-
目的地高雄
-
行程日數2日
相信唔少人都會好似我咁,去墾丁之前打算係高雄玩兩日,又或者因為買到open jaw機票,可以高雄入台北走,所以都會係高雄遊一遊!短短兩日,應該去邊度?希望以下兩日遊可以幫到大家啦!
第一日 高雄
高雄暢遊卡
由於高雄有自己一套的捷運系統,與台北不一樣,並不適用悠遊卡(台版八達通)。所以需要購買一張新的八達通,即一卡通(ipass)。呢一款類似八達通,可增值。不過我只留在高雄短短兩日,所以我選擇買「二日暢遊卡」。呢一款台幣$300,可以兩日無限次使用。除左捷運,都可以乘搭市內公車及渡輪!
(不過官網好似只有無限次乘搭捷運版的pass,無左呢一款)
鹽埕埔站
捷運鹽埕埔站或西子灣站都可以到達,我在鹽埕埔站下車,1號出口步行約5分鐘就到啦。
駁二藝術特區
景點資料由於地方好大,要走遍整個藝術特區可以花上一個下午的時間。原本是港口倉庫,所以展區內會見到一個個大貨倉,而每個貨倉都有不同的展覽或展品。駁二亦會不定時有特別的活動,我當日就遇到一個假日手作市集,同埋live music show。
本東倉庫
由於本東倉庫禁止攝影,所以無影相,不過呢個地方有好多野可以買,拎黎做手信一流。如果行到肚餓,呢度都有唔少小食。食物之外,無論台灣本土品牌的拖鞋定日本進口的文具雜貨,呢度都有。而最令我花時間的係,揀postcard!成個牆都係postcard,而每一張都好靚,重要唔係普遍行街可以見到風景個隻!!
全台大的觀光夜市
一出凱旋站,就到金鑽夜市和凱旋夜市。由於兩個夜市實在太大啦,根本試唔晒,所以推介唔到有乜好食!
第二日 高雄
旗津
用pass可以免費乘搭渡輪,旗津有少少似香港的長洲,不過去旗津只需要5-10分鐘的船程,但去長洲就耐好多啦。而旗津島上有不同的景點,有博物館、有古廟、有食街、有風車公園。由於我近黃昏先去到,所以只係食街上搵食。
旗津海產街
景點資料一落船,就會見到成條街都可以食海鮮,由於自己不太好海鮮,只係隨便點左刺身試下,點之就出事啦,味道真係好麻麻,不太新鮮。可能我去個一間係細店,質素無乜保證姐,我見有幾間都好多人排隊,應該會好d嘅。
發表回應