|
對於購物狂,買嘢梗係要買到臨上機一刻先停手啦!除咗薯條三兄弟、白 X 戀人、香蕉蛋糕等人氣手信外,其實喺成田機場仲有好多甚有特色嘅日本土產㗎,有啲仲係成田機場獨有㖭,即睇!
店子皇牌 No.1 產品,就係 Shiseido 出產嘅朱古力脆條ラ・ガナシュ ファム。入面有朱古力、脆可可等,味道香滑又有脆卜卜嘅口感,味道加上個 brand,難怪會咁暢銷啦!
店子專賣好多旅行用品,包括護照套、大小袋子、頸枕、標籤、印章、貼紙、拖鞋等等,配以野外、山系嘅風格,好型!最多客人買嘅就係皮革旅行 journal,畀客人可以記錄旅行中的二三事,好啱文青控。
1899 年創業至今嘅日本金箔護膚品牌,成分天然、無添加,店內售賣 hand cream、吸油紙、護髮素、香皂等用品,當中 hand cream 盒上寫住「絕妙配方」,能令手部長時間保水滋潤,CP 值極高!
由時裝潮牌 BEAMS 以及 Yoshida & Co., Ltd 共同創立,佢哋推出新 line 「Global Standard」,路綫偏向設計簡單、品質高嘅物品。
位處機場嘅 Untied Arrows 以旅行做概念,藍白色為主色調。除咗有衫褲鞋襪,另外仲有航空貼紙、筆記本等等!不過最搶手嘅反而係呢隻 UA 小猴吊飾,睇落好 sharp 醒,做手信一流。