-
目的地墾丁 | 高雄
-
行程日數4日
由於時間比較緊迫 好遲先 confirm 呢次既旅程
所以基本上係完全無準備的情況下出發 ...
雖然中途都出左小麻煩
不過好彩最後想去既景點都超額完成 :)
有時即興而行既旅程更加令人難忘呢!
第一日 墾丁,高雄
香港 > 高雄
因為由高雄機場去墾丁要坐成差唔多 2 個鐘頭車~ 所以揀航班時最好越早機越好啦!!
高雄 > 墾丁
其實高雄有好多交通公具都去到懇丁 不過最簡單 (即係最貴) 既方法就係包車啦! 最好係網上預訂民宿時叫佢幫手安排埋接送 一出閘就會有人舉牌接你機架啦 XD 價錢約台幣 350 / 人~
阿飛衝浪民宿
景點資料出發前上網睇左好多民宿資料 不過可能我地比較遲 plan 好多都一早 full booking .. 最後揀左住阿飛衝浪民宿 ~ 佢有分 1 至 4 館~ 要先在 1 館check in 然後會有民宿員工揸電單車載你去分館! 連行李都唔使自己搬 超方便!
酒店附近搵野食~
去到民宿梳洗安頓好之後 就當然要出發去醫肚啦! 不過因為阿飛衝浪民宿並唔近墾丁大街 所以週圍餐廳唔算多 隨便入左一間小店 原來專係食地道肉燥麵的
南灣
景點資料民宿就係正南灣沙灘對面 可以玩各式各樣既水上活動 比起香港的沙灘真係乾淨又水清沙幼呢!! 不過要注意呢度都真係幾大浪 鐘意衝浪既朋友就最啱 不過如果游水唔太叻的朋友就要比較小心啦~
墾丁大街
景點資料去完沙灘玩就出發去懇丁大街醫肚啦 因為南灣同大街都比較遠 所以我地係截的士去既~ 大街夜晚好熱鬧 感覺同一般台灣夜市差唔多 另外仲有好多餐廳同酒吧 不過我地就揀左跟旅遊書推介黎掃街啦 街頭的脆皮湯包同石板烤豬肉聽講仲係墾丁獨家 必食!
阿飛衝浪民宿
景點資料食飽飽又截唔到的士 我地決定慢慢散步番民宿 點知一行就行左差唔多成個鐘! 雖然只係一條大直路 應該唔會蕩失路 不過夜晚都幾黑 仲有流浪狗.. 所以建議如果想方便的話下次都係住番大街果邊比較好!
第二日 墾丁,高雄
墾丁大街租電動車
因為第一日無車實在太唔方便 而我地事前又完全無計劃過交通問題 .. 所以第二日一早我地問下民宿的小幫手有無其他辦法 佢提議我地可以租電動車 24小時價錢大約 900 台幣 ~ 租電動車係唔需要車牌的 不過最好識踩單車 就會容易 d 上手啦 ~ 而且用一日的話中途最好番民宿叉叉電 就唔使拍去到中途時無電要打電話求救啦! 而且最好租好車之後係附近練習一下先出發 始終安全最重要呢!
鵝鑾鼻燈塔
程好車之後就向鵝鑾鼻燈塔出發啦~ 白色燈塔配藍天白雲影相真係一流呢! 公園仲有一大片草地 風景超靚呀!
電動車要先叉電
第三日 墾丁,高雄
墾丁 > 高雄
同樣係由民宿幫手安排的車 不過今次咁啱有其他人同時間走 所以可以共乘 會比較平 台幣300 / 人~
夢時代
景點資料夢時代係高雄最大既購物商場之一 係捷運凱旋站有免費接駁車 夠新又好多野買 特別係地下 B1 有好多特式手信 不過我地此行既最大目的其實係頂樓的 Hello Kitty 摩天輪 最好是工作人員並唔會要求同陌生人一齊坐滿一架摩天輪 情侶去就可以享受 2 人世界 ^^
第四日 墾丁,高雄
高雄 > 香港
晚機番香港~ 好期侍下一次既旅程呢!!
發表回應