋好多店舖9點就關門,記得記得要去就趁早!
第一日 大阪
GU
心水第一位一定是GU!!真係好可惜香港無~GU是UNIQLO的副牌,走的風格和UNIQLO相似,不過價格比UNIQLO更低,款式亦較多。根據本人多次經驗,入左去,無論男定女都一定會買到野!
PABLO
就算時間緊迫,我都願意花時間排Pablo 買cheese cake,因為真的很好味!這款cheese cake有點似大版的cheese tart,皮脆但內裡超軟!如果即刻返香港,都可以買作手信。
Athens
Athens是一間6層高的書店。可能你會好奇未必識日文,做乜要去書店?咁買雜誌睇圖邊洗一定要識睇日文架先~~ 每次必入手: 各本送禮物的日雜!
3 COINS+plus
呢一間是一間賣雜貨的300yen店,真的是平靚正!唔好以為300yen的貨品會很簡單、手工差,相反大部分的精美,絕對唔似咁平!
宇治園
無論你是不是抹茶迷,去日本都應該要試試抹茶製品。無去到京都,就可以在宇治園滿足這個心願。特別是在行到累,最好就是食返枝抹茶雪糕!雪糕抹茶味濃而滑!
ABC Mart
我覺得ABC Mart 是日版的Catalog,是一間集合各個品牌,又會間中出特別版的鞋店。最中意去ABC Mart因為可以一次見到不同品牌的鞋款,咁就不用逐間逐間鞋店入。
好多時ABC Mart 的限定款都好靚!!次次都因為咁而忍唔住手!
藥妝店
去日本就一定會買藥妝,心齋橋上都有好幾間藥妝店。不過我就覺得無話邊一間特別平,但係每間都總會有某幾樣物品特別平,如果有時間,可以多價格先買。如果無就可以去Matsumoto Kiyoshi ,因為比較大,相對比較齊款。
WEGO
如果對日系/原宿系打扮有興趣者,WEGO一定好啱你。賣的衣著偏日系,有少少似collect point啦。最重要的是多數著WEGO的衫,都會被人問係咪係日本買~~ 咁你就明點解我要去啦!另外心齋橋上亦有collect point的lowrys farm。
Disney Store
香港沒有一間正式的Disney Store,想買Disney 公仔都要去Disneyland先有~~ 日本賣得比香港平,而且日本的Disney Store賣的產品都特別kawaii!無論送禮、自用都可以tum到人好開心,所以每次都會去Disney走一轉~~
發表回應