-
目的地清邁
-
行程日數3日
計劃今次行程之前本來只係打算hea 下食下做下泰式按摩,點知真係去到清邁先發現當地原來咁多野睇、咁多野買!3 日完全唔夠玩,下次再去的話真係要做足功課呢!
第一日 清邁
Chiang Mai Night Bazaar
景點資料今次坐港龍機直飛清邁,去到既時候已經係夜晚了。快快趣截好的士去酒店放底行李後就直奔Night Bazzar!Night Bazzar 係清邁最熱鬧既夜市,逢星期日都會有,除左有大量泰式小食之外,基本上咩都有得賣! 衫褲鞋襪、工藝品、手信、日用品等等都齊備!價錢超抵又有得講價,氣氛一流!
泰式按摩!
係 Night Bazzar 沿路都會見到唔少露天既「按摩店」,其實就即係一排凳好多師傅咁,價格超平,手法正宗,雖然客人清一色外國客為主,但感覺超地道!
第二日 清邁
清萊白廟
景點資料其實本來係無將白廟排係4日既行程裡面的,不過我地係機場搭的士去酒店時司機不斷比相我地睇,提議我地第二日包車去,仲話可以平比我地,所以最後就約好左第二日一早黎酒店接我地去白廟,雖然車程要大約 2個半鐘,但係真正見到白廟時真係覺得咩都抵番晒!大殿內部是禁止拍照的,不過剩係影出面都夠有排影了!
黑廟
睇完白廟後其實我地已經無咩其他地方特別想去,司機就提議我地可以去黑廟。黑廟雖然叫廟,但其實內裡一座佛像都無,主要係擺放同死亡有關既藝術品。雖然外觀無白廟叫人眼前一亮既雕塑,但呈現既係另一種感覺,同樣值得參觀!
清邁大學
本來司機仲提議帶我地去金三角,不過睇左相我地無咩興趣,所以決定番清邁去大學區附近行下~ 清邁大學入面有山有水,散步行下都幾舒服架~
Nimmanhaemin Road
景點資料未去過都唔知清邁原來有咁多設計感十足既小店!大學步行街感覺有 d 似台灣既師大夜市,近年來有不少新銳設計家進駐,開設許多具有特色風格的小店同畫廊,特別係手作飾品店店同民族衫店最多最吸引,一唔小心好易荷包大出血!
Mango Tango
行到攰,食個甜品做宵夜啦!Mango Tango 主要賣芒果甜品,推介一定要試芒果糯米飯!
第三日 清邁
The Salad Concept
朝早想食個清新既早餐,一定要食The Salad Concept,餐廳專賣各式各樣的輕食沙律,勁多配料揀,健康又好味!
古城區一日遊
對於清邁這種三步一小寺五步一大寺的小城,我地決定放棄睇地圖,遇到一個寺廟就去看一個寺廟!
Wawee Coffee
臨走前來杯咖啡吧!Wawee Coffee 又被稱為泰國版 Starbucks,價錢唔算平,不過水準都唔錯!
發表回應