|
動物控最鍾意去日本,因為有齊各類嘅動物園、公園等,最出名嘅有貓島、兔島、奈良鹿公園,動物控仲可以去邊好?即刻睇睇以下呢 5 個地方,有十級賣萌嘅動物等緊你~
那須羊駝牧場裏面有幾十隻羊駝向你招手,除咗有卡通片常見嘅白色、啡色之外,仲有深啡色、黑色㗎!草泥馬非常 nice,仲會同你一齊望鏡頭㖭!不過要注意一點,草泥馬唔鍾意被摸頭㗎!
叫得做仙人掌公園,但原來最受遊客歡迎嘅並非仙人掌,而係冬日限定嘅水豚!?每當冬季,公園都會特別開放水豚君與遊客見面,水豚君浸喺溫泉裏面嘅梳乎樣子,仲有點馬明嘅天然呆,每次都引來遊客瘋狂舉機影相!