-
目的地香港
-
行程日數1日
話說有日就同朋友約左去嘉道理,諗住接觸下大自然,點知一到埗咋,個天就開始落雨,仲有好大片白霧,完全唔係天朗氣清既郊遊好日子。雖然話正值雨季,都有心理準備架啦,但真係咁唔好彩,都令人有d失望。
點知,行左無耐就開始覺得,白霧之下既嘉道理,竟然別有一番詩意,某幾個角度、地方,仲有d似日本!雖然櫻花開花之期就過左,但嘉道理都仲有好多好靚既植物睇!其實,落雨又有咩好怕喎,景靚搭救!
第一日 香港
翟克誠野生動物護理中心
去嘉道理最開心既,除左係被大自然包圍之外,就係可以見到好多平時見唔到既動物!而嘉道理農場就養左赤麂同果蝠,雖然蝙蝠居住既環境黑麻麻,但都總算係尋找到佢既身影既,而見到赤麂就真係好開心,雖然我知日本好多,仲任你摸,但係香港見到就覺得份外高興。
野豬之家
野豬係電視新聞就見得多啦,親眼見都係第一次,雖然都仲有境玻璃隔住,但佢時常都係我眼前經過,住係嘉道理既野豬身形非常龐大,皮膚上都係又硬又粗既毛,仲有兩隻長長既獠牙添!
本土哺乳動物館
雖然名為「本土哺乳動物館」,但其實裡面唔係有好多本土既動物,而我認為最值得睇既就係豹貓。豹貓既外型同體型都同一隻普通貓咪無異,都最特別既,就係佢既毛色同圖案,佢斑紋真係十足十隻豹咁,仲懶洋洋咁係燈光既溫暖下訓晏覺。咁靚又咁嘆,唔怪之得叫豹貓啦!
兩棲及爬行動物屋
起初見係「爬行動物屋」,係推門入去個下有d緊張,竟然嚇親自己,其實d「四腳爬爬」被人放在係玻璃箱入面,又使咩驚啊。被人困係箱入面係慘既,但都係佩服下工作人員既細心,爬爬住既箱入面都被佈置到同野外無異,利害。
葛先生紀念花園
話明係花園,就梗係環境優美啦,雖然天氣唔好,但入面有好多植物,顏色鮮艷,真係可以稱得上係萬綠叢中點點紅!其中有種花既外形好得意,紅噹噹,好似炮獎咁,點知返到屋企一查,原來真係叫爆竹花!
野生動物園
一見到姿態優美既flamingo,就令我不其然地諗起紅心皇后用佢地黎做哥爾夫球桿。原來紅鶴又叫火烈鳥,呢個名真係好岩佢地啊!
溫室
溫室多植物之餘,仲好多都好靚好特別,有d仲係平日好少見既添!
發表回應