建興阿婆豆腐花 - 香港旅遊 | U Travel 旅遊資訊網站

建興阿婆豆腐花

地址

南丫島榕樹灣後街

消費提示

消費： $40 以下

前往方法

路線 - 船
起點: 中環碼頭
於中環碼頭乘坐往南丫島的渡輪至榕樹灣，再步行至榕樹灣後街。

景點標籤

亞洲香港美食甜品

詳細介紹

位於南丫島榕樹灣後街的建興阿婆豆腐花，是許多人遊島必到的景點之一。店舖其實只是棚架搭出來的小攤檔，老闆是一對公公婆婆，假日店舖擠滿了慕名而至的遊人，經常會有長長的人龍排隊買豆腐花。

店內山水豆腐花， 7 元一碗，凍熱皆有。豆腐花很滑但味道較淡，但在夏天坐下嚐一口冰凍的豆腐花，確實十分涼快。檔口座位不多，經常擠滿輪候人龍，是南丫島的歇腳熱點。

婆婆小心的將豆腐花裝進碗中，令碗中盛滿了心思。（相片來源：Clara Lee）<br />

評語留言/評論守則

顯示更多留言

wentravel2011
01/10/2011 08:30

確實夠滑又好味,價錢又經濟,行到身水身汗整番碗,確實回味!希望食完又白又滑喇,哈哈

pangyinyuk924
02/04/2011 10:01

阿婆豆腐花用山水造,的確好味!!!超讚!!

tonglai
30/11/2010 16:36

阿婆豆腐花係去南丫島必到的地方，食一碗即刻順氣，又白又滑既豆腐花真係想encore...通常我會一碗豆花一杯豆漿咁叫，夠哂豆香味!

Katim
24/11/2010 12:51

秋風起，行南丫島食番個豆腐花就真係幾爽，我覺得建興既質素不過不失，豆腐唔多滑，香港市區某間豆品專家會好食過佢，不過勝在佔左地利！

petsociety
23/11/2010 19:13

This lady is very famous for her delicious 'tofu fa'! It is a must for me to eat her 'tofu fa' evertime I visit Lama Island!

andyay
14/11/2010 22:52

南丫島的建興阿婆豆腐花一直都好出名，上年同女友食過，都覺得唔錯。不過個環境就麻麻

firehorse
13/11/2010 11:18

人吃我吃的心態，到這間是十分出名的豆腐花店，阿婆用她的強而有力的手臂在下糖漿，忙個不停。

豆腐花十分滑，我未吃過如此滑的豆腐花呢，又夠凍，應是不錯。有點可惜的是太甜了，那帶點薑味的杰杰的糖漿甜度很高，令我一點黃糖也下不到呢。

這兒的環境十分差，吃完就快快離開。

gracehappy4ever
08/11/2010 09:41

係南丫島行山行到「興烚烚」，所以途中食到冰冰涼涼的阿婆豆腐花就簡直正爆！所以我每次到南丫島就一定會食一食同埋佢地的豆腐花好白同好滑，加埋黃糖同糖水一絕！不過地方就有d污糟，要將就吓><

kenfbw22
12/10/2010 15:24

南丫島山水豆腐花一直遠近馳名，因為天時消熱一定會諗起佢，又清涼又夠滑。真係幾好食。其實唔算好多人排隊，環境雖然唔係太好但由於豆腐花真係好好食，所以每次去南丫島都一定要試下。

Rita
28/09/2010 10:16

建興阿婆豆腐花一向聞名，令不少人慕名而來－－的確，當行山行至汗流浹背時，坐下吃凍凍的豆腐花就已是人間滋味。不過其實這間店有沒有確實地址？因為上次去時我就是因為不知它的真確位置，一度以為自己錯過了這間豆腐花店，又以為山下的另一間就是「建興阿婆豆腐花」。不過其實大家也不用擔心太多，因為如果你在假日去時，只要見到山上有間店是大排長龍的話，就應該是這間了。