當你坐凌晨機去首爾仁川,攞哂行李又未夠鐘 check in 酒店,唔通真喺機場等天光咩!不如搭程車或機鐵出首爾站,去汗蒸幕休息,沖涼浸浴按摩擦背,refresh 完明日一早出發血拼!
首爾站附近嘅 Siloam 汗蒸幕有好多捧場客,樓高 5 層,場內設有汗蒸幕、浴場,花款多到可各佔一層,單係汗蒸幕就有鹽、黃土、土窟等 10 種,客人嚟到可以有多種體驗。(圖︰solaq77 @IG)
沐浴區亦有搓澡服務,同樣係額外收費,約 10,000 韓圜起,呢度仲提供唔同嘅套餐,包括推油、磨沙、牛奶浴等。有阿珠媽幫你起勁去哂啲死皮,之後浸個牛奶浴,配合埋指壓按摩,諗吓都覺得梳乎!(圖︰bxzer @IG)
洗去一身疲勞後,可上 5 樓嘅睡眠室休息,除咗有暖地板大廳,仲特設男女睡眠專區,更貼心嘅係同層竟然有 Snore Room,唔怕被鼻鼾聲嘈到不能入眠喇。(圖︰akk1_na @IG)