-
目的地大阪
-
行程日數1日
話說上次帶同表妹去旅行,先發現原來Plan行程會咁難!!太趕小朋友又很易累,只是shopping小朋友又唔中意。千辛萬苦,終於比我諗到去天王寺區。如果你都覺得一家大細去旅行,會好難plan行程,一定要留意啦!上次自己一家大大細細都好滿意!=D (中意動物的朋友都可以留意架!)
第一日 大阪
天王寺
如果「動物園前」下車,會先去動物園。如果「天王寺」下車,就會先去公園。
有些像去維園,你可以在「銅鑼灣」或者「天后」下車。
天王寺公園
我們在天王寺下車,打算先行公園。日本的公園真是好大、好靚同埋好「日本」!地方大到表妹可以周圍跑,玩到濕晒!真是不覺得公園原來有超過50年歷史,有對我黎說,環境幾舒服,好乾淨!見到都有不少本地人來公園。公園亦可以望到通天閣。相信三、四月去,可以賞埋櫻。
大阪市立美術館
景點資料
玩到熱熱地,是時候轉場去入室內。美術館位於天王寺公園之內,建築帶有古典味,原來因為以前是財閥的豪宅,早於1936年建成。收藏品達7700件,大約可以行個幾鐘。玩之餘,帶表妹睇展品,幫手培養下她的藝術感。館內不得攝影,不過記得在館外影,都幾靚呀!
天王寺動物園
景點資料
下一站就到表妹最期待的動物園!她一向好中意熊仔,知道今次帶她看北極熊,不知幾開心!動物園佔地約11公頃,約有超過300種動物,如非洲熱帶草原區、河馬館、爬行動物館等等!我覺得最特別是有一個夜行動物館。唔止佢,我自己都睇到好開心!
開園時間
公園:開園時間09:30-17:00(最遲16:30入園)
美術館:開園時間09:30-17:00
動物園:開園時間09:30-17:00(最遲16:00入園)
(假日開至18:00)
全部都是星期一休館
發表回應