位於淺草的たいこ茶屋(Taikochaya),以震撼價 1,000 日圓推出魚生任食放題,連當地搵食網「食べログ」,都畀 3.5 星評級(5 星滿分),搞到曾經在 IG 瘋狂清版。呢個午市 1,000 日圓魚生放題,已經開始咗一段時間,供應時間為早上 11點半到下午 2 時,每人限時 50 分鐘,是近期靚太們及上班族的最愛。每朝早 10:30 開始派籌,日日都大排長龍,唔夠十分鐘就派完,想食就要趁早排隊。
大大盆魚生任食唔嬲,而且仲有成座咁高的䓤吞拿魚蓉,送飯一流。(圖: kyana__co @IG)
除咗主角魚生外,仲有好多配菜可以選擇,但千祈唔好大嘥鬼。如果食淨太多,會收番 500 日圓。(圖: takuya1914 @IG)
每日 10 點半門口已經出現人龍。