-
目的地新加坡
-
行程日數1日
最近有假,就去咗個短trip,又走去新加坡行下。今次想玩新地方,有朋友推薦去烏敏島(Palau Ubin)。我地一行二人,一上岸就租咗駕單車,來個優閒嘅單車慢遊,感受一下小島嘅熱帶風情。下次去新加坡,不妨拎1日去烏敏島,睇睇新加坡簡樸嘅一面~ :D
第一日 新加坡
樟宜角渡輪碼頭
島上各處設有9個不同大小的碼頭,其中只有南部的碼頭設有定期航班,來往新加坡島的「樟宜角渡輪碼頭」(Changi Point Ferry Terminal),航程約10分鐘,渡船費用為單程新幣2.5元。
要留意嘅係,船無固定時間開駛,只要船一滿12人就會開。如果趕時間嘅話想包船,一個人要收SG30!貴!
服務時間:早上6:00至晚上11:00。
海味活海鮮
烏敏島上由Ubin Lagoon Resort管理大部分遊客嘅生意,全島只有一個海鮮食堂,我地一落船就開始肚餓,所以就走入去食海鮮。這間餐廳比新加坡市中心食一定較平,但係其實都唔係平好多,大家可以考慮下其他食野嘅選擇。
烏敏島單車店
遊烏敏島最好嘅方法就係租1日單車,好似我地係香港各個離島玩咁,慢慢睇下呢個島嘅風土人情。一般單車SG2至5,可以換波嘅單車就大約SG8至10。
Chek Jawa
Chek Jawa係島上一個自然保育區,可以步行或用單車遊覽。遊客可以看到熱帶濕地嘅風貌,最特別嘅係可以睇下見唔見到島上受保護嘅雀鳥:Collared Kingfisher同Straw-headed Bulbul。遊客可以去附近嘅遊客中心拎相關嘅資料。
佢有個21米高嘅瞭望台,可以睇到整個濕地嘅景觀,但好熱我地無行上去~ :P
烏敏島海濱步道
睇完個濕地,我地繼續沿著海邊去到佢碼頭附近嘅海濱地區,可以係樹蔭下休息下,周圍影下想,同係草地上hea哂下太陽,咁就係一個好優閒嘅下午時光。
發表回應