-
目的地墾丁
-
行程日數3日
這一次到墾丁除了享受陽光與海灘,有一個重大任務就是要 挑戰自己的極限!從來無諗過自己真係會咁癲架,在墾丁三日,每日都玩唔停!日日都有新野試!雖然真係「chur」爆,不過青春...就係要咁架啦!對不對!
第一日 墾丁
高雄到墾丁
同大部份人一樣都是飛到高雄,然後包車/共乘入墾丁!由高雄到墾丁,「共乘價」大約台幣300-350一位。(共乘即是會同人share一架車!)
墾丁21.5主題民宿
朋友上年去完之後極力推介,叫我去墾丁一定一定要住呢一間。一到步,我都覺得無介紹錯,民宿外型吸引,裡面亦乾淨企理!其實墾丁民宿間間都有返咁上下水準,是但去一間都應該靚啦!
鵝鑾鼻燈塔
景點資料Settle完已經是3點幾,之後去了人人必到的鵝鑾鼻公園睇「燈塔」。原來公園要收費入場,不過都只是台幣40。鵝鑾鼻公園地方很大,攤在草地上看天空的感覺超Relax!建議大家去一定要試下訓草地 =D
台灣最南點
景點資料之後順路去埋「台灣最南點」,其實只是得一個「石碑」,不過「石碑」後的海景先係重點所在!呢個Point可以飽覽270度無敵大海景!而呢個Point另一個特別之處就是一邊屬太平洋,一邊屬巴士海峽。
高空彈跳
在墾丁大街見到這個「微型」高空彈跳,台幣200玩5分鐘。個5分鐘其實都是在網上彈下陣下,好似有些無聊,不過玩落就知幾過癮!會有教練在身邊「照」住你,協助你轉圈,原來靠自己是好難可以轉到圈!短短5分鐘,我就可以實現做體操選手的夢想!黎返個「半空翻騰三周半」!!
第二日 墾丁
後壁湖浮潛
第一日都仲可以悠悠閒閒睇下景,第二日就「黎料」啦!一早去後壁湖浮潛!墾丁有幾個可以浮潛的地方,不過後壁湖是珊瑚地形,海底較多樣性,簡單黎講即係靚啲!!多數一個價錢包埋裝備、保險同教練。裝備方面有各種size的救生衣、防滑礁鞋,所以唔洗擔心唔啱著。亦有度數潛水鏡供選擇。落水之前,教練會先教我們呼吸,之後就正式潛入水底世界!教練除左會教你,最正是可以幫手影相!!
輝哥生魚片
上水之後去醫肚,就去試出名抵食的輝哥生魚片!點抵法?咪就係台幣100有20片!雖然聽過不少有關輝哥的負評,不過幾十蚊可以食到飽肚,我覺得ok呀!
水上活動(香蕉船+快艇+水上摩托車)
多數玩完浮潛,仲可以玩埋其他水上活動。因為一買就一個package咁買,價錢介乎台幣300-700,視乎你的配搭,即係你玩香蕉船定水上摩托車定玩晒。我是四合一,價位大約500。以為每樣都是玩一陣,不會太累,結果真是大錯特錯!玩晒咁多樣,全身散晒!
第三日 墾丁
叢林沙灘車
昨日玩完水上活動,今日在離開墾丁之前玩多個陸上活動。本身想玩賽車,不過找找下發現沙灘車好似更吸引!沙灘車有少少似放大版的四個輪玩具車,實戰之前會有時間讓你練習,之後開車入一個類似樹林的地方。由於地面會突起或者凹陷,一路會好緊張,都幾刺激!一路上都會有教練帶路, 幾有安全感。我覺得唔玩水的朋友,可以試下其他陸上活動,費用是半個鐘約台幣600元。
發表回應