來自北海道小樽甜品名店 LeTAO 嘅副線──GLACIEL 雪糕店於 2016 年 12 月喺札幌車站上面嘅 Stellar Place 開業，而且今次仲有埋坐得舒舒服服嘅 Cafe，先唔講每款的甜點味道都超越酒店質素，而且甜品款款外型充滿藝術感，食落又多層次，難怪每日下午 5 點多，店內的產品已經所剩無幾。

空氣感十足的 Pancake 配白朱古力及呍呢嗱雪糕，女生抵抗不了吧！65 港元。

Vacherin Glace，外型話似藝術品一啲都唔誇張！由熱情果、野莓、士多啤梨及芒果等的雪糕組成，喜歡甜酸的人必點！107 港元。

每日新鮮製造的雪糕只可在門外的專櫃點，每球 46 港元。

店內地方不大，用上一向的實木風格裝潢。