歐洲 Hostel 出名高質素,Generator 都算是近年發展得相當快的 Hostel 品牌,喺柏林、巴黎、威尼斯、斯德哥爾摩等都有分店,點會冇倫敦份?
遊倫敦,交通方便好重要,由 Generator London 行去有 6 條地鐵綫匯集的 King's Cross 站都只約 10 分鐘,行去大英圖書館和倫敦大學約 10 分鐘腳程,步行 15 分鐘即可到達羅素廣場和大英博物館,location 真係好高分。
設施方面,免費 Wi-Fi 當然有,餐廳營業時間朝 7 晚 11,估你唔到的還有酒吧同遊戲室,後者每逢周二及六晚上 8 時 ,還會變身電影院,夜晚留在 Hostel 都唔怕冇節目,仲有大把機會識到新朋友。
