-
目的地台中
-
行程日數1日
今個暑假又飛左去台灣一轉，由於平機票的關係，無錯，又係飛台中！之不過今次唔想上清境、又唔想只留係台中市，於是搵下台中附近有冇好野玩！結果比我發現到呢個....可以著泳衣入的3D展！
第一日 台中
第一站
台中至后里
住在台中火車站附近，一早可以搭火車去后里火車站，車程約20分鐘。
第二站
后里到麗寶樂園
搭「特約計程車」去麗寶樂園，車資約NT 200。台中、后里亦有巴士可到，不過計落人多可以share返 的士錢，都化算。當然你亦都可以在台中直接搭的士去，不過車資要NT 700以上。
第三站
馬拉灣
如果講起水上樂園，相信大家都一定會諗起長隆。不過今次我就發現到原來在台中附近的「后里」有一個麗寶樂園，裡面有個叫「馬拉灣」的水上樂園。其實個模式有些少似長隆歡樂世界&水上樂園，一個係玩機動遊戲、一個係玩水。與長隆相比，呢度的確比較細，不過都夠玩一個下午。
第四站
麗寶樂園暑期限定：3D藝術展
今次的意外收穫係原來今個暑假麗寶樂園有一個3D藝術展！又多一樣野睇下啦！展館分3個主題：搞怪、海洋、大冒險。而最搞笑的是可以著泳衣入去睇呢個3D展，因為3D展位於水上樂園隔離，相係都係鼓勵大家玩完水可以直接入去睇埋展覽。整體黎講我都好中意呢個3D展！呢一日真係大滿足！(PS1：展期去到10月) (PS2：最後個張相係官方圖，唔係我^^" )
發表回應